Kgaolo ya Chobe

Kgaolo ya Chobe ke kgaolo ya Botswana, dikago dikgolo tsa yone di ko Kasane. Ka ngwaga wa ketepedi le motso (2001) kgaolo e ene e kopanetse botsamaisi le Ngamiland Kgaolo ya Bokone-Bophirima go fitlhela ka ngwaga wa ketepedi le borataro (2006). Chobe National park e mo kgaolong ya Chobe District. Go tloga ka ngwaga wa ketepedi lesome le motso (2011) palo ya batho mo kgaolong ene ele dikete tse masome mabedi le boraro, makgolo a mararo,le masome a mane le bosupa (23,347) fa go tshwantshangwa le dikete tse di lesome le borobabobedi , makgolo mabedi masome a matlhano le borobabobedi (18,258) ka ngwaga wa ketepedi le motso (2001). Selekanyo sa kgolo mo kgaolong mo dingwageng tse di lesome ene ele 2.49. Paloyotlhe ya babereki ene ele dikete dile lesome le bobedi le masome a matlhano le borobabobongwe (12,059), banna bale dikete dile makgolo a marataro, lekgolo le lesome le boraro (6,113) fa basadi ba le dikete dile tlhano makgolo a matlhano, masome a mane le bosupa (5,947) bontsi jwa bone ele jo bo berekang ditiro tsa ga goromete.

Motse wa Kasane le lefelo la diphologolo la Chobe National Park, leo eleng lone la bobedi ka botona mo mafelong a diphologolo mo Botswana ke one mafelo aa itlhomileng kwa pele mo go ngokeng bojanala mo kgaolong e. Mo godimo ga moo, lefelo la diphologolo la Chobe National Park ke lone le nang le ditlou tse dintsi mo Aforika. Kgaolo e e kopanetse molelwane le mafatshe a Namibia le Zambia kwa borwa, Zimbabwe kwa botlhaba tsatsi mme gape le kgaolo e pataganetse molelwane le kgaolo ya Bokone-bophirima mono gae.

Kgaolo e e dirwa ke metse e robabongwe eleng, Kasane, Kachikau, Kazungula, Kavimba , Lesoma, Mabele/Muchinje, Parakarungu, Pandamatenga and Satau. Kasane ke yone toropo ya kgaolo e.

Seemo/Selebego sa Tikologo

Mafelo a, Kasane, Chobe National Park, Seboba Water Rapids, Pandamatenga Farms, Lesoma Memorial Monument, Kasane Hot Springs and Chobe River ke one a bojanala mo kgaolong e. Bontsi jwa lefatshe la Botswana lea lekalekana mme le kgokologa go tswa kafa botlhaba goya kwa bophirima.Kgaolo eno e na le bogodimo jo bo ka nnang 915 m (3,002 ft) kwa godimo ga bogodimo jwa lewatle. Mofuta wa dimela ke Savannah, ka bojang jo boleele, ditlhatshana le ditlhare. Pula ya ngwaga le ngwaga e ka nna selekanyo sa dimilimithara dile makgolo a marataro le masome a matlhano (650 mm) (26 in), bontsi jwa yone bo amogelwa ka paka ya selemo go tloga ka Ngwanatsele go fitlha ka Motsheganong.

Ditso/Ngwao

Gona le merafe ele mentsi ee fitlhelwang mo kgaolong ya Chobe. Morafe wa Basubiya o bonala kana o fitlhelwa thata kwa metseng ya Parakarungu, Satau, Kavimba le Mabele. Ba remeletse thata kwa Satau le Parakarungu. Batawana ba bonala kwa Kachikau mme ke balemi ba temo ya komelelo le barui, ke gone baneng ba simolla go dirisa noka mo temong ya bone. Mo Pantamatenge go remeletse morafe wa basarwa ba jaanong ba tlogetseng go tsoma le go bapala maungo mme jaanong ba inaakantse le temo. Go na le merafe ele mokawana ee tlang mo Kasane go senka mafoko a matalana.

Dipalopalo

Go tloga ka ngwaga wa ketepedi lesome le motso (2011) palo ya batho mo kgaolong ene ele dikete tse masome mabedi le boraro, makgolo a mararo,le masome a mane le bosupa (23,347) fa go tshwantshangwa le dikete tse di lesome le borobabobedi , makgolo mabedi masome a matlhano le borobabobedi (18,258) ka ngwaga wa ketepedi le motso (2001).Selekanyo sa kgolo mo kgaolong mo dingwageng tse di lesome ene ele 2.49. Selekanyo sa batho mo kgaolong ene ele diperesente dile 1.15 ya paloyotlhe ya batho ba mo Botswana.

Metswedi

.

Dikgoge tsa kwa ntle

Botswana Kasane North west District