Stina Blackstenius

Stina Blackstenius

Blackstenius in 2019
Motshameki wa kgwele ya dinao
Leina ka botlalo	Emma Stina Blackstenius
Letsatsi la tsalo	(1996-02-05) 5 February 1996
Lefelo la tsalo	Vadstena, Sweden
Bolele	1.74 m (5 ft 9 in)
Maemo	Striker
Club information
Current team	Arsenal
Number	25
Youth career
2002–2011	Vadstena GIF
Tiro ya gagwe*
Dingwaga	Setlhopha	Metsh	(Dinno)
2011–2012	Vadstena GIF	34	(59)
2013–2016	Linköping	78	(37)
2017–2019	Montpellier	43	(25)
2019–2020	Linköping	22	(9)
2020–2021	BK Häcken	40	(25)
2022–	Arsenal	84	(43)
Setlhopha sa setshaba‡
2012–2013	Sweden U17	16	(11)
2013–2015	Sweden U19	29	(34)
2016	Sweden U20	4	(5)
2015–	Sweden	107	(31)
Honours Representing Sweden Olympic Games FIFA Women's World Cup 2019 France 2023 Australia/New Zealand {{{3}}}
*Metshameko ya gagwe le dinno ‡ National team caps and goals, correct as of 9 April 2024

Emma Stina Blackstenius (yo o tshotsweng Tlhakole a tlhola gatlhano ka 1996) ke motshameki wa moSwedish wa kgwele ya dinao ya porofeshionale yo o tshamekelang setlhopha sa Women's Super League le sa setshaba sa Sweden.

Tiro ya setlhopha

Vadstena

Emily Sonnett le Stina Blackstenius

Blackstenius o goletse kwa Vadstena abo a tsena kwa setlhopheng sa mo gae sa Vadstena GIF ka 2002 a le dingwaga tse thataro. Ka Moranang a le masome a mabedi 2011, Blackstenius a simolola mo setlhopheng se segolo kgatlhanong le BK Benty kwa kgaolong ya Östergötland mo liking ya karolo ya boraro,e eleng mo maemong a botlhano mo kgweleng ya dinao ya bomme kwa Sweden. O ne a simolola motshameko mme a nosa gabedi fa Vadstena e latlhegelwa ka dino tse tlhano go tse nne. Mo setlheng sa gagwe sa ntlha Blackstenius a simolla metshameko yotlhe ya liki e lesome le boferabongwe abo a nosa dino tse masome mabedi le bongwe. O tshamekile metshameko e le lesome le borataro mo setlheng se se latelang mme a fetsa e le monosi yo o kwa godimo mo liking ka dino tse masome mararo le boferabobedi. O ne a bitswa motshameki wa ngwaga wa 2012 wa Östergötland.

Linköping

Pele ga setlha sa 2013 se simologa, Blackstenius a saena tumalano ya ngwaga tse tharo le Linköping FC ya liki ya maemo a kwa godimo ya Damallsvenskan. O tshamekile motshameko wa gagwe wa ntlha mo Damallsvenskan a tsena a emela yo mongwe mo motsotsong wa masome a marataro le boferabobedi ka Moranang a le lesome le bosupa ka 2013 mo malekeng a nno setlhopha le Kopparbergs/Göteborg FC.