Kgosana Louis wa kwa Wales

Prince Louis
Prince Louis ka ngwaga wa 2022
Tsalo	Louis Arthur Charles 2018|4|23 St Mary's Hospital, London, England
Batsadis	William, Prince of Wales (father) Catherine Middleton (mother)
Masika	Prince George of Wales - brother Princess Charlotte of Wales - sister

Kgosana Louis wa kwa Wales o tshotswe ka ngwaga wa 2018, Moranang e le malatsi a le masome a mabedi le boraro. Ke leloko la lolwapa lwa bogosi kwa Britain. Ke ngwana wa boraro, ebile e le ene o monnye wa ga Kgosana William wa kwa Wales le mohumagatsana Catherine wa kwa Wales. Ke ngwana-wa-ngwana wa ga Kgosi Charles wa boraro, o mo maemong a bone a tatelano ya bogosi jwa kwa Britain.

Fa a santse a le losea

Kgosana Louis o tshotswe ka Moranang a le malatsi a le masome a mabedi le boraro ka ngwaga wa 2018 kwa sepateleng sa St Mary kwa Lontone ka nako ya lesome le motso e siilwe ke motsotso, ka nako e nkukuagwe mo lotlhakoreng lwa ga rragwe ebong Queen Elizabeth II a neng a santse a le mo setilong. Ke ngwana wa boraro, mosimane wa bobedi wa ga Kgosana le mohumagatsana William le Catherine ba kwa Wales, ba ka nako eo ba neng ba bidiwa Duke le Duchess ba kwa Cambridge. Matsalo a gagwe a ne supiwa ka go thuntsha ditlhobolo le go letsa dibele. Ka kgwedi ya Moranang e le malatsi a le masome mabedi le bosupa, leina la gagwe la Louis Arthur Charles le ne la begiwa, e le tlotla mo go rragwemogolo;Charles le Louis wa kwa Burma. Louis o ne a kolobediwa ka Phukwi a le malatsi a robabongwe ke Archbishop Justin Welby wa kwa Canterbury kwa kerekeng ya Chapel Royal kwa ntlong ya bogosi ya kwa St James.

Kgodiso ya gagwe

Louis le ba lolwapa lwa gagwe ba nnile kwa ntlong ya bogosi ya kwa Kensington le kwa Anmer Hall fa a santse a le mmotlana. O tlhageletse lantlha kwa moletlong wa matsalo a ga nkukuagwe ka ngwaga wa 2019. O simolotse sekolo kwa Willcocks Nursery School gaufi le ntlo ya bogosi ya kwa Kensington ka Moranang ngwaga wa 2021.

Lolwapa lo ne lwa fudugela kwa Adelaide kwa Windsor Park ka ngwaga wa 2022, morago a ya go tsena kwa Lambrook kwa Berkshire le bomogolowe, Kgosana George le mohumagatsana Charlotte.

Louis o ne a na le bomogolowe le batsadi ba gagwe kwa moletlong wa dingwaga tse di masome a matlhano nkukuagwe a ntse a busa. Elizabeth wa bobedi, o tlhokafetse ka kwedi ya Lwetse e le malatsi a robabobedi ka ngwaga wa 2022,mme rragwemogolo Louis ebong King Charles III a nna kgosi. Ka jalo, Louis one a nna mo maemong a bone a tatelano ya bogosi. O ne a tsamaya le batsadi ba gagwe le bomogolowe fa rragwemogolo a bewa kgosi ka Motsheganong a le malatsi a le marataro ngwaga wa 2023.

Maemo

Louis ke kgosana ya kwa Britain o o dirisang leina la semmuso la "His Royal Highness Prince Louis of Wales". Pele ga rragwe a nna kgosana ka Lwetse a le malatsi a robabongwe ngwaga wa 2022, Louis o ne a bidiwa "His Royal Highness Prince Louis of Cambridge."

Tatelano ya bogosi

Louis o mo maemong a bone a tatelano ya bogosu jwa kwa Britain, o setse morago rragwe le bomogolowe ba babedi, Kgosana George le mohumagatsana Charlotte. Morago ga go diragatswa ga tumalano ya Perth, e e neng e emisetsa e e bayang borre kwa pele, ke kgosana ya ntlha kwa Britain go nna mo maemong a a fa morago ga a ga kgaitsadie mo tatelanong ya bogosi.

Kitso tlaleletso

• Setlhare sa lolwapa lwa bogosi kwa Britain
• Dikgosana le dikgosatsana ba kwa Britain ba ba santseng ba le mo botshelong