Georgia Stanway

Georgia Stanway

Stanway lining up for Manchester City in 2017
Motshameki wa kgwele ya dinao
Leina ka botlalo	Georgia Marie Stanway
Letsatsi la tsalo	(1999-01-03) 3 January 1999
Lefelo la tsalo	Barrow-in-Furness, England
Bolele	5 ft 5 in (1.64 m)
Maemo	Midfielder
Club information
Current team	Bayern Munich
Number	31
Youth career
–2015	Blackburn Rovers
Tiro ya gagwe*
Dingwaga	Setlhopha	Metsh	(Dinno)
2015	Blackburn Rovers	5	(6)
2015–2022	Manchester City	109	(39)
2022–	Bayern Munich	42	(12)
Setlhopha sa setshaba‡
2012–2014	England U15	1	(0)
2014	England U15 Schoolgirls	3	(3)
2014–2016	England U17	27	(23)
2017–2018	England U19	7	(6)
2018–2019	England U20	7	(6)
Honours Women's football Representing ENG UEFA Women's Championship Winner 2022 England UEFA–CONMEBOL Finalissima Winner 2023 England FIFA Women's World Cup Runner-up 2023 Australia and New Zealand FIFA U-20 Women's World Cup 2018 France
*Metshameko ya gagwe le dinno, correct as of 11:40, 21 May 2024 (UTC) ‡ National team caps and goals, correct as of 22:00, 4 June 2024 (UTC)

Georgia Marie Stanway (yo o tshotsweng Firikgong a tlhola malatsi a mararo ka 1999) ke motshameki wa kgwele ya dinao e e porofeshionale wa kwa Enyelane yo o tshamekang fa gare a tlhasela mo setlhopheng sa Frauen-Bundesliga sa Bayern Munich le setlhopha sa setshaba sa Enyelane. Stanway o simolotse tiro ya gagwe ya setlhopha se segolo kwa Blackburn Rovers pele a ya kwa Manchester City abo a fenya bosimega ja WSL ka 2016, ga mmogo le FA Cup ga raro le League Cup. Mo setlheng sa gagwe le Bayern ba ne ba fenya Frauen-Bundesliga. Stanway gape o emetse Enyelane kwa maemong a bonana ka go farologana, go akaretsa le go kapotena setlhopha sa U17 pele ga a bona tshameko ya gagwe ya ntlha le setlhopha se segolo ka 2018.

Stanway o ne a nopolwa mo BBC Young Sports Personality of the Year ka 2016 le motshameki yo monnye wa ngwaga wa mme wa PFA ka 2017. Ka Seetebosigo wa 2018, o ne a bidiwa kwa setlhopheng sa setlha sa UEFA Women's Champions League mme ka 2019 a fenya motshameki yo monnye wa ngwaga wa mme wa PFA. Le Enyelane Stanway ke mofenyi wa 2022 Euro, a nosa kgatlhanong le Norway le Spain mo kgaisanong eo, o fentse Arnold Clark Cup gabedi ga mmogo le maemo a bobedi kwa sejaneng sa lefatshe sa 2023.

Dingwaga tsa pele

Georgia Marie Stanway o tshotswe ka Firikgong a le gararo ka 1999 kwa Barrow-in-Furness, kwa Cumbria, mongwe wa bana ba motho ba le bane a na le bokgaitsadie ba le bararo, ba akaretsa Wyll Stanway. O simolotse go tshameka kgwele ya dinao a le monnye, ka e ne e le se bokgaitsadie ba neng ba se dira, mme fa a le dingwaga tse tharo o ne a ikatisa le bone kwa setlhopheng sa under-7, a bua gore ka dingwaga tseo o ne a sa itse gore o dirang, ke ne ke itlhagela kgwele fela mme ke e rata. O ne a tswelela a tshameka kwa setlhopheng sa basimane go fitlhela a nna dingwaga tse lesome le boraro; ka 2022, mo karolong ya letsholo la "Where Greatness Is Made" letlapa le le neng le tlotla Stanway le ne la bewa kwa Furness Rovers. Ga mmogo le kgwele ya dinao, Stanway o ne a tshameka kirikete mmogo le bokgaitsadie, mme a emela Cumbria kwa county cricket kwa maemong a under-13 le under-17.

Stanway a tshamekela Manchester City ka 2017–18 Champions League

Stanway a tshamekela England

Gape o emetse Cumbria mo khgweleng ya dinao, a tshamekela Cumbria Schoolgirls mo dikgaisanong tsa English Schools' Football Association kwa maemong a dikgaolo ka 2013 le 2014; le fa setlhopha sa county se ne sa latlhegelwa metshameko yotlhe ya sone, Stanway o ne a tlhophiwa go ya kwa setlhopheng sa boditshabatshaba se se neng se le sesha go tlhamiwa sa England Schoolgirls under-15 se se ileng sa fenya Bob Docherty Cup ka 2014. O ne e le ene motshameki fela go nosa mo metshamekong yotlhe. Stanway o ne a tswa kwa Cumbria a ya Manchester a le dingwaga tse lesome le borataro go ya go sala morago tiro ya kgwele ya dinao e e porofeshionale, a ya kwa Manchester City. A tsene kwa Dowdales School kwa Cumbria, o ne a ya kwa St Bede's College kwa Manchester, jaaka motshameki ka ene Keira Walsh a dirile pele ga gagwe.