Amantle Montsho
Amantle Montsho, o tshotswe ka Phukwi a tlhola ga nne ngwaga wa 1983, kwa motsaneng wa Mabudutsamo, Ngamiland, mo Botswana. Ke mme wa motabogi wa lobelo le lekhutshwane. O itebagantse le lebelo la 400 metres. O ne a emela lefatshe la gagwe ka ngwaga wa 2004 le 2008 mo kgaisanyong ya Summer Olympic, mme a fitlhelela ko legatong la bofelo ka motsotso wa bofelo.
Amantle Montsho | |
---|---|
![]() Amantle Montsho mo kgaisanong ya Bislett Games 2011 | |
Tsalo | July 4, 1983 |
Letso | Botswana |
O tseneletse gape dikgaisanyo tsa world Championships in Athletics le IAAF World Indoor Championships. Mo bo gompienong ke mmamputi mo lefatsheng lotlhe mo kgaisanyong ya gagwe ya lebelo la basadi la dimetara tsa makgolo a mane a fenya mo nakong ya 49.56 kwa Daegu.
Amantle o ne a seegelwa fa thoko ngwaga tse pedi morago ga go nna le maduo a a supang fa a na le motswako wa methylhexaneamine mo mmeleng wa gagwe ga a sena go tlhatlhubiwa ko metshamekong ya 2041 Commonwealth Games.
Amantle Montsho yo o fentseng ga bedi bo mmampudi jwa lebelo lwa di metara tse makgolo a mane mo Aferika go ikgapela seetsele sa gauta. O ne itirela leina gape mo metshamekong ya 2007 All-Africa Games, 2010 IAAF Continetal Cup le 2010 CommonWealth Games. Phenyo ya gagwe mo motshamekong wa commonwealth ya mo dira motswana wa ntlha go fenya gauta mo kgaisanyong e.
Nako ya gagwe e a gaisang thata ka yone mo lebelong la di metara tse lekgolo ke metsotswana e 11.60. Mo lebelong la di metara tse makgaolo a mabedi o ne gatisa nako ya metsotswna e 22.94, le metsotswana e 49.56 mo di metareng tse makgolo a mane. O ikatisa ko Dakar, Senegal mo High Perfomance Training Center.
O santse a tshwere tlotla ya bo mmampudi mo lebelong la di metara tse makgolo a mane mo lefatsheng la gagwe ga mmogo le a kwa ntle.
Tiro[fetola | Fetola Motswedi]
O kile a tsenelela di kgaisanyo tsa 2004 Olympic Games, le 2006 Commonwealth Games ga mmogo le sejana sa mafatshe sa mabelo ka ngwaga wa 2005 le 2007 mme a tlhoka lesego la go fitlhelela ko ko legatong la bofelo la kgaisanyo.
O fentse seetsele sa selefera mo kgaisanyong ya mabelo a 2006 African Championships le seetsele sa gauta mo mabelong a 2007 All-Africa Games.
Kwa metshamekong ya Mafatshe otlhe a Aferika o ne a fetsa a le mo maemong a botlhano mo lebelong la selekanyo sa makgolo a mabedi.[1] Mo kgaisanong ya mabelo a 2006 IAAF World Cup o ne a fetsa a le mo maemong a borataro mo 4x400 metres relay. O ne a fenya ka nako ya gagwe ya metsotso e le 49.83 mo kgaisanong ya mabelo a African Championships in Athletics. Mme o ne a itirela leina ka e le motswana wa ntlha go fenya mo nakonyaneng e kalo.
E ne ya sala e le dikgakagamalo ka phenyo e ya bommampudi mo motshamekong o.
O tlabogile kwa dikgaisanong tsa 2008 IAAF World Indoor Championships mme ga a ka a fitlhelela kwa legatong la bofelo morago ga go sa dira bontle mo legatong le le isang kwa makgaolakganyeng.
Montsho o ne a tsenelela mabelo a mafatshe otlhe e le lwantlha ko 2008 Beijing Olympics, mme nako ya gagwe ya 51.18 ya mo tlogela mo maemong a bofelo mo lebelong le. Ngwaga o o latelang, o ntlabogile mo nakong ya 49.89 mo legatong le le fitlisetsang kwa makgaolakganyengnkwa dikgaisanong tsa 2009 World Championships mo mabelong e e neng e lekane go ka mo fitlisetsa kwa makgaolakganyeng a selekanyo sa 400 m. O tlabogile ka bonya mo makgaolakganyeng fa go tshwantshangwa le se a se dirileng mo legatlong le le fetlisetsang kwa makgaolakganyeng ka go rialo a nna phokonje jo o tshwarwang ke dintsha. O feditse ngwaga a le mo legatong la botlhano mo dikgaisanong tsa 2009 IAAF World Athletics tsa makgaolakgang.
Ngwaga wa 2010 o ne a fitlhela mompudu o ole ka setlhare wa mo tlela sentle:o ne a atlamela gaufi kwa dikgaisanong tsa 2010 IAAF World Indoor Championships: ka go etelela dikgaisano tsa mo gae le mo legatlong le le fetlisetsang kwa makgaolakganyeng, o ne a gaisiwa mo a feletseng a filwe seetsele sa kgotlho ke mme Vania Stambolova. O ne a tla sentle mo dikgaisanong tsa kwa ntle mo lebelong la 400 m ka go tlaboga, a fenya mme Gabriel Tiacoh mo nakong ya 50.35 seconds – gongwe e kanna bobedi fa pele ga motlabogi ka ene ebong Ndeye Fatou Soumah yo o ileng a fetsa morago ga gagwe.[2]
O ne a sireletsa tota ya gagwe ya bomampudi jwa lefatshe ka bophara mo lebelong la 400 m kwa dikgaisanong tsa 2010 African Championships in Athleticska go tlaboga mo nakong ya 50.03 seconds.[3]
Mo dikgaisanong tsa 2010 Diamond League o ne a fenya metshameko ya Bislett mme gape a nna mo boemong jwa bobedi mo lebelong la 400 m fa morago ga motlabogi ka ene ebong Allyson Felix. Montsho o tlabogile ka nako e e kwa godimo ya ngwaga kwa dikgaisanong tsa 2010 Continental Cup kwa a neng a emetse Aferika, o ne a fenya Debbie Dunn go fenya seetsele sa goutla mo nakong ya 49.89 seconds.[4]
O ne a tswelela ka go tlaboga le kwa dikgaisanong tsa 2010 Commonwealth Games. Gone teng kwa o ne a nna motlabogi wa ntlha mo Botswana go fenya goutla mo metshamekong eo! ka go fenya lebelo la 400 m mo nakong ya 50.10 second.[5][6]
O ne gape a thusa setlhopha sa Botswana mo lebelong la neelano la 4x400 la makgaolakgang mme ba fetsa ba le mo legatlong la bosupa.
Katlego ya setlhopha[fetola | Fetola Motswedi]
2009.2004 | Olympic Games | Athens, Greece | 6th (heats) | 400 m |
2005 | World Championships | Helsinki, Finland | 7th (heats) | 400 m |
2006 | Commonwealth Games | Melbourne, Australia | 5th (semis) | {0}400 m{/0} |
African Championships | Bambous, Mauritius | 2nd | {0}400 m{/0} | |
2007 | All-Africa Games | Algiers, Algeria | 1st | 400 m |
Maemo a botlhano | 200 m | |||
World Championships | Osaka, Japan | 4th (semis) | 400 m | |
2008 | Bomampudi jwa moteng lefatshe ka bophara | Valencia, Spain | 5th (semis) | 400 m |
African Championships | Addis Ababa, Ethiopia | 1st | 400 m CR | |
Metshameko ya mafatshefatshe | Beijing, China | maemo a borobabobedi | 400 m | |
World Championships | Berlin, Germany | maemo a borobabobedi | 400 m | |
2010 | Bomampudi jwa moteng lefatshe ka bophara | Doha, Qatar | 4th | 400 m |
African Championships | Nairobi, Kenya | 1st | 400 m | |
Continental Cup | Split, Croatia | 1st | 400 m | |
Commonwealth Games | New Delhi, India | 1st | 400 m | |
6th | 4×400 m relay | |||
2011 | World Championships | Daegu, South Korea | 1st | 400 m |
All-Africa Games | Maputo, Mozambique | 1st | 400 m |
Metswedi[fetola | Fetola Motswedi]
- ↑ 2007 All-Africa Games, women's 200 m final
- ↑ Ramsak, Bob (2010-04-19). World-leading 50.35 by Montsho in Abidjan. IAAF. Retrieved on 2010-04-24.
- ↑ Negash, Elshadai (2010-07-30). Rudisha sizzles 1:42.84 in Nairobi as Kenya collects three golds in Nairobi – African champs, day 3. IAAF. Retrieved on 2010-10-15.
- ↑ EVENT Report – Women's 400 Metres. IAAF. Retrieved on 2010-10-15.
- ↑ Statistics of the Games. 2010 Commonwealth Games. Retrieved on 2010-10-15.
- ↑ Rowbottom, Mike (2010-10-09). Langat breaks Games 1500m record, Turner leads high hurdles sweep for England in Delhi – Commonwealth Games Day Three. IAAF. Retrieved on 2010-10-15.