Tlhokofatso ya basadi le bana
Aforika borwa e tshwanetse go netefatsa gore setshaba sotlhe sa tshwarangana go lwantsa tiragalo e e bosula, ke tiragalo ya bosetlhogo e le tota. Motswana wa maloba o buile a re tlogatloga e tloga go sa le gale, mme ka jalo thuto ya go tlotla bana le basadi ke e e tshwanateseng ya simolola kwa gae go rutiwa bana ba sa le bannye gore basadi ba a tlotliwa jaaka mongwe le mongwe mo setshabeng. Thuto eno ke thuto e e tshwanetseng ya tswelediwa go tloga kwa gae go ya mafelong a a tshwanang le dikolo tse potlona, di Unibesithi, kwa dikerekeng, go akaretsa metshameko le mafelo a boitapoloso. Puso ya Aforika borwa e tshwanetse go netefatsa gore ba ba dirang tiragalo e e maswe jaaka eno ba bona kwatlhao e e gagametseng gore e neye molaetsa go ba ba lekang go tlhokofatsa bana le basadi gore ba sa nagana le go ka simolola.
_02.jpg)
Bana ba ba simane ba tshwanetse gore ba rutwe ba sa le bannye gore mongwe le mongwe wa tlotliwa mo botshelong go sa kgathale gore ke wa bong bofe kgotsa ke wa morafe ofe. Ditheo tsa puso di tshwanetse go netefatsa gore go nna le mananeo a a tla matlafatsang basadi le bana gore ba itse ka ditshwanelo tsa bone. Mme kana tlhokofatso ga se ya go utlwiswa botlhoko ka letlalo fela, le go se neelwe ditšhono tse ditshwanang ka bong. Basadi ba tshwanetse go nna le tshwanelo ya go itlhopela mofuta wa thuto e ba e batlang le thuto e ba bong e le matshwanedi go bona. Puso e tshwanetse go netefatsa gore basadi ba neelwa ditiro tsa maemo a a kwa godimo jaaka banna.Mme bana ba ba setsana le basimane ba tshwanetse go refosanya ka ditiro tsa selegae, e sere gongwe go ditiro tse di lebaganeng le basetsana fela jaaka go phepafatsa le go apaya, se no se tlhola tlhaolele go tloga kwa gae.[1]