Patricia Guijarro

Patri Guijarro

Guijarro with Barcelona in 2024
Motshameki wa kgwele ya dinao
Leina ka botlalo	Patricia Guijarro Gutiérrez
Letsatsi la tsalo	(1998-05-17) 17 May 1998
Lefelo la tsalo	Palma de Mallorca, Spain
Bolele	1.70 m (5 ft 7 in)
Maemo	Midfielder
Club information
Current team	Barcelona
Number	12
Youth career
–	Collerense
Tiro ya gagwe*
Dingwaga	Setlhopha	Metsh	(Dinno)
2012–2013	Collerense B
2013–2015	Collerense	51	(7)
2015–	Barcelona	300	(42)
Setlhopha sa setshaba‡
2013–2015	Spain U17	26	(10)
2015–2017	Spain U19	19	(6)
2016–2018	Spain U20	10	(7)
2017–2023	Spain	52	(11)
*Metshameko ya gagwe le dinno, correct as of 01:20, 9 March 2024 (UTC) ‡ National team caps and goals, correct as of 15:25, 12 October 2022 (UTC)

Patricia "Patri" Guijarro Gutiérrez (peleto ya Spanish: [paˈtɾiθja ɣiˈxaro] listen^ⓘ; yo o tshotsweng ka Motsheganong a le lesome le bosupa ka 1998) ke motshameki wa kgwele ya dinao e e porofeshionale wa moSpanish yo o tshamekang fagare kwa setlhopheng sa Liga F sa Barcelona le sa setshaba sa Spain

Guijarro o ntse le seabe sa botlhokwa mo katlegong ya mo bogaufing ya ditlhopha tsa Spain tsa setshaba tsa banana a dira dineelo tsa botlhokwa mo ditlhopheng tsa under-17, under-19 le under-20. Segolo thata, one a fiwa Golden Ball le Golden Boot kwa sejaneng sa lefatshe sa U-20 sa 2018 fa Spain e fetsa mo maemong a bobedi. Go tlatsa moo, morago ga go fudugela ga gagwe kwa FC Barcelona Femení go tswa kwa UD Collerense ka 2015, o bone katlego ya mo gae le kwa Yuropa le setlhopha seo. Guijjaro e ne e le leloko la setlhopha sa Barcelona se se neng sa fitlha kwa makgaolakgannyeng a Champions League a bone a ntlha ka 2019, abo a nna le seabe sa botlhokwa mo setlhopheng sa Barcelona se se neng sa fenya UEFA Women's Champions League ya 2020–21. O nositse dino tse pedi mo makgaolakgang a UEFA Women's Champions League ya 2023 fa a fenya bo mmampodi ja UEFA Women's Champions League e le labobedi le Barcelona. Ditiragatso tsa gagwe mo ditlhopheng tsa Spain tsa bonana le tse di kgolo le sa Barcelona di mo dirile gore a akanyediwe fa e le mongwe wa batshamekagare ba ba gaisang lefatshe ka bophara.

Botshelo ja pele

Patricia Guijjaro o tshotswe ka Motsheganong a le lesome le bosupa ka 1998 kwa toropokgolo ya setlhaketlhake sa Mallorca. O bolela fa a tsholelwa mo lelwapeng la kgwele ya dinao ebile ba ne ba abalana lorato la motshameko o o le batsadi ba gagwe go tswa kwa bonnyaneng. O simolotse go tshameka kgwele ya dinao a le dingwaga tse supa ka fa tlase ga tlhotlheletso ya ga rraagwe. Setlhopha sa ntlha a se tshamekela e ne e le sa kwa gae la bone sa CF Patronato.

Tiro ya setlhopha

Collerense

Fa a le dingwaga tse lesome le bone, Guijjaro o ne a bilediwa go ya go tshameka kwa ditlhopha tsa banana tsa setlhopha sa UD Collerense morago ga a sa tlhole a letelelwa go tshameka le basimane.

O ne a tlhatosetswa kwa setlhopheng sa ntlha sa Collerense fa a le dingwaga tse lesome le botlhano fela. Mo motshamekong kgatlhanong le Barcelona a kgatlha leitlho la mokatisi wa Barcelona wa nako eo Xavi Llorens yo o neng a dira go mo saena mo selemong se se latelang.

Barcelona

Phudugo ya Guijjaro go ya kwa FC Barcelona e ne ya feleletswa ka Seetebosigo wa 2015 ka tumalano ya dingwaga tse tharo.

Kwa tshimologong ya setlha sa 2017–18, o ne a nosa mo phenyong ya dino tse tharo go lefela kgatlhanong le Espanyol, a fenya kopi ya gagwe ya Copa Catalunya ya boraro. Mo sekamakgaolakgang a Women's Champions League ya 2017–18 o ne a nosa nno ya gagwe ya ntlha ya UWCL kwantle kwa Lyon e e neng ya thusa Barcelona mo tshamekong eo. Mo legatong la kwa ga le fa go ntse jalo, Barcelona ya nna batswasetlhabelo ba nno ya ga Eugénie Le Sommer e Guijjaro a lekileng go e tlosa mo moleng wa dino mme ba tswa mo di quarter-finaleng kgatlhanong le ba ba feletseng ba fenya kgaisano. O tshamekile mo metshamekong ya Barcelona yotlhe ya Copa de la Reina ya 2018 go akarediwa le wa sekamakgaolakgang o o ileng wa ya kwa dipenaliting. O ne a atlega a nosa penaliti ya gagwe fa Barcelona e fetela kwa makgaolakgang a bone a bosupa a Copa de la Reina. O ne a simolola makgaolakgang kgatlhanong le Atlético Madrid a ileng a ya kwa nakong e e okeditsweng mme ba falotswa ke nno ya ga Mariona Caldentey mo motsotsong wa lekgolo le metso e masome a mabedi e e neng ya mo fenyetsa bommampodi ja Copa de la Reina ja bobedi.