Xakao

From Wikipedia
Jump to: navigation, search

Xakao ke motsana yo mo kgaolong ya bokone botlhaba jwa Botswana O bonwa gaufi le molelwane wa Namibia, fa noka ya Okavangoe tsenang teng mo Botswana Mo palo bathong ya ngwaga wa dikete tse pedi le bongwe dipalo tsa batho ba ba nnang mo motseng o dine di tsamaya ko seketeng le masome a mane le borobabongwe.

Banni ba namolwa mo luhumeng la nta ya tlhogo[baakanya | edit source]

Kago ya matlo a le masome a robabongwe le motso ka tlhwatlhwa ya P840 000 a a agelwang batho ba ba neng ba tlhasetswe ke morwalela mo kgaolong ya Okavango ngogola e tsweletse sentle.Molomaganya ditiro tsa lenaneo la Ipelegeng wa kgaolo ya Okavango, Rre Ogoditsemang Seleme o boletse mo potsolotsong gore mo palong eo go setse go fedile matlo a le lesome le borobabobedi fa a mangwe a le masome a mararo a solofetswe go fela mo kgweding eno ya Mopitlo.Rre Seleme a re mangwe a matlo ao a solofetswe go agwa kwa Xakao, kwa go solofetswe go agwa matlo ale 29, Gunotsoga 15, Kauxwi a le 14, Eretsha a le matlhano, mme kwa Ikoga, Sepopa le Gudigwa go solofetswe go agwa matlo a le mane motse mongwe le mongwe fa kwa motseng wa Kajaja go solofetswe go agwa ntlo ele nngwe fela[1].

Babereki ba Ipelegeng ba maoto a tshupa mo tirong[baakanya | edit source]

Le fa gontse jalo, Rre Seleme o ngongoregetse batho ba ba berekang mo lenaneong la Ipelegeng ka go nna boitseme mo tirong ya bone, selo se a rileng se nyafatsa ditiro tsa Ipelegeng mo kgaolong ya Okavango.A re o setse a lemogile gore go na le bagolwane bangwe ba ba palelwang ke boikarabelo jwa go laola babereki ba bone kwa tirong ka lebaka la gore bangwe ke ditsala le masika jalo, jalo.A re ke gangwe le gape a fitlhela babereki bangwe ba seyo mo tirong, bangwe ba tla morago ga nako, bangwe ba ngwega mo tirong fa bangwe ba fitlhelwa ba ntse ka fa tlase ga ditlhare ka nako ya tiro se se leng kgatlhano le tsamaiso ya puso kgotsa melawana ya tsa pereko.O kopile badiri bao go dira tiro ya bone ka botswerere, bonatla, bofefo le ka mowa wa boipelego le lorato go tsholetsa itsholelo ya lefatshe la bone e e ikaegileng ka bone.Rre Seleme a re yo o sa kgoneng go bereka o ka sutela yo mongwe go tsweledisa tiro ya puso.


Dipadi tse dingwe[baakanya | edit source]

  1. http://www.dailynews.gov.bw/cgi-bin/news.cgi?d=20100302

Coordinates: 18°18′27″S 21°53′22″E / 18.30750°S 21.88944°E / -18.30750; 21.88944