Maboane
Maboane | |
|---|---|
| Country |  Botswana |
| District | Kweneng District |
| Palo batho (2001) | |
| • Total | 813 |
Maboane ke motse yo mo kgaolong ya Kweneng e e mo Botswana. O dikhilometara tse di masome a marataro mo botlhaba jwa Jwaneng gape palo ya batho e ne e le makgolo a borobabobedi lesome le borararo mo palo bathong ya ngwaga wa 2001.[1]
Letsema le thata ka mong wa lone
[fetola | Fetola Motswedi]Batswana ba kopilwe go dira ka natla go bona gore ba dira dingwe tsa ditlhabololo mo metseng ya bone.Se se builwe ke mopalamente wa Letlhakeng bophirima, Rre Maxwell Motowane jaaka a ne a buisa diphuthego mo metseng ya kgaolo ya gagwe ya botlhophi bosheng. Rre Motowane, yo e bileng e le mothusa tona wa botsogo, o ne a rotloetsa Batswana go ikemela ka dinao go itirela, a tlatsa ka gore puso e tlaa ba tsaya tema fa seemo sa itsholelo se boetse mannong.Mothusa tona a re tsholofelo ke gore banni ba motse ba itirele tse ba ka di kgonang ba seka ba baya fela mo pusong.Rre Motowane a re dilo dingwe bogologolo di ne di dirwa ka go ithaopa, mme a re mowa wa boithaopo o tshwanetse go boela.A re puso e dirile ditlamelo tsa thuto, botsogo, ditlhaeletsanyo le tse dingwe tse di thusang batho go tshela sentle, ka jalo a re tse dingwe di mo maruding a batho go na le go ema ba re ba kopile sennanne se mo lenaneong la puso.
Banni ba Maboane ba itsa go nna maoto a tshupa
[fetola | Fetola Motswedi]O ne a re doholo dingwe di dirilwe puso e sena seabe sepe, mme e le boeteledipele jwa motse bo nnile le seabe go bona gore motse o a tlhabologa.Mothusa tona o ne a re fa batho botlhe ba ka tsenya letsogo mo ditlhabololong, tema e ka nna teng.O ne a akgola banni ba motse wa Metsebotlhoko ba ba agileng ntlwana ya mabeelo kwa kokelwaneng ka lenaneo la Ipelegeng, a re moo ke go itirela go na le go nna ba kopa puso gore e oketse kokelwana ntswa ba tlhaloganya fa itsholelo e wetse tlase. E rile a afa malebo, mokhanselara wa kgaolo ya Maboane, Rre Bright Segwagwa a konotelela mafoko a mopalamente a re batho ba seka ba itsapela go itirela. Rre Segwagwa a re dilo tse di ntle di a itirelwa, a tlatsa ka gore maloba jale batho ba ne ba kgaratlha ka go ntsha koleke ntswa ba sa bereke, mme ditlhabologo di nne teng.
Dikgoge tsa kwa ntle
[fetola | Fetola Motswedi]Botswana/Maboane Botswana/Mahalapye
Metswedi
[fetola | Fetola Motswedi]- ↑ "Distribution of population by sex by villages and their associated localities: 2001 population and housing census". Archived from the original on 2007-11-24. Retrieved 2008-02-09.
