Tshekedi Khama II

Tshekedi Khama II
Minister of Environment, Conservation, Natural Resources and Tourism
In office 2012–2018
President	Ian Khama Mokgweetsi Masisi
Pele Ga Gagwe	Kitso Mokaila
Minister of Youth Empowerment, Sports and Culture Development
President	Mokgweetsi Masisi
Pele Ga Gagwe	Thapelo Olopeng
Ka Ga Ena
O tsetswe	Tshekedi Stanford Khama (1958-06-09) 9 June 1958 Serowe, Bechuanaland
Mosetshaba wa	Botswana
Mokgatlho	Botswana Democratic Party (until 2019) Botswana Patriotic Front (2019–)
Mo/Bakapelo	Thea Khama
Bana	Tahlia Khama Kaedi Khama
Batsadi	Seretse Khama Ruth Williams Khama
Alma mater	Institute of Development Management (Diploma)

Tshekedi Khama II (o tshotswe ka 9 Seetebosigo 1958) ke lepolotiki la Motswana. Ke leloko la pele la palamente ya Botswana gotswa kwa Serowe Bokone botlhaba. Gape ke leloko la setlhopha sa polotiki sa Botswana Patriotic Party. O ne a kgaolwa ka mo Kokoanong ya Bosetšhaba morago ga go seke go tsenelele dikopano tse pedi ka go latelanang ka ntlha ya go ikisa lejwa ga gagwe kwa Aforika Borwa.

Ka ga gagwe

Ke monnawe Tautona wa Botswana wa pele, Seretse Khama Ian Khama, ebile ele ngwana wa boraro wa ga Tautona ya ntlha ya Botswana, Seretse Khama le Ruth Williams Khama.

Tiro ya sepolotiki

Khama o ne a tlhophiwa go nna mopalamente wa bosetshaba kwa Serowe Bokone Bophirima mo ditlhophong tsa tlaleletso tsa Serowe Bokone Bophirima ka ngwaga wa 2008 morago ga gore setilo seo se sale se sena ope fa mogolowe a ne a nna tautona e le leloko la phathi ya Botswana Democratic Party (BDP). Morago ga moo o ne a tlhophiwa gape ka 2009 le 2014. Go tloga ka 2012 go fitlha ka 2018 e ne e le Tona ya Tikologo, Tshomarelo, Ditsompelo tsa Tlholego le Bojanala. Ka ngwaga wa 2018, Tautona Mokgweetsi Masisi o ne a mo dira Tona ya Banana, Metshameko le Ngwao.

Pele ga ditlhopho tsa kakaretso tsa 2019, o ne a tlogela BDP go tsenelela lekoko le lesha la Botswana Patriotic Front (BPF), mme e ne e le mongwe wa bontlhopheng ba le bararo ba BPF ba ba neng ba tlhophilwe.

Go tshwarwa le go ya lejwa

Ka Mopitlo 2022 morwarraagwe, Ian Khama, o ne a bolela gore Mokgweetsi Masisi o ne a laela gore Tshekedi a tshwarwe le gore Bokaedi jwa Matlhale le Tshireletso bo ne jwa tshwara Tshekedi. Moragonyana go ne ga netefadiwa gore o ne a tshwarwa mmogo le morwarraagwe e bong Anthony le mosadi wa ga Tshekedi e bong Thea ka ntlha ya ditumalano tsa tshenyetso setshaba tse di neng di dirilwe ke kompone ya bone ya Seleka Springs. Go ne ga bolelwa gore kompone eo e dira kgwebo le Sesole sa Botswana, mme ofisi ya Seleka Springs e ne ya nna lefelo la bokwaledi jwa BPF, kwa go neng go gatisiwa dikarata tsa maloko gone. Fa ba sena go gololwa, ba ne ba tsaya loeto go ya kwa Aforika Borwa go ya kwa go Ian kwa Tshekedi a ntseng a le mo botshabelong fa e sale ka nako eo. O ne a kgabaganya ka kgoro ya molelwane wa pioneer gaufi le Lobatse. Moatholdi, morago ga gore Tshekedi a seka a tsenelela dikopano di le pedi tsa palamente, o boletse fa a lekile go ikgolaganya le ene kwa Aforika Borwa ka Mopalamente Leepetswe Lesedi mme a se ka a bona karabo. O ne a araba ka go bolela gore ka Mopitlo a le malatsi a masome mabedi le boraro 2023 o ne a itsise sebui ka matshosetsi a go tshwarwa ke DIS.