Kenetswe Mosenogi

Kenetswe Mosenogi
Mokhanselara wa Bokone Bophirima wa madi
Incumbent
Assumed office Seetebosigo a le masome mabedi le motso ngwaga wa 2024
Premier	Lazarus Mokgosi
Pele Ga Gagwe	Motlalepula Rosho
Mokhanselara wa Bokone Bophirima wa botaki, ngwao le itloso bodutu
In office Ngwanatsele a le masome mabedi le bobedi ngwaga wa 2022 – Seetebosigo a le lesome le bone ngwaga wa 2024
Premier	Bushy Maape
Pele Ga Gagwe	Tsotso Tlhapi
Morago Ga Gagwe	Collen Maine
Mokhanselara wa Bokone Bophirima wa tlhabololo itsholelo, tikologo le tshomarelo le bojanala
In office Motsheganong a le masome mabedi le borobabobedi ngwaga wa 2019 – Ngwanatsele a le masome mabedi le bobedi ngwaga wa 2022
Premier	Bushy Maape Job Mokgoro
Morago Ga Gagwe	Tsotso Tlhapi
Mopalamente wa Bokone Bophirima
Incumbent
Assumed office Motsheganong a le masome mabedi le bobedi ngwaga wa 2019
Mothusa mokwaledi wa lekgotla la banana la African National Congress
In office Seetebosigo a le lesome le bosupa ngwaga wa 2011 – Mopitlo a le lesome le bosupa ngwaga wa 2013
Pele Ga Gagwe	Steven Ngobeni
Morago Ga Gagwe	Thandi Moraka
Ka Ga Ena
O tsetswe	Kentswe Norah Mosenogi Lwetse a le masome mabedi le bone ngwaga wa 1982
Mosetshaba wa	mo Aforika borwa
Mokgatlho	African National Congress
Alma mater	North-West University Business School University of the Witwatersrand
Tiro	Mopolotiki

Kenetswe Norah Mosenogi (o o tshotsweng ka Lwetse a le masome mabedi le bone ngwaga wa 1982) ke mopolotiki wa kwa Aforika Borwa go tswa kwa Bokone Bophirima. Ke leloko la African National Congress, o sale a nna leloko la khansele ya madi ka Seetebosigo 2024 gape e le leloko la palamente ya Bokone Bophirima fa e sale ka Motsheganong 2019. Pele, o kile a nna mokhanselara wa tlhabololo itsholelo, tikologo, tshomarelo le tikologo go tswa ka Motsheganong 2019 go tsena Ngwanatsele 2022 gape e le mokhanselara wa botaki, ngwao le itloso bodutu go tswa ka Ngwanatsele 2022 go fitlhelela Seetebosigo 2024. Mosenogi o berekile gape e le mothusa mokwaledi-mogolo wa lekgotla la banana la African National Congress go tswa ka 2011 go tsena 2013.

Thuto

Mosenogi o ne a aloga ka master's degree ya business administration go tswa kwa North West University Business School. O na le post graduate diploma ya tshekatsheko le tlhotlhomiso go tswa kwa University of the Witwatersrand.

Tsa pereko

Mosenogi o berekile e le mogogi wa kemo nokeng ya ditirelo tsa maranyane le mogolaganyi wa palamente mo lephateng la metshameko le itloso bodutu. O berekile gape e le mothusa motsamaisi wa baithuti kwa University of South Africa.

Tiro ya sepolotiki

Mosenogi e ne e le leloko la lekgotla la banana la African National Congress. O tlhophilwe lantlha mo komiting ka 2008. E ne e le mokhanselara le leloko la komiti ya tlhabololo itsholelo ya mmasepala wa Tlokwe gaufi le Potchefstroom, go fitlhelela ditlhopho tsa Motsheganong 2011. Kgwedi e e latelang, Mosenogi o ne a tlhophiwa mothusa mokwaledi mogolo wa lekgotla la banana la ANC. O ne a tlhatlhama Steven Ngubeni, a nna mo maemong ao go fitlhelela boeteledipele jwa lekgotla jwa nako eo bo rolwa marapo ka Mopitlo 2013. E ne e le ene fela mosadi o o berekileng mo boeteledingpele jwa lekgotla mo sebakeng seo. Thandi Moraka o ne a tlhophiwa go mo tlhatlhama ka Lwetse 2015.

Puso ya kgaolo

Pele ga ditlhopho tsa Motsheganong a robabobedi ngwaga wa 2019, Mosenogi o ne a le mo maemong a lesome le bobedi a lenaane la ANC la bontlhopheng ba kgaolo ya Bokone Bophirima. O tsene mo ofising ka Motsheganong a le masome mabedi le bobedi ngwaga wa 2019. Morago ga malatsi, Mosenogi o ne a tlhomiwa mokhanselara wa lephata le lesha la tlhabololo itsholelo, tikologo, tshomarelo le bojanala kwa khanseleng e e neng e eteletswe pele ke Job Mokgoro. O tsene mo ofising  letsatsi lone leo.

Ka Ngwanatsele a le masome mabedi le bobedi ngwaga wa 2022, Mosenogi o ne a tlhomowa mokhanselara wa botaki, ngwao le itloso bodutu. O berekile mo maemong ao go fitlhelela ka Seetebosigo 2024, fa a tlhomiwa mokhanselara wa madi ke moeteledipele Lazarus Mokgosi.