Black Coffee (DJ)

Black Coffee
Black Coffee (left) performing with DJ Shimza
Background information
Leina la Matsalo	Nkosinathi Innocent Maphumulo
Tsalo	(1976-03-11) 11 March 1976 Umlazi, Kwa-Zulu Natal, South Africa
Mefota	house classical
Ditiro	Disc jockey record producer songwriter
Dingwaga tsa a le mo boopeding	1994–present
Labels	Soulistic Music, Ultra Music

Nkosinathi Innocent Maphumulo (o tshotswe ka 11 Mopitlwe 1976), o itsege botoka ka leina la gagwe la boopedi la Black Coffee, ke DJ wa Aforika Borwa, gape ke motsamaisi wa rekoto le mokwadi wa dipina. Coffee o ne a simolola rekoto ya gagwe ya Soulistic Music, a ntsha alebamo ya ntlha e e bidiwang Black Coffee (2005), e e neng e na le dikarolo tsa R&B le jazz.

Botshelo jwa gagwe

Nkosinathi Innocent Maphumulo o belegwe ka 11 Mopitlwe 1976 kwa eThekwini, Afrika Borwa. Moragonyana o ne a fudugela kwa Umtata, toropo e e bokgakala jwa dikilometara di le 29 go tswa kwa motseng wa ga Nelson Mandela Qunu, a nna kwa toropong ya Ngangelizwe. Ka 11 Tlhakole 1990, fa go ne go ketekwa go gololwa ga Nelson Mandela, koloi, ka dipone tsa yone di timilwe, e ne ya thula boidiidi jwa batho, ya itaya batho fa pele ga Maphumulo, maatla a yone a mo itayamme a mo tlogela ka kgobalo ya brachial plexus e e dirileng gore a latlhegelwe ke letsogo la gagwe la molema. O ithutetse dithuto tsa Jazz kwa Technikon Natal, e jaanong e itsegeng jaaka Durban University of Technology, pele a dira jaaka moopedi wa kwa Madala Kunene mmogo le ba a neng a tsena sekolo le bone: Mnqobi Mdabe (Shota) le Thandukwazi Sikhosana (Demor). Maphumulo, Shota le Demor morago ba ne ba bopa setlhopha sa batho ba bararo sa Afro-pop se se neng se bidiwa SHANA (Simply Hot and Naturally African) se se neng sa saenelwa kwa Melt 2000, mme sa etelelwa pele ke Robert Trunz.