Nancy Isime

Nancy Isime
Nancy Isime at the AMVCAs 2020
Tsalo	Nancy Isime at the AMVCAs 2020 Edo State, Nigeria
Letso	Nigerian
Alma mater	University of Lagos
Tiro	Actress TV Presenter
Dingwaga tsa a le mo tirong	2011- till date
O itsegi ka	Social Media/TV Personality

Nancy Isime (o tshotswe ka Sedimonthole a tlhola malatsi a le lesome le bosupa ngwaga wa 1991) ke modiragatsi kwa lefatsheng la Nigeria.

Botshelo jwa pele le Tlholego

Nancy Isime o tsholetswe kwa Edo State,kwa borwa-borwa jwa lefatshe la Nigeria a tsholwa ke batsadi ba tlholego ya Esan.Morago ga dithuto tsa gagwe tse di kgolwane,o ne ya sekolong sa ithutelo ditiro sa University of Lagos.

Nancy Isime o tlhokafaletswe ke Mmagwe a le dingwaga di le tlhano mme a godisiwa ke Rragwe.O goletse kwa Lagos kwa a simolotseng dithuto tsa gagwe tse dipotlana le tsa magare teng.Morago,o ne a tloga a ya kwa Benin City,kwa a neng a dira dithuto tsa gagwe tse di kgolwane teng.O dirile dithuto tsa dikgwedi tse thataro kwa University of Port Harcourt kwa Rivers State pele a dira dithuto tsa gagwe tse dikgolwane tsa diploma in Social Work kwa University of Lagos.

Mmereko/Pereko

Nancy Isime o simolodisitse pereko ya gagwe e le modiragatsi mo setshwantshong sa motshikinyego sa Echoes ka ngwaga wa 2011.O itsege gape ka go gasa thulaganyo ya thelebisine ya The Squeeze,technology show,Whats Hot,le ditiragalo tsa kwa morago mo thulaganyong ya MTN Project Fame tsa karolo ya bosupa.Ka ngwaga wa 2016 o ne a emesitse Toke Makinwa go nna mogasi wa thulaganyo e e itsegeng thata e e tumileng ya HipTV.O ne a tshwaraganela kgaso le Reminisce ya lenaneo la The Headies award ka ngwaga wa 2019.O kile gape a nna mogasi wa thulaganyo ya The Voice Nigeria 2021.Ka ngwaga wa 2019,Isime o ne a simolodisa thulaganyo ya gagwe ya setshwantsho sa motshikinyego e e bidiwang The Nancy Isime Show.Ka 2020,a tshwaraganela kgaso ya kabo dietsele ya thulaganyo ya The Headies le Bovi.Ka 2022,o ne a diragatsa mo thulaganyong ya thelebisene ya Blood Sisters,a tshameka bogogi jwa ga Kemi, e e rulagantsweng ke ba Ebonylife TV e e leng tlhamo ya ga Mo Abudu.Ka 2023,o ne a diragatsa e le Shalewa mo thulaganyong ya Shanty Town.