Malebogo Molefhe
Malebogo Molefhe | |
|---|---|
.jpg) Malebogo Molefhein at the 2017 International Women of Courage award ceremony | |
| Tsalo | c. 1980 |
Malebogo Molefhe yo a tshotsweng ka ngwaga wa 1980 ke Mme wa Motswana yo eleng motsameki wa baseketebolo yo o ileng gape a nna mo ema kgatlhanong le kgokgontsho ya bong morago ga go thuntshiwa makgetho a robabobedi. Ka ngwaga wa 2017 o ile a amogela tlotla ya Mafatshefatshe ya bomme ba ba kgothatsang.
Botshelo
[fetola | Fetola Motswedi]
Molefhe o tshotswe ka 1980. O ne a tlhophiwa go emela lefatshe la gagwe mo bseketebolong, a tshameka motshameko ono ele motshameki wa moitseanape go tloga a na le dingwaga di le lesome le borobabobedi. O nna kwa Manyana.
Malebogo o goletse kwa lefatsheng la borwa jwa Aforika la Botswana mme o nna kwa borwa jwa Gaborone.O ne a tlhaselwa ke mokapelo wa gagwe ka ngwaga wa 2009, fa a ne a na le dingwaga tse di masome a mabedi le boferabongwe.[1] Mo tlhaselong eo, mokapelo wa gagwe o mo thuntshitse makgetlho a robabobedi. Motlhasedi, yo o neng a tlhalosiwa jaaka "yo o tshwenyang", o ne a ipolaya ka go ithuntsha.[2] Malebogo o ne a falola mme a fola mo tlhaselong, mme jaanong o dirisa setilo sa maotwana[3] ka ntlha ya kgobalo ya mokwatla.
Malebogo o fetogile mmueledi wa bafalodi ba kgokgontsho ya bong (GBV) le go sotliwa mo lelapeng mo seromamoeng sa Botswana. O rulagantse ditherisano le go thusa ka katiso le mekgatlho ya puso le e e seng ya puso kwa Botswana. O lemoga gore go na le dikarolo tsa setso tse di palelwang ke go lwantsha GBV mme o ithaopela go godisa kitso ka botlhokwa jwa phetogo.
Malebogo o rutile basetsana ba bannye ka ga go itlotla go ba thusa go emelana le kgatelelo ya bong le mefuta e mengwe ya go sotliwa mo lelwapeng. Ene le Lephata la Thuto la Botswana ba simolotse lenaneo la bana go thusa go ithuta ka ga GBV kwa gae. Malebogo gape o rotloetsa metshameko ya bana le bogole le metshameko ya basadi ka kakaretso.
Ka Mopitlo a le masome mabedi le boferabongwe 2017 ene le basadi ba bangwe ba le lesome le bobedi ba merafe e mengwe[1] ba ne ba amogelwa ke Lephata la Merero ya Lefatshe la Amerika mme ba newa Sekgele sa Boditšhabatšhaba sa Basadi ba Bopelokgale kwa Washington, D.C.[4] E ne e le mosadi wa ntlha wa Botswana go amogela seetsele se se ntseng jalo.[5] Jaaka Letlole la Baagi la Lekgotla la Ditshaba le itsisitse, go feta bobedi mo borarong jwa basadi ba Botswana ba kile ba lebana le mofuta mongwe wa kgokgontsho ya bong mo matshelong a bone.[6]
Ditshedimosetso tse dingwe
[fetola | Fetola Motswedi]Metswedi
[fetola | Fetola Motswedi]- 1 2 "U.S. government gives injured Botswana hoops star award; Denver's Craig Hospital gives wheelchair". The Denver Post. 2017-04-10. Retrieved 2019-06-30.
- ↑ "The brutal shooting of Malebo Molefhe". Mmegi Online. Gaborone, Botswana. Retrieved 9 Phalane 2025.
- ↑ Gharib, Malaka (31 March 2017). "Shot By Her Boyfriend and Now Using a Wheelchair, She Found a 'New Me'". Goats and Soda (blog). NPR. Retrieved 9 Phalane 2025.
- ↑ "First Lady Melania Trump Poses for a Photo with International Women of Courage Awardee Malebogo Molefhe of Botswana". Flickr. Retrieved 9 Phalane 2025.
- ↑ "Malebogo Molefhe Becomes the First Motswana to Receive Secretary of State's International Women of Courage Award!". Botswana Youth Magazine. 2017-03-31. Retrieved 9 Phalane 2025.
- ↑ "I Was Shot By My Boyfriend. Now I'm Working to Make Sure That Doesn't Happen to Anyone Else". Teen Vogue. 4 April 2017. Retrieved 9 Phalane 2025.
Dikarolo tse di kwa ntle
[fetola | Fetola Motswedi]- "How the Tigress of Basketball Fought Back". Outlook. BBC World Service. 22 September 2020. Retrieved 22 September 2020.