Mamelodi Sundowns Ladies F.C.

Mamelodi Sundowns Ladies F.C.

Leina ka botlalo	Mamelodi Sundowns Ladies Football Club
Maina a tshameko	The Brazilians Banyana Ba Style Masandawana Downs Ka bo Yellow
Leina le khutsofaditswe	Sundowns, MSFC, MSL
Tshimologo	2009 (2009)
Lebala	Lucas Moripe Stadium
Palo	28 900
Mong wa setlhopha	Patrice Motsepe
Modulasetilo	Tlhopie Motsepe
Head coach	Tempolete:Country data RSA Jerry Tshabalala
Leki	SAFA Women's League
2023	1st
Maranyane	Club website
Home colours Away colours

Mamelodi Sundowns Ladies F.C. ke setlhopha sa bomme sa kgwele ya dinao se se porofeshionale se se kwa Pretoria, South Africa. Ke setlhopha se se gaisanang mo SAFA Women's League, legato le le kwa godimo mo liking ya kgwele ya dinao ya bomme kwa Afrika Borwa. Ke bone setlhopha se se atlegileng thata mo kgweleng ya bomme kwa Afrika Borwa ka bommampodi ba ba rataro. Setlhopha se, ga mmogo le setlhopha sa borre ke tsa ga Patrice Motsepe.

Ba fentse CAF Women's Champions League ya ntlhantlha ka 2015. Mo go ipatleleng phatlha, CAF Women's Champions League COSAFA Qualifiers tsa 2021, ba ne ba fenya ba sa latlhegelwe le fa e le gangwe fela. Se se ne sa ba isa kwa CAF Women's Champions League ya 2021 e ba neng ba e fenya ba sena tatlhegelo gape ba sa nosiwa.

Ka Mopitlo wa 2024, setlhopha se ne sa tlhoma mokatisi mogolo wa sone wa ntlha wa kgwele ya dinao ya bomme e leng Christa Kgamphe.

Ditso

Setlhopha se se tlhamilwe ka Lwetse a ferabongwe ka 2009 ke monnga sone Patrice Motsepe mme sa tsaya karolo mo Sasol Women's League ya ntlhantlha.

Ka 2013 ba fenya bosimega ja setshaba ja bone ja ntlha kwa Sasol League National Championships ka 2013. Ba fenya ka dino tse pedi go lefela kgatlhanong le sa kwa Limpopo sa Ma-Indies Ladie mo mkgaolakgang a a neng a tshwaretswe kwa Klerksdorp.

Ka 2015 ba baya Sasol League National Championship rekote ya go nosa dino fa ba fenya Galeshewe Ladies ka masome a mabedi le botlhano go lefela kwa Sasol League National Championship ya 2015 kwa Sasolburg. Ba ne ba tswelela ba ya go fenya bommampodi ja setshaba ba bo ba kuka bosimega ja bobedi, ba fenya Cape Town Roses ka tse tlhano go lefela kwa makgaolakgang.

Sundowns e fentse SAFA Women's League ya ntlhantlha ba sa latlhegelwa, diphenyo tse masome mabedi le motso le maleka a le mangwe fela, ba nosa dino tse masome a ferabobedi le boraro mme ba nosiwa tse lesome le boraro fela.