Edwin Moalosi

Edwin Moalosi (yo o tshotsweng ka Phatwe a le masome mabedi le borataro 1988) ke motshameki wa kgwele ya dinao wa Motswana yo jaanong a tshamekelang setlhopha sa Botswana sa Township Rollers. O simolotse mo setlhopheng sa setshaba sa Botswana ka 2018 kgatlhanong le Lesotho.

Tiro ya gagwe

Moalosi o gapile leitlho la setshaba fa a dira sentle kwa setlhopheng sa BMC mo dikgaisanong tsa Botswana Premier League ka ngwaga wa 2007 goya ko go wa 2008. Mme moragonyana a ya kwa setlhopheng sa Gaborone Township Rollers, kwa a tshamekileng dikarolo dile pedi pele fa a fudugela kwa Amerika go tsweledisa dithuto tsa gagwe. Fa a le kwa ntle jalo o ne a emela dithopha tsa dikolo tse a neng a tsena kwa go tsone. Moalosi o ne a boela gae ka ngwaga wa 2014 mme a boela kwa setlhopheng sa gagwe sa Rollers^[1]

Tiro ya boditšhabatšhaba

Edwin Moalosi o ne a dira lekgetlho la ntlha la boditšhabatšhaba ka Mopitlo a le masome mabedi le bone 2018 mo motshamekong wa botsalano kgatlhanong le Lesotho ka go tla e le moemedi wa metsotso e le masome matlhano le borataro. O sa ntse a tla tlhagelela gape mo Zebras.