Salamat Azimi

Salamat Azimi
Tsalo	1965 (age 58–59) Andkhoy, Faryab, Afghanistan
Alma mater	Kabul University Payame Noor University
Tiro	Law professor politician
Mohiri	Balkh University
Counter Narcotics Minister
In office 21 April 2015 – 15 August 2021
President	Ashraf Ghani

Salamat Azimi o o tshotsweng ka ngwaga wa 1965 ke lepolotiki la kwa Afghanistan, o o berekileng e ele tona wa lephata le le lwantshang tiriso le thekiso ya diritibatsi.

Botshelo jwa a le mmotlana le thuto

Azimi o tsholetswe kwa kgaolong ya Andkhoy District e e kwa province ya Faryab ka ngwaga wa 1965. Ke motho wa lotso lwa Uzbek. O tsene sekolo se segolwane kwa Abu-Muslim Khurasani High School, mme a ya go dira tsa molao le sepolotiki (Law and Political Science) kwa Kabul University. O alogile ka master's degree kwa Payame Noor University ka ngwaga wa 2014.

Tiro

Azimi e ne ele porofesa wa tsa molao le sepolotiki ebile e le tlhogo ya lephata la molao kwa Balkh University. E ne e le leloko la lekgotla le le itebagantseng le go boloka kagiso la Balkh ka ngwaga wa 2011, mme ebile gape e le leloko la lekgotla le le bayang melao kwa Balkh ka ngwaga wa 2012. Go tswa ka 2011 go tsena ka 2015, o ne a eteletse pele tlhokomelo ya ditshwanelo tsa bana kwa bokone jwa Afghanistan, a berekela kwa komisining ya Afghan Independent Human Rights Commission kwa Mazar-i-Sharif. O berekile gape e ele mokaedi wa kompone ya Aryana Legal Organization.

Azimi o tlhophilwe go nna tona wa thibelo thekiso le tiriso ya diritibatsi ke tautona Ashraf Ghani ka ngwaga ya 2015, Moranang a le malatsi a le masome a mabedi le bongwe. Ba lefatshe la United States ba mmona a tlhophilwe ke Dostum. Tiro e e supilwe e le tiro e e thata go gaisa ditiro tsotlhe mo lefatsheng. Ka ngwaga wa 2015, Phukwi, Azimi o ne a re batho ba le dimilione di le tharo le dikete di le tlhano tsa batho kwa Afghanistan ba tshwakgotswe ke diritibatsi, mme ka ngwaga wa 2016, temo ya setlhare sa opium ya oketsega ka lesome mo lekgolong (10%)

Ka Ngwanatsele ngwaga wa 2016, lekgotla la Wolesi Jirga le ne la rola maloko a palamente a le supa ditiro malatsia ka feta bone ka nako ya fa ba botsolosiwa. Maloko a le masome a supa le bongwe a ne a baya tshepo ya bone mo go Azimi.

Ofisi ya United Nations on Drugs and Crime (UNODC) e ntse e bereka le lephata la thibelo tiriso le thekiso ya diritibatsi la Afghanistan. Bobedi bo bo ne jwa rulaganya bokopano jwa malatsi a mabedi bo bo neng bo itebagantse le go rotloetsa mananeo a mangwe a tlhabololo mo gae le mo mafatsheng kwa Afghanistan kwa Ashgabat Turmenistan. porofesa ebile e le tona Salamat Azimi o ne a begela baphuthegi ka melao ya puso ya gagwe go tshegetsa seelo se. Mafatshe a mangwe a a neng a tsaya karolo ko bokopanong boo ke Pakistan,Tajikstan, Uzbekistan, Kazakhstan, Iran, Turkmenistan, Thailand le Colombia. Mafatshe a United States, Russia, Japan le lekgotla la European Union le one a ne a eme nokeng bokopano jo.

Botshelo jwa gagwe

Azimi ke mme o o nyetsweng, gape a na le bana ba le batlhano.