RC Strasbourg Alsace

Strasbourg

Setshwantsho:Racing Club de Strasbourg logo.svg
Leina ka botlalo	Racing Club de Strasbourg Alsace
Maina a tshameko	Le Racing Le RCS Les Bleu et Blanc (The Blue-and-Whites)
Tshimologo	1906 (1906)
Lebala	Stade de la Meinau
Palo	26,109
Mong wa setlhopha	BlueCo
President	Marc Keller
Motsamaisi	Patrick Vieira
Leki	Tempolete:French football updater
Tempolete:French football updater	Tempolete:French football updater
Maranyane	Club website
Home colours Away colours Third colours

Racing Club de Strasbourg Alsace (e e itsegeng jaaka RC Strasbourg, Racing Straßburg, RCSA, RCS, kgotsa fela Strasbourg; Alsatian: Füeßbàllmànnschàft Vu Stroßburri) ke setlhopha sa kgwele ya dinao sa kwa Fora se se tlhamilweng ka 1906, mme se le kwa toropong ya Strasbourg, Alsace. Se na le maemo a porofeshionale e sale ka 1933 mme mo bogompienong e tshameka kwa Ligue 1, maemo a a kwa godimo a kgwele ya dinao ya Fora, fa e sale se fenya bommampodi ja 2016-17 Ligue 2. Se se tlile morago ga gore setlhopha se se ne se fologetse kwa maemong a botlhano a kgwele ya dinao ya Sefora kwa bokhutlong jwa setlha sa 2010-11 sa Championnat National morago ga go tsena momathateng a madi. Ba ne ba fetola leina la bone go nna RC Strasbourg Alsace, ba ne ba fenya CFA Championship ka 2012-13, mme kwa bofelong ba nna bafenyi ba Championnat National ka 2015-16. Lebala la bome la metshameko ya gae, go tswa ka 1914, ke Stade de la Meinau.

Ke sengwe sa ditlhopha tse thataro tse di fentseng dikgele tse tharo tse dikgolo tsa Fora: Championship ka 1979, Coupe de France ka 1951, 1966 le 2001 le Coupe de la Ligue ka 1964, 1997, 2005 le 2019. Strasbourg gape ke nngwe ya ditlhopha di le thataro tse di tshamekileng go feta metshameko e le 2000 mo setlhopheng sa maemo a a kwa godimo sa Fora (se se tsereng ditlha di le masome matlhano le borataro) mme se tsere karolo mo metshamekong ya Yuropa e le masome matlhano le bobedi fa e sale ka 1961. Le fa go na le diphitlhelelo tse, setlhopha ga se ise se kgone go itshupa e le nngwe ya ditlhopha tse di kwa godimo tsa Fora, e bile se kile sa fologela kwa tlase gangwe mo lesomeng la dingwaga fa e sale ka bo1950. Racing e ile ya fetola motsamaisi wa yone makgetlho a le masome matlhano le bobedi mo dingwageng di le masome a supa le botlhano ba tshameka e le porofeshionale, gantsi e le ka ntlha ya go gatelelwa ke babogedi.