Mapi León

Mapi León

León in 2023
Motshameki wa kgwele ya dinao
Leina ka botlalo	María Pilar León Cebrián
Letsatsi la tsalo	(1995-06-13) 13 June 1995
Lefelo la tsalo	Zaragoza, Spain
Bolele	1.69 m (5 ft 7 in)
Maemo	Left-back, centre-back
Club information
Current team	Barcelona
Number	4
Tiro ya gagwe*
Dingwaga	Setlhopha	Metsh	(Dinno)
2009–2011	Prainsa Zaragoza B
2011–2013	Prainsa Zaragoza	64	(6)
2013–2014	Espanyol	30	(4)
2014–2017	Atlético Madrid	84	(4)
2017–	Barcelona	218	(12)
Setlhopha sa setshaba‡
2016–2023	Spain	54	(1)
*Metshameko ya gagwe le dinno, correct as of 14:10, 4 March 2024 (UTC) ‡ National team caps and goals, correct as of 15:25, 12 October 2022 (UTC)

María Pilar León Cebrián (listen^ⓘ; yo o tshotsweng ka Seetebosigo a le lesome le boraro ka 1995) yo o itseng ka Mapi León, ke motshameki wa kgwele ya dinao e e porofeshionale wa moSpanish yo o tshamekang kwa morago mo setlhopheng sa Liga F sa Barcelona le sa Spain sa setshaba.

León o simolotse tiro ya gagwe kwa setlhopha sa kwa legaeng la gagwe sa Prainsa Zaragoza pele a fudugela kwa Espanyol le Atlético Madrid. Kwa Atlético o ne a dira phetogo go tswa mo go nneng motshameka morago wa ka fa molemeng go ya kwa motshameka morago wa fa gare ka fa tlase ga kaelo ya mokatisi Villacampa. León o fentse bosimega ja ntlha ja liki le Copa de la Reina tsa gagwe tsa ntlha kwa setlhopheng seo.

Ka 2017 León o ne a nna yone phuduso ya ntlha e e duelelwang mo ditsong tsa kgwele ya dinao ya bomme ba maSpanish fa a saenela Barcelona go tswa kwa Atlético Madrid ka tuelo ya 50,000 euros. Mo gae le Barcelona o fentse di Copas de la Reina tse nne, bosimega ja liki ga raro, le Supercopa Femenina tse pedi. Mo kontinenteng o tshamekile mo makgaolakgannyeng a Champions League le setlhopha seo ka 2019, 2021 le 2022 a fenya ya 2021 ele leloko la go fenya dikopi tse tharo mo setlheng se le sengwe mo kontinenteng mo ditsong tsa setlhopha seo.

León o tshamekile mo metshamekong ya boditshabatshaba le setlhopha sa setshaba sa Spain a simoloa tshameko ya gagwe ya ntlha ka 2016 mo metshamekong ya go ipatlela phatlha kwa UEFA Women's Euro ya 2017. E sale foo o ne a tlhagelela mo dikgaisanong tsa boditshabatshaba le La Roja kwa UEFA Women's Euro ya 2017, sejana sa lefatshe sa FIFA sa bomme sa 2019, le UEFA Women's Euro ya 2022. Ka 2023 o ne a gana go tsgamekela setlhopha sa setshaba sa Spain a supa go tlhoka tekatekano le maemo a a sa siamang.

Botshelo ja pele

María Pilar León Cebrián o tshotswe ka Seetebosigo a le lesome le boraro ka 1995 e le ngwana wa ga Javier le Pilar. León o ne a godisiwa le kgaitsadie yo motona kwa La Almozara e e leng kgaolo ya Zaragoza.

León o simolotse go tshameka volleyball a le dingwaga tse supa mme a tshameka metshameko e mengwe e mentsi fa ele ngwana e e akaretsang baseball. Moragonyana o ne a simolola go tshameka futsal mo setlhopheng sa mo gae sa Gran Via kwa a neng a tshameka mo tlhakoreng ga lebala. Mo dingwageng tseo o ne a fiwa scholarship go re a ye kwa sekolong sa botaki mme a gana tlotla eo go itebaganya le kgwele ya dinao.

León o ne a lemogiwa ke David Magaña, motsamaisi wa pele wa metshameko wa Zaragoza CFF, yo o neng a mo lemoga le kgaitsadie Javi ba tshameka kgwele ya dinao fa a ile mabenkeleng a Carrefour supermarket. O ne a simolola go ikatisa le setlhopha seo a le dingwaga tse lesome le motso.