Nile

NILE
[[File: Cairo skyline, Panoramic view, Egypt |288px|alt=]] Nile in Cairo, Egypt
[[File: River Nile map |288px|alt=]]
Basin countries	Egypt, Sudan, South Sudan, Ethiopia, Uganda, Democratic Republic of the Congo, Kenya, Tanzania, Rwanda, Burundi

Noka ya Nile ke noka e kgolo e e elelang gotswa kwa bokone go tsena mo bokonebotlhaba jwa Aforika, mme elelela kana e tshololela metsi a yone mo Lewatleng la Mediterranean. Ka bolele jwa dikete di supa le masome a robabobedi le borobabobedi a dikilometara ( 7,088)km, noka ya Nile ke yone noka e telele go gaisa mo lefatsheng le fa ntswa metsi a yone a tsewa ale kwa tlase fa go tshwantshanngwa le dinoka tse ditona jaaka Amazon le Congo. Noka ya Nile e nnile botlhokwa thata mo dingwageng tse di sedikadike mo Aforika go lebelwe tsa tikologo le ngwao.

Noka ya Nile e tlatswa kana tshelwa ke metswedi ele mebedi ebong White Nile le Blue Nile. White Nile e telele mme ebile e tsewang jaaka kgopu ya tshimologo ya metsi a mantsi, lefa ntswa Blue Nile e tshela selekanyo sa White Nile go menagane gabedi. White Nile e simologa go bapa le lekadiba la Victoria ( lake Victoria) mme e elela go ralala mafatshe a Uganda le South Sudan, fa Blue Nile yone e simologa go bapa le lekadiba la Tana( lake Tana) mo Ethiopia mme e elela go tsena mo lefatsheng la South Sudan gotswa kafa borwa botlhaba. Noka tse pedi tse di kopanela mo toropo kgolo ya Sudan ebong Khartoum. Go tswa foo noka e ya Nile e ralala sekaka sa Nubian (Nubian Dessert) go tsena mo motse mogolo wa Egepeto ebong Cairo, mme e kgwele kana e tshololele metsi a yone mo lewatleng la Mediterranean ( Mediterranean Sea) go bapa le Alexandria foo e dirileng setlhaketlhake kana makgobokgobo a matona.