Malebogo Molefhe

Malebogo Molefhe yo a tshotsweng ka ngwaga wa 1980 ke Mme wa motswana yo eleng motsameki wa bolotloa yo ieleng gape a nna mo ema kgatlanong le kgokgontsho ya bong morago ga go lemogwa makgetho a robabobedi. Ka ngwaga wa 2017 o ile a amogela tlotla ya Mafatshefatshe ya bomme ba ba kgothatsang.

Botshelo[fetola | Fetola Motswedi]

Molefhe o tshotswe ka 1980. O ne a tlhophiwa go emela lefatshe la gagwe mo bolotloa, a tshameka motshameko ono ele motshameki wa moitseanape go tloga a na le dingwaga di le lesome le borobabobedi. O nna kwa Manyana.

Malebogo o goletse kwa lefatsheng la borwa jwa Afrika la Botswana mme o nna kwa borwa jwa Gabarone. O ne a tlhaselwa ke mokapelo wa gagwe ka ngwaga wa 2009, fa a ne a na le dingwaga tse di masome a mabedi le boherabongwe .^[1] Mo tlhaselong, mokapelo wa gagwe o mo thuntshitse makgetlo a robabobedi. Motlhasedi, yo o neng a tlhalosiwa jaaka "yo o tshwenyang", o ne a ipolaya ka go ithuntsha. Malebogo o ne a falola mme a fola mo tlhaselong, mme jaanong o dirisa setulo sa maotwana ka ntlha ya kgobalo ya mokwatla.^[2]

Malebogo o fetogile mmueledi wa bafalodi ba kgokgontsho ya bong (GBV) le go sotliwa mo lelapeng mo seromamoeng sa Botswana. O rulagantse ditherisano le go thusa ka katiso le mekgatlho ya puso le e e seng ya puso kwa Botswana. O lemoga gore go na le dikarolo tsa setso tse di paletsang go kgoreletsa GBV mme o ithaopela go godisa kitso ka botlhokwa jwa phetogo.^[2]

Malebogo o rutile basetsana ba bannye ka ga go itlotla go ba thusa go emelana le kgatelelo ya bong le mefuta e mengwe ya go sotliwa mo lelapeng. Ene le Lefapha la Thuto la Botswana ba simolotse lenaneo la bana go thusa go ithuta ka ga GBV kwa gae. Malebogo gape o rotloetsa metshameko le metshameko ya basadi ka kakaretso.^[2]