Kgaolo ya Kgalagadi

Kgalagadi
District
Location within Botswana
Country	Botswana
Capital	Tshabong
Area
• Total	105,200 km2 (40,600 sq mi)
Palo batho  (2001 census)
• Total	42,049
• Density	0.40/km2 (1.0/sq mi)
Time zone	UTC+2 (Central Africa Time)

Kgaolo ya Kgalagadi ke kgaolo ee mo borwa bophirima jwa lefatshe la Botswana, ee itshetletseng mo mololwaneng wa lefatshe la Aforika Borwa lela Namibia. Motsemogolo kana ofisi dikgolo tsa dirirelo dikwa motseng wa Tsabong. Kgaolo e ya Kgalagadi e tsaya bophara jo bontsi jwa sekaka sa Kalahari. E botona jwa dikilomethara di le dikete dile lekgolo le botlhano le makgolo a mabedi go menagane (105,200)cm2 . Ka ngwaga wa ketepedi le motso (2001) palo ya batho e ne e le dikete dile masome a mane le bobedi (42,000). Kgaolo ka bontsi e tserwe ke lefelo la bojanala la Kgalagadi Transfrontier, ee tserweng karolo ya ko Aforika Borwa mme ele boremelelo jwa bojanala.

Lefelo

Kgaolo ya Kgalagadi e tshwaraganetse melelwane le dikgaolo tse di latelang, kgaolo ya Omaheke, Namibia mo Bokone bophirima, Kgaolo ya Hardap, mo borwa bophirima, Namibia,Kgaolo ya Bokone(Northern Cape) kwa Aforika Borwa,Kgaolo ya Bokone Bophirima gone kwa Aforika Borwa, mme mo gae e tshwaraganetse melelwane le kgaolo ya Ghanzi kwa Bokone, kweneng kwa borwabokone le kgaolo ya Borwa kwa Botlhaba tsatsi. Kgalagadi e raya go tsorwa kana lefatshe la komelelo. Motsemogolo wa kgaolo e ke motse wa Tsabong, oo onang le selekanyo sa batho ba le dikete di robabobedi, makgolo a robabongwe, masome a mararo le borobabobongwe (8939) ka palobatho ya ngwaga wa ketepedi lesome le motso (2011) fa metse wa Hukuntsi le Kang yone ena le paloyotlhe ya batho bale dikete dile nne makgolo a marataro, masome a matlhano le bone(4654) le dikete dile tlhano, makgolo a robabongwe, masome a robabobedi le botlhano (5985) ka tatelano. Bontsi jwa dikarolo tsa lefatshe la Botswana bo ikadile mme bo kgokologa kana thulame gotswa kwa Botlhaba go ya bophirima tsatsi. Kgaolo e ena le go palamelela ga selekanyo sa dimithara di robabongwe le lesome le botlhano go feta seelo sese kwa tlase sa lotshitshi la lewatle.

Mofuta wa dimela ke Savannah, ka bojang jo boleele, ditlhatshana le ditlhare. Pula ya ngwaga le ngwaga e ka nna selekanyo sa masome a mabedi le botlhano (25) cm(26 in), bontsi jwa yone bo amogelwa ka paka ya selemo go tloga ka Ngwanatsele go fitlha ka Motsheganong. Bontsi jwa dinoka mo kgaolong eno di na le go nna le merwalela ya tshoganyetso ka dipaka tse di rileng.Bontsi jwa dinoka tsa mo kgaolong e ,ke tse di bonang dipula ka nako ya dipula,mme noka ya Limpopo ya Limpopo elo yone e etsagaleng thata ka kgonagalo y merwalela. Mafelo a bojanala lea tlhokomelo diphologolo mo Ghanzi a akeretsa, Central Kalahari Game Reserve, Deception Valley, Ghanzi Craft, Kgalagadi Transfrontier Park, Khutse Game Reserve , le Kuru Museum and Cultural Centre.

Dipalopalo

Go tloga ka ngwaga wa ketepedi lesome le motso (2011) palo ya batho mo kgaolong ene ele dikete tse masome matlhano, makgolo a mane,le masome a robabongwe le bobedi (50,492) fa go tshwantshangwa le dikete tse di masome a mane le bobedi le masome a mane le robabongwe (42,049) ka ngwaga wa ketepedi le motso (2001).Selekanyo sa kgolo mo kgaolong mo dingwageng tse di lesome ene ele 1.85. Selekanyo sa batho mo kgaolong ene ele diperesente dile 2.49 ya paloyotlhe ya batho ba mo Botswana.

Dithutego Le Seemo sa Itsholelo

Lefelo le le nang le batho ba bantsi mo kgaolong ke la Tsabong le le neng le na le dipalo tsa batho di le 6,591 ka ngwaga wa 2001, fa Hukuntsi di ne di le 3,807,Kang dipalo tsa botho di le 3,744. Metse e e neng ya balwa ka palo batho ya ngwaga wa 2001

' Kgalagadi-Borwa

Bogogobo, Bokspits, Bray, Gachibana, Khisa, Khuis, Khwawa, Kokotsha, Kolonkwane, Makopong, Maleshe, Maralaleng, Maubelo, Middlepits, Omaweneno, Phepheng (Draaihoek), Rapples Pan, Struizendam, Tshabong, Vaalhoek, Werda

' Kgalagadi Bokone

Hukuntsi, Hunhukwe, Inalegolo, Kang, Lehututu, Lokgwabe, Make, Monong, Ncaang, Ngwatle, Phuduhudu, Tshane, Ukwi, Zutsw