Pearl Thusi

Pearl Thusi
Tsalo	Sithembile Xola Pearl Thusi (1988-05-13) 13 May 1988 Hammarsdale, Kwazulu-Natal, South Africa
Thuto	University of the Witwatersrand
Tiro	Actress model radio personality television host businesswoman
Dingwaga tsa a le mo tirong	2003–present
O itsegi ka	Queen Sono Quantico (TV series)|Quantico Bulletproof (TV series)|Bulletproof] Fistful of Vengeance The No. 1 Ladies' Detective Agency
Bana	2
Maranyane	www.pearlthusiofficial.com

Sithembile Xola Pearl Thusi o tshotswe ka Motsheganong a le lesome le boraro ka ngwaga wa 1988. Ke modiragatsi, mmabontle ebile ke mogasi. O itsege ka baanelwa ba a batshamekileng jaaka Patricia Kopong mo motseletseleng wa motshameko o o kgathisang wa motswedi wa tshedimosetso wa BBC/HBO o o bidiwang The No.1 Ladies' Detective Agency, Dayana Mampasi mo Quantico e e neng e supiwa mo ABC, le Samkelo mo filiming ya marato ya Catching Feelings. Ka ngwaga wa 2020, o ne a nna moanelwa-mogolo mo motseletseleng wa Aforika wa ntlha go supiwa mo Netflix, ebong Queen Sono.

Botshelo jwa a le mmotlana le thuto

Thusi o tswa kwa motsesetoropong wa KwaNdengezi le kwa Hammarsdale gaufi le Durban. O na le bomonnawe ba basetsana ba le babedi. O tsene sekolo sa basetsana fela kwa Pinetown Girls' High School. O simolotse dithuto tsa gagwe kwa University of Witwatersrand (Wits University), mme a ikgogela morago gore a nne le nako ya go bereka. Ka ngwaga wa 2020, o ne a tsweledisa dithuto tsa gagwe kwa University of South Africa (UNISA).

Tiro

Thusi ke mogasi wa Lip Sync Battle Africa mo MTV le e.tv, ga mmogo le mo thulaganyong ya pusiano ya Moments mo EbonyLife TV. O kile a tlhagelela mo thulaganyong ya SABC 3 ya Isidingo a tshameka Palesa Motaung, a gasa Live Amp le DJ Warras le Luthando Shosha, le thulaganyo ya SABC 1 ya Real Goboza.

Ka ngwaga wa 2009, Thusi o ne a tlhagelela mo thulaganyong e e kgatlhisang e e neng e gasiwa mo motsweding wa tshedimosetso wa BBC/HBO e bidiwa The No.1 Ladies Detective Agency.

Ka ngwaga wa 2015, Thusi o tlhageletse e le Dr. Nandi Montabu mo Tremors 5:Bloodlines. O tlhageletse gape mo setshwantshong sa mmino se bidiwa "Pearl Thusi" sa ga Emtee.

Ka ngwaga wa 2016, Thusi o ne a nna mongwe wa ba ba tlhagelelang kgapetsa mo karolong ya bobedi ya thulaganyo ya metseletsele ya ABC e e bidiwang Quantico a le Dayana Mampasi, a diragatsa le Priyanka Chopra. Ka one ngwaga oo, Thusi o ne a diragatsa e le Samkelo mo filiming ya marato ya Catching Feelings. Filimi e e ntshitswe ka Mopitlo a le lesome le borobabongwe ka ngwaga wa 2018.

Ka ngwaga wa 2017 Thusi o ne a diragatsa e le Brenda Riviera mo filiming ya Kalushi.

Ka ngwaga wa 2018, Thusi o ne a nna mogasi o mosha wa kgaolo ya boraro ya Behind The Story ya MTV Base. E ntse e le one ngwaga oo, Thusi o ne a nna moanelwamogolo wa Queen Sono mo thulaganyong ya Netflix e bidiwa Queen Sono. Thulaganyo e ne ya simolola ka Tlhakole a le masome mabedi le borobabobedi ka ngwaga wa 2020 mme ya amogelesega ka diatla tsoo-pedi mo basekaseking, bogolo jang bodiragatsi jwa gagwe Thusi. Ka Moranang 2020, e ne ya ntshafadiwa go nna le kgaolo ya bobedi, mme e ne ya re ka Ngwanatsele ngwaga wa 2020, ga begiwa fa Netflix e emisitse thulaganyo eo ka ntlha ya dikgwetlho tsa kgatiso tse di bakilweng ke segajaja sa COVID-19. Ka Morule a le lesome le botlhano ngwaga wa 2020, o ne a nna mogasi wa dietsele tsa ntlha tsa kwa KZN tsa tloso budutu tsa 1st KZN Entertainment Awards a gasa le Somizi Mhlongo.

Ka Tlhakole ngwaga wa 2021, Thusi o ne a nna Zama Zulu mo filiming ya Netflix ya Fistful of Vengeance. E gasitswe ka Tlhakole a le lesome le bosupa ka ngwaga wa 2022.