Kgololesego ya ditumelo mo Botswana

Molaomotheo wa lefatshe o letla kgololesego ya ditumelo, mme go na le di le kae fela tse di sa akarediwang.

Dipalopalo tsa ditumelo

Go ya ka palobatho ya ngwaga wa 2011 ya lefatshe la Botswana, 79% ya batho ba lefatshe leo ke maloko a diphuthego tsa sekeresete, 15% ga ba sale morago tumelo epe, 4% ba setse morago tumelo e e tlholegileng mo lefatsheng leo ya Badimo fa 2% e setse morago ditumelo tse dingwe.

Seemo sa kgololesego ya ditumelo

Molao

Molaomotheo wa lefatshe la Botswana o letlelela kgololesego ya ditumelo. Ga go na tumelo ya lefatshe. Le ntswa go tlwaelesegile gore dikopano tsa puso di simologe ka thapelo ya sekeresete, maloko a ditumelo tse dingwe ga a kgaphelwe ntle mo go eteleleng pele dithapelo tse e seng tsa sekeresete kwa ditiragalong tseo. Molaomotheo o letlelela gape tshireletso ya ditshwanelo le kgololesego ya batho ba bangwe, o akaretsa le tshwanelo ya go keteka le go diragatsa tumelo nngwe le nngwe ntle le kgoreletso ya maloko a tumelo epe e sele.

Makgotla otlhe go akarediwa le a tumelo, a tshwanetse go ikwadisa. Makgotla a a ikwadisitseng ga a na dipoelo dipe tsa semolao, mme makgotla a tlamega go ikwadisa pele ga a ka gweba, a baya monwana ditumelano, kana a bula diakhaonto tsa banka. Motho ope fela o o tshwereng maemo, kgotsa a eteletse pele kgotsa a thusa mo boeteledipeleng jwa lekgotla le le sa kwadisiwang o ka atlholelwa madi a a kana ka $79 kgotsa sekete sa dipula e dingwaga di le supa mo kgolegelong. Leloko lengwe le lengwe la lekgotla le le sa kwadisiwang le ka duedisiwa kotlhao e e akaretsang madi a a ka tshwarang dipula di le makgolo a matlhano kgotsa dingwaga di le tharo mo kgolegelong.

Mo dikolong tsa puso, baithuti ba ka itlhopela go dira dithuto tsa sedumedi; di gatelela Sekeresete mme di ama ditumelo tse dingwe mo lefatsheng.

Ka ngwaga wa 2007, malatsi a boitapoloso a sekeresete ke one fela a a neng a lemogiwa. A akaretsa papolo ya Morena, paseka, tlhatlogo ya Morena le matsalo a Morena. Le fa go ntse jalo, maloko a ditumelo tse dingwe a ne a letlelelwa go keteka malatsia boitapoloso a ditumelo tsa bone ntle le kgoreletso ya puso.

Thibelo ya kgololesego ya ditumelo

Ka ngwaga wa 2023, lefatshe la Botswana le ne la fiwa letshwao la bone go tswa mo boneng mo kgololesegong ya ditumelo; makgotla a tumelo otlhe a tshwanelwa ke go ikwadisa.

Ga go a nna le dipego dipe tsa batho ba ba tshwerweng ka ntlha ya tumeo ka ngwaga wa 2022.