Catherine, Mohamagatsana wa kwa Wales

Catherine
Catherine ka ngwaga wa 2023
Tsalo	Catherine Elizabeth Middleton (1982-01-09) 9 January 1982 Royal Berkshire Hospital, Reading, Berkshire, England
Alma mater	Marlborough College, British Institute of Florence, University of St Andrews Master of Arts (Scotland)|MA Hons
Title	Princess of Wales
Mosadi	William, Prince of Wales 29 April 2011
Bana	Prince George of Wales, Princess Charlotte of Wales (born 2015)|Princess Charlotte of Wales, Prince Louis of Wales
Batsadis	Michael Middleton (father) Carole Middleton|Carole Goldsmith (mother)
Monwana

Mohamagatsana wa kwa Wales, Catherine, o tshotswe ka leina la Catherine Elizabeth Middleton ka ngwaga wa 1982, kgwedi ya Firikgong e le malatsi a robabongwe. Ke leloko la lolwapa lwa bogosi lwa lefatshe la Britain. O nyetswe ke kgosana ya kwa Wales ebong William, o e leng mojaboswa ebile a lebanwe ke go pagama setilo sa bogosi sa kwa Britain.

Catherine o tsholetswe kwa Reading, a golela kwa Bucklebury kwa Berkshire. O tsene sekolo kwa St Andrew's School le kwa Marlborough College pele ga a ya go ithutela ditso tsa botaki kwa University of St Andrews kwa lefatsheng la Scotland kwa a kopaneng teng le Kgosana William ka ngwaga wa 2001. O berekile ditiro di le mmalwa mo go tsa thekiso le papatso a bo a dira le tsa bopelotlhomogi pele ga peeletso ya bone e begwa ka Ngwanatsele 2010. Ba ne ba nyalana ka kgwedi ya Moranang e le malatsi a le masome a mabedi le borobabongwe ka ngwaga wa 2011 kwa Westminster Abbey. Bana ba bone ba bararo e bong, Kgosana George, Kgosatsana Charlotte, le Kgosana Louis, ba mo maemong a bobedi, boraro le bone ka tatelano go ka palama setilo sa bogosi kwa Britain.

Tshegetso ya ga Catherine e mo makgotleng a feta masome a mabedi a bopelotlhomogi le sesole a akaretsa Anna Freud Centre, Action for Children, SportAid le National Potrait Gallery. O diragatsa mananeo ka thuso ya Royal Foundation, tiro ya gagwe ya bopelotlhomogi e itebagantse le dikgang tsa tlhokomelo ya bana, go tshwakgolwa ke diritibatsi le botaki. Go rotloetsa batho go bua ka mathata a bone a tsa tlhaloganyo, Catherine o ne a simolodisa letsholo la gagwe la go nna podimatseba ka malwetsi a tlhaloganyo la Heads Together le a le simolotseng le monna wa gagwe Prince William le monnawe monna wa gagwe Prince Harry ka Moranang ngwaga wa 2016. Bobegadikgang bo biditse tlhotlheletso ya ga Catherine mo go tsa kapari kwa America le Britain "Kate Middleton Effect". Makasine wa Time o mo supile e le mongwe wa batho ba le lekgolo ba ba nang le thotloetso e kgolo mo bathong ka ngwaga wa 2011, 2012 le 2013, mme ka 2018 a nna motlhopiwa. O ne a nna kgosatsana ya kwa Wales ka ngwaga wa 2022, Lwetse a robabongwe fa monna wa gagwe a ne a tlhomiwa kgosana ya Wales ke rragwe e bong King Charles wa boraro.

Kgolo, sekolo le tiro

Catherine Elizabeth Middleton o tshotswe ka ngwaga wa 1982, Firikgong a le malatsi a ferabongwe kwa sepateleng sa Royal Beckshire kwa Reading mo lolwapeng lwa itsholelo e e kwa godingwana ga e e fa gare. O kolobeleditswe kwa St Andrew's Bradfield, e e leng kereke ya Parish ka Seetebosigo a le malatsi a le masome mabedi ngwaga wa 1982. Ke ngwana o motona mo baneng ba le bararo ba ga Michael Middleton o o tshotsweng ka ngwaga wa 1949,mme a ne a bereka e le mmolotsi wa difofane, le mosadi wa gagwe Carole o neng a fana ka Goldsmith pele, o tshotswe ka ngwaga wa 1955, ene a berekile e le motlhokomedi wa bapalami mo sefofaneng. Ka ngwaga wa 1987, mmagwe o ne a simolola kompone e e rekisang mekgabisa le didirisiwa tsa meletlo e e neng ya retelelwa ke go tswelella ka ngwaga wa 2023. Masika a gagwe go tswa kwa goora Middleton a akaretsa rragwemogolwagolwane Richard Noel Middleton le mosadi wa gagwe Olive, ba ne ba tle ba amogele maloko a lolwapa lwa bogosi e le baeng ka dingwaga tsa 1920 go tsena 1940. Ba ba tsileng pele mo lwapeng lwa ga mmagwe e ne e le baepi ba magala, ba supilwe fa e le ba maemo a pereko. O na le monnawe wa mosadi ebong Philippa le wa monna e bong James.

Lolwapa lo ne lwa fuduga go tswa Bradfield Southend go ya Amman Jordan ka Motsheganong ngwaga wa 1984, kwa Middleton a tseneng sekolo sa bananyana teng sa puo ya sekgoa.Fa lolwapa lwa gagwe lo boela kwa Bershire ka Lwetse 1986, o ne a dumelelwa kwa St Andrew's School,sekolo se se ikemetseng se se gaufi le Pangbourne kwa Berkshire, a le dingwaga di le nne. O ne a nna mo sekolong sephatlo sa beke morago ga dingwaga. Ka ngwaga wa 1995, lolwapa lwa Middleton lo ne lwa fudugela kwa motseng wa Bucklebury kwa a neng a tsena sekolo kwa Downe House School. Middleton o ne a nna kwa sekolong kwa Marlborough College, o ne a dira loaro mo letlhakoreng la molema mo tlhogong go ntsha lekwete. Ka ngwaga wa 2000 o ne a tsaya 'A' mo dipalong le mo botaking mme a tsaya 'B' mo sekgoeng.

Le ntswa a ne a dumelelwa kwa University of Edinburgh, o ne a fetsa ngwaga a itapolositse,a ithuta kwa British Institute of Florence kwa Italy, a tsaya maeto go ya kwa Chile go tsaya karolo mo lenanenong la Raleigh International programme. O berekile mo sekepeng kwa Port of Southampton ka selemo pele ga a ya sekolong sa ithutelo ditiro. Middleton o ne a ikwadisa kwa University of St Andews kwa Fife kwa Scotland a ithutela tsa botaki. O ithutetse tsa tlhaloganyo pele ga a lebagana le ditso tsa botaki. O berekile go thusa baji kwa marekelong a dijo fa a tsweletse a tsena sekolo. O ne a amogela seetsele sa gouta sa Duke of Edinburgh kwa sekolong sa ithutelo ditiro. Middleton e ne e le leloko la The Lumsden club le le neng le kokoanya madi ebile le dira ditiro tsa selegae ngwaga mongwe le mongwe. Ka ngwaga wa 2005, Middleton o ne a aloga kwa University ya St. Andrews ka MA in art History.

Ka Ngwanatsele ngwaga wa 2006, Middleton o ne a simolola tiro ya nkwana ya dikgwedi di le lesome le bobedi e le moreki wa tse di kgabisang diaparo kwa Jigsaw. Ka ngwaga wa 2007, o ne a rulaganya pontsho ya dinepe go bega buka ya "Time to Reflect" ya ga Alistar Morrison go kgobokanyetsa UNICEF madi. Ka ngwaga wa 2008,Middleton o ne a tsaya maeto go ya kwa sepateleng sa Naomi's House Hospice kwa a neng a rekela bana dimpho a bo a ba balela. Moragonyana mo ngwageng oo, o ne a rulaganya moletlo wa disco go kgobokanya madia a di pounds di le ditousane di le lekgolo go a kgaoganya gareng ga Oxford Children's Hospital le Place2Be.