Victoria Pelova

Victoria Pelova

Pelova with Ajax in 2021
Motshameki wa kgwele ya dinao
Leina ka botlalo	Victoria Pelova
Letsatsi la tsalo	(1999-06-03) 3 June 1999
Lefelo la tsalo	Delft, Netherlands
Bolele	1.63 m (5 ft 4 in)
Maemo	Midfielder
Club information
Current team	Arsenal
Number	21
Youth career
2006–2016	DSV Concordia
Tiro ya gagwe*
Dingwaga	Setlhopha	Metsh	(Dinno)
2016–2019	ADO Den Haag
2019–2023	Ajax		(11)
2023–	Arsenal		(3)
Setlhopha sa setshaba
2017–2018	Netherlands U19		(8)
2018	Netherlands U20		(2)
2018–	Netherlands		(4)
Honours Women's football Representing the Tempolete:NED FIFA Women's World Cup Runner-up 2019 France
*Metshameko ya gagwe le dinno

Victoria Pelova (mopeleto wa Dutch: [vɪkˈtoːriaː peːˈloːvaː]; yo o tshotsweng ka Seerebosigo a tlhola gararo ka 1999) ke motshameki wa kgwele ya dinao e e porofeshionale wa moDutch yo o tshamekang e le motshamekagare wa setlhopha sa Women's Super League sa Arsenal le setlhopha sa setshaba sa Netherlands.

Tiro ya setlhopha

Pelova o simolotse go tshameka kgwele ya dinao le ditlhopha tsa basimane tsa banana kwa a tsholetsweng tseng kwa Delft le DSV Concordia mme a saeniwa ke setlhopha sa Dutch Eredivisie sa ADO Den Haag mo setlheng sa 2016–17. Mo setlheng sa ngwaga wa gagwe wa ntlha, a fetsa mo maemong a bone le ADO, a nosa dino tse supa ele wa bobedi mo banosing ba dino ba setlhopha sa gagwe. Mo setlheng sa 2019–20 a fudugela kwa Ajax Amsterdam sa Eredivisie kwaa ileng a amogela tumalano ya dingwaga tse tharo. Ka Women's Champions League ya 2020–21 a palelwa le Ajax kwa makgaolakgannyeng a bo lesome le boratoro kwa Bayern Munich ka go nne metshameko yotlhe e ne ya latlhegelwa (3–1 le 3–0).

O ne a latlhegelwa mo karolong ya bofelo le Ajax kwa motshameko wa go ipatlela phatlha wa UEFA Women's Champions League kwa Arsenal ba a ileng kwa go bone ka Firikgong wa 2023.

Tiro ya boditshabatshaba

Ka Moranang wa 2017 o ne a iponela phatlha le setlhopa sa U-19 sa Under-19 European Championship ya 2017. Koo o tshamekile metshameko e le mebedi ya ditlhophana le mo tatlhegelong ya 3–2 kgatlhanong le Spain kwa a nositseng nno go dira maleka a nakwana a nno setlhopha. Ka Phalane wa 2017 le Moranang wa 2018 o ne a tsaa karolo gape le setlhopha sa U-19 mo dikarolong tsa go ipatlela phatlha tse pedi kwa Under-19 European Champion ya 2018. O ne a kgona go iponna phatlha le setlhopha sa gagwe go ya makgaolakgannyeng kwa Switzerland mme a seka a tsaa karolo. Esale jalo, o ne a nna leloko la setlhopha sa sejana sa lefatshe sa U-20 ya 2018 se se neng sa diragala malatsi moragonyana se maDutch a neng a fitlheletse e le lantlha ba tshameka seka makgaolakgang ka U-19 European Championship ya 2017. Koo o ne a tshameka metshameko e meraro ya ditlhophana le di quarter-finale, ba latlhegelwa 2–1 kgatlhanong le Enyelane, kwa a neng a file setlhopha sa gagwe ketapele ya 1–0.

Ka Firikgong wa 2018 o ne a fiwa taelo ya gagwe ya ntlha ya setlhopha se segolo sa setshaba. O ne a tsena a emisetsa yo mongwe mo motsotsong wa bomasome a ferabongwe le bongwe mo tatlhegelong ya 2–0 kgatlhanong le Spain ka Firikgong a le masome a mabedi. Thomo ya gagwe ya bobedi e ne ya goroga ngwaga moragonyana. O ne a tsena a emisetsa yo mongwe mo karolong ya bobedi mo phenyong ya 2–1 kgatlhanong le South Africa kwa Cape Town. Ba ne ba kopana gape le Spain mo koping ya Algarve ya 2019, a tsena a emisetsa yo mongwe mo motsotsong wa masome a matlhano le boferabobedi mme ba latlhegelwa gape ka nno tse pedi go lefela.

Morago ga metshameko ya boditshabatshaba e meraro eo, o ne a bewa letlhokwa e le motshameki yo monnye go gaisa wa setlhopha sa maDutch.

O ne a tlhophiwa gape mo diOimpiking tsa 2020 tse di neng tsa tosolosiwa ka ngwaga ka ntata ya segajaja sa COVID-19. Kwa diOlimpiking o ne a nosa nno ya gagwe ya boditshabatshaba ya ntlha mo motshamekong wa pulamadibogo wa Netherlands kgatlhanong le Zambia. O ne a tsena a emisetsa yo mongwe mo metshamekong e meraro ya ditlhophana le quarterfinale kgatlhanong le Amerika. Mo diphenyong tseo kgatlhanong le Zambia (10–3) le China (8–2) o ne a nosa nno e le nngwe mo go yone yotlhe.

Motsheganong fa a le malatsi a le masome a mararo le motso, o ne a tlhophelwa makgaolakgang a European Championship. Kwa European Championship o ne a tshameka mo metshamekong e meraro ya ditlhophana le wa di quarter-finale o ba neng ba o latlhegelwa kgatlhanong le France ka nako e e okeditsweng. Mo motshamekong wa setlhophana kgatlhanong le Switzerland o ne a nosa nno go dira 3–1 ebile a dira thuso go dira gore e nne 4–1.

Seetebosigo a le masome a mararo ka 2023 o ne a bitswa ele tokololo ya setlhopha sa Netherlands sa sejana sa lefatshe sa FIFA sa bomme sa 2023.

Botshelo ja gagwe

Pelova ke wa masika a Bulgaria. O ithutela Dipalo tse di dirisiwang kwa Delft University of Technology. Mo bongwaneng ja gagwe o ne a itse thata metshameko ka go farologana e akaretse chess, go palama kapoko le thenese.

Dipalopalo tsa tiro

E sale ka metshameko e tshamekilweng ka Moranang a ferabongwe 2024

Iponagatso le dino go ya ka setlhopha sa setshaba le ngwaga

Setlhopha sa setshaba	Ngwaga	Iponagatso	Dino
Netherlands	2018	1	0
	2019	6	0
	2020	1	0
	2021	12	2
	2022	15	1
	2023	16	1
	2024	2	0
Palogotlhe		53	4

Lenaane la dino le maduo tsa palogotlhe ya dino tsa Netherland pele, karolo ya dino e supa dino morago ga nno nngwe le nngwe ya ga Pelova.

Lenaane la dino tsa boditshabatshaba tse di nositsweng ke Victoria Pelova

No.	Letsatsi	Lefelo	Moganetsi	Dino	Maduo	Kgaisano
1	21 July 2021	Miyagi Stadium, Rifu, Japan	Zambia	10–1	10–3	2020 Summer Olympics
2	27 July 2021	Nissan Stadium, Yokohama, Japan	China	7–2	8–2	2020 Summer Olympics
3	17 July 2022	Bramall Lane, Sheffield, England	Switzerland	3–1	4–1	UEFA Women's Euro 2022
4	3 July 2023	Parkstad Limburg Stadion, Kerkrade, Netherlands	Belgium	4–0	5–0	Friendly

Ditlotla

Ajax

• Eredivisie (women): 2022-23
• KNVB Women's Cup: 2021–22
• Eredivisie Cup: 2020–21

Arsenal

• FA Women's League Cup: 2022–23, 2023–24