Transcendent Kingdom

Transcendent Kingdom

Setshwantsho:Transcendent Kingdom (Yaa Gyasi).png Cover of first edition
Mokwadi	Yaa Gyasi
Audio read by	Bahni Turpin
Lefatshe	United States
Teme	English
Modiri	Alfred A. Knopf
Letsatsi le dirilweng ka lone	September 1, 2020
Media type	Print (hardcover and paperback), e-book, audio
Pages	288
ISBN	978-0-525-65818-4 (hardcover)
OCLC	1119065931
Dewey Decimal	813/.6
LC Class	PS3607.Y37 T73 2020

Transcendent Kingdom ke buka ya bobedi ya mokwadi wa lotso lwa Ghanaian-American Yaa Gyasi, e gatisitswe ka ngwaga wa 2020 ke Alfred A. Knopf. Buka e e fitlhetswe mo Literary Hub e le buka e e tlhageletseng ga lesome le bosupa e le buka e e gaisitseng ka ngwaga wa 2020.

Tshoboko

Buka e e setse morago Gifty o o leng dingwaga di le masome mabedi le boferabobedi, moithuti wa ngwaga ya botlhano wa tsa boboko (neuroscience) kwa Stanford University, le mmagwe wa lotso lwa Ghanian-American, o o lwalang kgoberego ya maikutlo.

Fa a dira ditekeletso tsa patlisio ya gagwe mo dipebeng, Gifty o lelediwa a bolelelwa fa mmaagwe a sa ikutlwe sentle. O kopa gore mmagwe a tsisiwe kwa go ene gore a kgone go mo tlhokomela, mme o fekeediwa ke go gakologelwa nako ya ntlha mmagwe a a nna mo seemong seo fa Gifty a le dingwaga di le lesome le motso.

Mmagwe Gifty le rragwe o neng batho ba mmitsa "The chin-chin man" ka lorato, e ne e le batho ba kwa Ghana mme ba nyalane ba ntse ba le batona. Ba ne ba na le ngwana wa mosimane o o botlhale a bidiwa Nana, mme morago ga a sena go belegwa, mmagwe Gifty o ne a fudugela kwa Huntsville Alabama go batla botshelo bo bo botoka, kwa ntsalae a tsenang sekolo teng . Mmagwe Gifty o ne a patelesega go bereka ditiro tse e seng tsa sepe, morago a tlhokomela balwetsi ba ba godileng ba ba neng ba le lesotlo ebile ba kgetholola batho ka lotso. Rragwe Gifty o ne a fudugela kwa America go nna le lolwapa lwa gagwe mme o ne a kgona go bona tiro e le mophepafatsi.

Gifty o ne a tsholwa moragonyana ga dingwaga, mmaagwe a ne a sa mo solofela.

Lolwapa lo ne lo itshetletse mo mphong ya ga Nana ya mabelo le go nna mokeresete o o ineetseng thata ga ga mmagwe, golo mo Gifty a go anywileng. Chin-Chin man o ne a boela kwa Ghana ka maikaelelo a go ya a boa, mme o ne a seka a tlhola a boa. Nana o ne a tlogela bolo ka a ne a amegile ke go bo rragwe a ba tlogetse, mme a tsena mo go tsa baseketebolo. Morago ga go golafala lengenana mo motshamekong, o ne a fiwa dipilisi tsa opiods mme a tloga a tshwakgolwa ke dipilisi tse,a dirisa le heroin go ritibatsa dikeletso tsa gagwe. Fa Gifty a le dingwaga di le lesome le bongwe, kgaitsadie o a tlhokafala ka go bo a dirisitse dipilisi phetelela, mmagwe o fuduega maikutlo, a nna a robetse ebile a sa kgone go itlhokomela. Morago ga go leka go ipolaya, Gifty o patelesega go batla thuso, o romelwa kwa Ghana go nna le mmangwaneagwe fa mmagwe a santse a sidilega, morago a boa le rragwe.

Loso lwa ga Nana le go leka go ipolaya ga ga mmagwe Gifty go ntsha Gifty mo tumelong. Ka ele moithuti o o botlhale, o tsena dikolo tse ditlotlegileng a bo a itlhopela go ithutela tsa boboko a ithuta ka go tshwakgolwa ke dilo. O nna le bothata le go bua ka maikutlo a gawe, o palelwa ke go thusa mmaagwe, ka jalo o kopa mmereki ka ene go mo thusa mo maitekong a go tlhokomela mmagwe.

Mo isagong, morago ga mmaagwe Gifty a tlhokafala, Gifty o jaanong a nyetsweng o atlegile mo maranyaneng, o na le lab ya gagwe a bo a tswelela ka go tsena kereke.

Kamogelo

Buka e amogetse dikgalaletso morago ga go gatisiwa. The Washington post e e biditse 'buka e e kgatlhisang thata". USA Today yone yare "e utlusa botlhoko thata" fa Vox e e file dinaledi tse tharo le sephatlo mo go tse tlhano. Buka e e amogetse kgalaletso go tswa kwa The New York Times book Review, The New Yorker, The Boston Globe, The Guardian, Chicago Review Books le The New Republic.

Dietsele

• Longlist 2021 Andrew Carnegie Medal for Excellence in Fiction
• Longlist 2020, Prix Medicis entranger
• Shortlist, 2021 Women's Prize for Fiction

"Inscape"

Ka ngwaga wa 2015 mo makasineng wa Guernica, Gyasi o ne a gatisa polelo-khutswe e bidiwa "Inscape", e mo go yone go tlhagelelang baanelwa ba ba mo bukeng ya Transcendent Kingdom, mme ditiragalo tsa bone di le pharologanyo. Mo "Inscape" Gifty o dingwaga di le masome a mane le bongwe, ke morutuntshi wa sekgoa kwa Gerard Manley Hopkins, ga se ngaka ya boboko e e dingwaga di masome mabedi le borataro, bolwetsi jwa ga mmagwe jwa tlhaloganyo bo keketse, Gifty o rata tsala ya gagwe Anne le go gaisa, mme ebile ga a na kgaitsadie.