Sindi Dlathu
Sindiswa 'Sindi' Dlathu | |
|---|---|
| Tsalo | Sindiswa 'Sindi' Dlathu 4 February 1974 South Africa |
| Letso | South African |
| Tiro | |
| Dingwaga tsa a le mo tirong | 1996–present |
| Television | The River |
| Mosadi | Okielant Nkosi (m. 2010–2024) |
| Bana | 1 |
Sindiswa 'Sindi' Dlathu o tshotswe ka 4 Ferikgong 1974, ke motshameki go thelebishene wa mo Afroika Borwa le seopedi. O itsege thata ka go tshameka karolo ya Thandaza Mokoena mo go Muvhango, e leng karolo e a e tshamekileng go tloga ka 1997 go fitlha a tlogela ka 2017. Dlathu o ne a tlogela Muvhango go tshameka karolo e kgolo mo telenoveleng ya The River, koo a tshamekang karolo ya ga Lindiwe Dlamini-Dikana, mosadi yo o bogale yo o neng a ka dira sengwe le sengwe go sireletsa khumo ya gagwe le go boloka botshelo jwa gagwe jwa manobonobo.[1]
Tsa Botshelo
[fetola | Fetola Motswedi]Dlathu o ne a tlhophiwa go nna motshameki wa maemo a a kwa godimo mo kgatisong ya serafina!. O ne a dira mmogo le Whoopi Goldberg mme o ne a laelwa go nna mothusi wa motlhami wa mmino wa Michael Peters. Ka 1988, le setlhopha sa bobedi se se neng se eteletswe pele ke Seipati Sothoane yo Sindi a neng a ithuta le ene. Fa motshameko o ne o ya go dira loeto, o ne a sala mme a dira Township fever ka 1989 ⁇ 1990 a etela kwa US ka motshameko oo ngwaga otlhe. Dlathu o ne a boela kwa sekolong morago ga dingwaga di le nne a ntse le bataki ba ba ineetseng ba ga Mbongeni Ngema. O ne a fetsa dithuto tsa gagwe tsa matric ka 1996, mme morago a boela gape kwa go tshamekeng, metshameko ya thelebišene ka 1997 o ne a le mo FNB Vita Award-winning Game, koo a neng a tshameka le Mary Twala, Abigail Kubeka, le moswi Nomhle Nkonyeni.[2]
Ka Tiro
[fetola | Fetola Motswedi]O ne a abelwa ka mpho ya tlotlo ka ntlha ya go nna motshameki yo o rategang mo DStv Mzansi Viewers' Choice Awards ya 2020. Dlathu, jaaka Lindiwe Dlamini-Dikana go tswa The River, o tlhageletse mo kgaisanong ya The Queen jaaka tsala ya motshameki yo mogolo wa mosadi, Harriet Khoza Sebata. Ka 2021, o ne a gapa sekgele sa SAFTA mo setlhopheng sa Best Actress ka ntlha ya seabe sa gagwe sa Lindiwe mo The River. O ne ka 2024 a tlhagelela go Queendom lenaneo le mmamoratwa.[3]