Frank Lesokwane

Frank Lesokwane
Leina la Matsalo	Frank Lesokwane
O itsegi gape ele	Franco
Tsalo	(1971-05-05) 5 May 1971
Letso	Botswana-Gabane
Mefota	Rumba - Kwasa Kwasa
Ditiro	Singer-producer
Dingwaga tsa a le mo boopeding	2001-present
Labels	Franco and Afro Musica

Frank Lesokwane ke moopedi wa Motswana yo o itsegeng thata ka leina la Franco. O itsiwe ka go dira dipina tsa Kwasa Kwasa tse di ratiwang thata. Frank gape o itsege ka go nna moeteledipele wa setlhopha sa mmino sa Franco and Afro Musica se se diragatsang bontle thata mo Botswana.

Tsa tiro

Ke lela le lona

Ke lela le lona ke pina ya Setswana e e golotsweng ke Frank ka ngwaga wa 2001, pina e e dirilwe go hitisetsa molaetsa ko bathong ba ba utlwileng botlhoko kwa ntle kwa, ba ba lebaganeng le mathata ka go farologana. Morago ga kgololo ya pina e e ratilweng thata e ya "Ke lela le lona" Franco o ne a nna mongwe wa badiragatsi ba ba atlegileng thata ka ngwaga wa 2001.

Sephiri se dule

Sephiri se dule ke pina ya Setswana ya ga Franco e e kayang fa 'sephiri se dule.' O dirile pina e go fetisetsa molaetsa kwa balateding ba gagwe gore go sa kgathalesege gore ke eng se motho a se dirang ga se kitla se fitlhegela ruri, pina eo e ne e direlwa segolobogolo batho ba ba dirang ditiro tse di bosula go ba itsise gore ga e kitla e nna sephiri go fitlhelela; letsatsi lengwe go tla apoga mo go ba bangwe gore o mang. Go lebega pina ya gagwe e amile bontsi jwa mapolotiki ka ba ne ba le kgatlhanong le pina eo mme moragonyana o ne a tlhalosa gore pina eno ga e a gololwa go dira gore ope a ikotlhaele gore ke mang kgotsa go tlhasela ope.

Bodiragatsi

• Ke lela le lona (2001)
• Ba ntatola (2002)
• Robala Nnana (2003)
• O nyala leng (2004)
• Mmamane Robala (2005)
• Khutsanyana (2006)
• Spekere (2007)
• Koti Koti (2008)
• Baesekele (2009)
• sephiri se dule (2011)
• maja ka thata (2012)
• Ke Fela Pelo (2013)
• Ke lorile sengwe (2014)
• Zeng zeng ke eng (2015)
• Eya le nna Babilone (2017)
• Mene Mene Tekele (2018)