Jump to content

Manuela Zinsberger

Tsenya dikgolaganyo
Go tswa ko Wikipedia
Manuela Zinsberger
Zinsberger in 2017
Motshameki wa kgwele ya dinao
Letsatsi la tsalo (1995-10-19) 19 October 1995 (age 28)
Lefelo la tsalo Stockerau, Austria
Bolele 177 cm (5 ft 10 in)
Maemo Goalkeeper
Club information
Current team
 Arsenal
Number 1
Youth career
2001–2009 USV Leitzersdorf
2009–2010 SV Stockerau
2010 USV Großrußbach
Tiro ya gagwe*
Dingwaga Setlhopha Metsh (Dinno)
2010–2014 SV Neulengbach
2014 Bayern Munich II
2014–2019 Bayern Munich
2019– Arsenal
Setlhopha sa setshaba
2010–2011 Austria U-17
2011–2013 Austria U-19
2013– Austria
*Metshameko ya gagwe le dinno

Manuela Zinsberger (yo o tshotsweng ka Phalane a le lesome le boferabongwe ka 1995) ke motshameki wa kgwele ya dinao wa profeshionale wa moAustria yo o tshamekang e le motshwara dino wa setlhopha sa seesemane sa Women's Super League sa Arsenal le setlhopha sa bosetshaba sa Austria.

Botshelo[fetola | Fetola Motswedi]

Zinsberger o goletse kwa motseng wa Niederhollabrunn kwa Lower Austria. O simolotse a ithutuntsha le LAZ Stockerau le kwa AKA St. Pölten go tswa ka 2009. Go tswa mo ngwageng wa sekolo wa 2011/12 a hudugela kwa National Center for Women's Football e e neng e le ntsha go tlhamiwa kwa St. Pölten.[1]

Ka 2017 o ne a kaiwa e le moAustria wa ngwaga ke Die Presse mo karolong ya katlego ya boditshabatshaba.[2] Ka Sedimonthole ngwaga wa 2020 a le dingwaga di masome a mabedi le botlhano, o ne a kaiwa e le motshameki wa kgwele ya dinao wa ngwaga wa Austria ke Austria Press Agency, e le motshwaradino wa ntlha go fenya motshameki wa ngwaga.[3]

Tiro ya setlhopha[fetola | Fetola Motswedi]

Youth Clubs

Mo bonaneng jwa gagwe, Zinsberger o tshameketse USV Leitzersdorf le SV Stockerau.[4]

USVG Großrußbach

Ka phetogo ya mariga ya 2009/10, Manuela Zinsberger a fetogela e le lantlha go ya kwa kgweleng ya dinao ya bagolo kwa USVG Großrußbach mo liking ya Lower Austrian state.[4] O dirile tshimologo ya gagwwe ka Mopitlo a le masome a mabedi le bongwe ka 2010 mo motshamekong kgatlhanong le Maria Anzbach. Mo metshamekong e ferangbongwe ya bommampodi o ne a seka a nosiwang ga tlhano.

SV Neulengbach

Ka selemo sa 2010, a hudugela kwa setlhopheng sa kwa ÖFB-Frauenliga sa SV Neulengbach mme a dira tshimologo ya gagwe ya go tshameka ka Phalane a le masome a mararo ka 2010 (letsatsi la motshameko la boferabongwe) – moragonyana fela ga letsatsi la matsalo la gagwe la dingwaga tse di lesome le botlhano – mo malekeng a 1– 1 kwa gae kgatlhanong le FC Südburgenland. E ntse e le mo nakong eo a tshamekela Neulengbach Juniors mo kgaoganyong ya bobedi ya Bothaba/Borwa go fitlha ka 2013. [5]

FC Bayern Munich

Ka letsatsi la masome a mabedi le bosupa ka 2014, Zinsberger a saena tumalano ya dingwaga tse tharo le FC Bayern Munich.[6] O simolotse metshameko ya gagwe le Bayern Munich ka Lwetse a le masome a mabedi le bongwe ka 2014 (letsatsi la motshameko la boraro), fa a fenya 4–1 le setlhopha sa bobedi mo motshamekong kgatlhanong le ETSV Würzburg. Mo setlhopheng sa ntlha o feditse motshameko wa gagwe wa ntlha wa Bundesliga ka letsatsi la masome a mararo la ga Ngwanatsele ka 2014 (letsatsi la motshameko la lesome le bongwe) mo malekeng a lefela-lefela kgatlhanong le SGS Essen.[7] Ka Tlhakole a le lesome le boferabobedi ka 2017 (letsatsi la motshameko la lesome le bobedi) o ne a thiba tlhago-kwatlhao e e nneng e tserwe ke Carolin Schiewe mo motsotsong wa masome a supa le bone mo motshamekong wa kwantle kgatlhanong le SC Freiburg ebile a netefatsa phenyo ya 3–2 ya setlhopha sa gagwe. Ka Tlhakole a le masome a mabedi le borataro ka 2017 (letsatsi la motshameko la lesome le boraro), setlhopha sa gagwe sa fenya 2–1 ka dinno tse pedi go tswa kwa go Vivianne Miedema, yo o neng a tsena mo motshamekong mo motsotsong wa masome a marataro. Ka Moranang a le gabedi 2019, go ne ga itsisiwe fa Zinsberger a tla seke a ntshafatse tumalano ya gagwe ebile a tla tlogela setlhopha se ka ikopelo ya gagwe mo selemong.[8][9] Mo setlheng sa 2019/20, o ne a saeniwa ke setlhopha sa seesemane sa liki ye kgolo sa Arsenal.[10]

Arsenal WFC

Fa a sena go hudugela kwa Arsenal WFC, Zinsberger ka bonako a itlhoma e le motshwara dinno wa ntlha mme a tshameka metshameko ya gagwe ya ntlha e le some le bobedi mme a nosiwa dino di le lesome le bongwe fela.[11] Ka Ngwanatsele a le lesome le bosupa ka 2019, Zinsberger e ne e le bontlha jwa phenyo mo motshamekong wa derby wa Lontone fa gare ga Arsenal le Chelsea, ba ba baneng ba ipelela rekote ya balebeledi ba le 38, 262 mo Women's Super League ya ga Mmamosadinyana.[12] Arsenal e ne ya fenya 2–0 kwantle, Zinsberger a sa nosiwe le fa e le nno mo motshamekong o o wa rekote.[13] Mo 2019/20 UEFA Women's Champions League o tshamekile mo motshamekong wa tikologo ya lesome le borataro o le mongwe pele ga boikhutso jwa Covid le mo go wa quarter-final morago ga boikhutso. Quarter-final kgatlhanong le Paris Saint-Germain e ne ya latlhegelwa ka 1–2. Ba le mo maemong a boraro mo 2020/21 FA Women's Super League, Arsenal e ne ya tshwanelwa ke go fetela kwa 2021/22 UEFA Women's Champions League ka tsela ya kemisetso, e e neng ya akaretsa diphenyo kgatlhanong le Oqshetpes Kokshetau (4–0), PSV Eindhoven (3–1), le Slavia Prague (3:0 le 4:0), mo a neng a le mo dipaleng makgetlho a le mararo. Mo legatong la ditlhotshwana, a tshameka mo phenyong ya mo gae kgatlhanong le Hoffenheim (4–0) le mo ditatlhegelong tse pedi kgatlhanong le basireletse ba sejana seo FC Barcelona (1:4 le 0:4). E le ba bobedi fa morago ga Barcelona ka ntlha ya pharologanyo ya dino e e botoka kwa godimo ga Hoffenheim, ba goroga kwa di quarter-finaleng. Koo o tshamekile mo metshamekong e mebedi kgatlhanong le VfL Wolfsburg. Morago ga maleka a nno go setlhopha kwa gae, ba fenngwa ka nno tse pedi go lefela kwa Wolfsburg. Arsenal e feditse setlha sa 2021/22 e le bafenyi ba bobedi. Zinsberger o dirile iponagatso tse masome a mabedi mme a nna mo bankeng ga bedi. Ka Tlhakole a le malatsi a matlhano ka 2021 Zinsberger a saena tumalano ya se nnela ruri le Arsenal go mmaa kwa setlhopheng seo go ftlha ka 2023. Zinsberger o fentse tlotla ya Golden Glove ya setlha sa 2021/2022 sa Women's Super League a sa nosiwe makgetlho a le lesome le boraro.[14]

Tiro ya ditshabatshaba[fetola | Fetola Motswedi]

Morago ga Zinsbergerr a tshameka metshameko ya bo ditshabatshaba le ditlhopha tsa U-17 le U-19, o ne a biletswa kwa setlhopheng sa bosetshaba sa Austria ele lantlha ka Seetebosigo a le gabedi 2013, mo motshamekong le baagisanyi Slovenia kwa Radlje ob Dravi. A le dingwaga tse lesome le bosupa, o tshamekile mo karolong ya bobedi, Austria e fenya ka nno tse tharo go e le nngwe, a tsena mo boemong jwa ga Anna-Carina Kristler ka motsotso wa masome a mane le borataro, go tsaya cap ya gagwe ya ntlha.[15][16] Ka 2014 kwa koping ya Algarve, o ne a tlhagelela mo tatlhegelong ya 2–0 kgatlhanong le North Korea ka Mopitlo a supa, le mo phenyong ya 2–1 kgatlhanong le Portugal ka Mopitlo a le lesome le bobedi. O tshamekile metshameko ele meraro ya go ipatlela phatlha kwa sejaneng sa lefatshe sa 2015 kwa Canada: phenyo ya 3–0 ka Phalane a le masome a mabedi le borataro 2013 kwa Budapest kgatlhanong le Hungary, le gape ditatlhegelo tse pedi tsa 1–3 kgatlhanong le France ka Phalane a le masome a mararo le bongwe 2013 kwa Ritzing le ka Moranang a ferabongwe 2014 kwa Le Mans.

Ka Mopitlo wa 2016, a fenya Cyprus Cup le Austria e le lantlha a e tsenelela. Le setlhopha se segolo sa bosetshaba, a fetsa tikologo ya bobedi ya go ipatlela phatlha kwa 2017 European Championships mo maemong a bobedi mo setlhophane sa boferabobedi ba le fa morago ga Norway ba bo ba iponela phatlha e le lantlha. O ne a bona nako ya go tshameka mo metshamekong yotlhe e meraro ya dithophana, kgatlhanong le Switzerland, France le Iceland, ga mmogo le wa di quarter-finale kgatlhanong le Spain, kwa a nnileng le seabe sa botlhokwa mo phenyong ya tlhago ya dipenaliti. Setlhopha se ne sa goroga kwa sekamakgaolakgannyeng a Euro 2017, kwa ba neng ba latlhegelwa kgatlhanong le Denmark ka dipenaliti.[17]

Mo go iponneng phatlha kwa Euro 2022, o tshamekile metshameko yotlhe e robabobedi mme a nosiwa dinno fela mo tatlhegelong ya 0–3 kwantle ga gae kgatlhanong le France. E le setlhopha sa boraro go gaisa mo maemong a boraro, MaAustria a ne a iponna phatlha kwa makgaolakannyeng a European Championship e le la bobedi, kwa ba tshamekileng motshameko wa pulamadibogo kgatlhanong le batshegetsi ba metshameko eo, Enyelane. Ka makgaolakgang a ne a tlosolosiwa ka ngwaga ka ntata ya COVID-19, metshameko ya ntlha e e ferangbobedi ya go ipatlela phatlha kwa sejaneng sa lefatshe sa 2023 e tshamekilwe pele ga makgaolakang, kwa a tshamekileng ga supa mme a sa nosiwe ga raro. Ka Seetebosigo a le masome a mabedi le bosupa 2022, o ne a nopolwa mo makgaolakannyeng a European Championship.[18]

Mo tatlhegelong ya Austria ya nno e le nngwe go lefela kgatlhanong le Enyelane mo motshamekong wa pulamadibogo wa UEFA European Championship 2022, Zinsberger o ne a akgolelwa botsalano jo a neng a bosupegetsa motshameki kaene wa kwa Arsenal Beth Mead yo a neng a nositse nno ya phenyo ya Enyelane.[19]

Botshelo jwa gagwe[fetola | Fetola Motswedi]

Ka Mopitlo a supa ka 2022, Zinsberger o ne a bega peeletso ya gagwe le kgarebe ya gagwe Madeleine; o nyetse molekane wa gagwe ka Seetebosigo a ferabongwe 2023.[20] Ka Sedimonthole a le masome a mabedi le botlhano 2023, a bega ka Instagram gore ba solofetse lesea ka Seetebosigo 2024.[21]

Ditlotla[fetola | Fetola Motswedi]

SV Neulengbach

  • ÖFB-Frauenliga: 2010, 2011, 2012, 2013
  • ÖFB Cup: 2010, 2011, 2012

Bayern München

  • Bundesliga: 2014–15, 2015–16
  • DFB Cup runner-up: 2018

Arsenal

  • FA Women's League Cup: 2022–23,[22] 2023–24[23]

Austria

  • Cyprus Cup: 2016

Personal

  • Austrian of the year in the International Success category 2017
  • Austrian Sportswoman of the Year 2017
  • Austria's Footballer of the Year (APA) 2020
  • Women's Super League Golden Glove: 2021–22[24]

Metswedi[fetola | Fetola Motswedi]

  1. ↑ "Nationales Zentrum". 12 March 2012. Archived from the original on 12 March 2012. Retrieved 31 January 2023.
  2. ↑ "Austria'17-Gala: Top-Leister vor den Vorhang". Die Presse (in German). 24 October 2017. Retrieved 31 January 2023.
  3. ↑ "Manuela Zinsberger als erste Torfrau Fußballerin des Jahres". kurier.at (in German). 21 December 2020. Retrieved 31 January 2023.
  4. ↑ 4.0 4.1 "Manuela Zinsberger". oefb.at (in German). Retrieved 20 March 2024.
  5. ↑ "Player details Manuela Zinsberger". oefb.at (in German). Retrieved 6 February 2023.
  6. ↑ "Teamtorhüterin Zinsberger wechselte zum FC Bayern" (in German). Kleine Zeitung. 26 June 2014. Retrieved 17 September 2015.
  7. ↑ "Spieltag/Tabelle". DFB – Deutscher Fußball-Bund e.V. (in German). 31 July 2020. Retrieved 6 February 2023.
  8. ↑ "ÖFB-Torhüterin Zinsberger verlässt FC Bayern mit Saisonende". www.sn.at (in German). 2 April 2019. Retrieved 6 February 2023.
  9. ↑ "Torfrau Zinsberger wechselt zu Englands Meister Arsenal". sport.ORF.at (in German). 17 May 2019. Retrieved 6 February 2023.
  10. ↑ "Manuela Zinsberger signs for Arsenal". 17 May 2019. Retrieved 17 May 2019.
  11. ↑ "Manuela Zinsberger – Leistungsdaten – Frauenfußball auf soccerdonna.de". www.soccerdonna.de. Retrieved 6 February 2023.
  12. ↑ Dev, Paul. "38 000 personnes pour Tottenham-Arsenal, nouveau record pour le Championnat anglais féminin". France Football (in French). Retrieved 7 February 2023.
  13. ↑ "Rekordkulisse! Zinsberger hält Arsenal-Tor sauber". Kronen Zeitung (in German). 17 November 2019. Retrieved 6 February 2023.
  14. ↑ "Emma Hayes: Chelsea Women's boss named FA WSL Manager of the Season after third consecutive title". Sky Sports. Retrieved 6 August 2022.
  15. ↑ "ÖFB-Frauen feiern 3:1-Auswärtssieg" (in German). Austrian Football Association. 2 June 2013. Archived from the original on 8 August 2014. Retrieved 17 September 2015.
  16. ↑ "Slowenien – Österreich 1:3 (Frauen Freundschaft 2013, Juni)". weltfussball.de (in German). Retrieved 7 February 2023.
  17. ↑ sport, Guardian (3 August 2017). "Denmark reach Euro 2017 final after penalty shootout win over Austria". The Guardian. ISSN 0261-3077. Retrieved 7 February 2023.
  18. ↑ "Der EURO-Kader steht". oefb.at (in German). Retrieved 7 February 2023.
  19. ↑ Musarurwa, Kudzi (7 July 2022). "Manuela Zinsberger and Beth Mead remind us that despite the stakes, football can still be fun". All For XI. Retrieved 12 July 2022.
  20. ↑ "Verlobt! Teamtorfrau Zinsberger im "7. Himmel"" (in German). Kronen Zeitung. 7 March 2022. Retrieved 5 September 2022.
  21. ↑ "Arsenal Women's goalkeeper Manuela Zinsberger reveals her wife is pregnant with their first child as she shares ultrasound photos of their 'special gift' on Boxing Day". Goal. 27 December 2023. Retrieved 28 December 2023.
  22. ↑ Sanders, Emma (5 March 2023). "Arsenal 3–1 Chelsea: Gunners fight back to win Women's League Cup final". BBC Sport. Retrieved 5 March 2023.
  23. ↑ Smith, Emma (31 March 2024). "Arsenal 1-0 Chelsea (AET): Stina Blackstenius secures League Cup glory in extra time". BBC Sport. Retrieved 7 April 2024.
  24. ↑ Eliasch, Christoph (10 May 2022). "Zinsberger gewinnt "Golden Glove" der FA Women's Super League". Sky Sport Austria (in German). Retrieved 7 February 2023.
Retrieved from "https://tn.wikipedia.org/w/index.php?title=Manuela_Zinsberger&oldid=35837"