Letsile Tebogo

Letsile Tebogo

Tebogo at the 2023 World Athletics Championships
Personal information
Nickname(s)	ABCAE9
Nationality	Botswana
Born	(2003-06-07) 7 June 2003 Kanye, Botswana
Employer	Nike
Height	1.85 m (6 ft 1 in)
Weight	77 kg (170 lb)
Sport
Country	Botswana
Sport	Athletics
Event(s)	Sprints
Medal record Men's athletics Representing Botswana World Championships 2023 Budapest 100 m 2023 Budapest 200 m World Relays 2024 Nassau 4×400 m relay African Championships 2022 Saint Pierre 200 m World U20 Championships 2021 Nairobi 100 m 2022 Cali 100 m 2021 Nairobi 200 m 2022 Cali 200 m

Letsile Tebogo (o tshotswe ka Kgwedi ya Seetebosigo e le supa ka ngwaga wa ngwaga wa dikete tse pedi le boraro (2003)), ke motabogi wa Botswana. O fentse seetsele sa gauta kwa Diolimpiking tsa Selemo tsa ngwaga wa dikete tse pedi le masome a mabedi le bone 2024 mo kgaisanong ya dimitara di le makgolo a mabedi 200, phenyo e ya gagwe e ne ya dira gore Botswana e nne le seetsele sa ntlha sa gauta sa Diolimpiki. Gape o ne a gapa seetsele sa selefera kwa Dikgaisanong tsa Lefatshe tsa 2023 tsa 100 m mme a o sala morago ka seetsele sa bronze mo 200 m malatsi a le matlhano moragonyana.

Tebogo o ne a fenya lebelo dimetara di le lekgolo le go tsaya maemo a bobedi mo go la 200m kwa 2021 World Athletics U20 Championships le 2022 World Athletics Under-20 Championships. Ka 2021, o ne a nna motabogi wa ntlha wa Botswana go gapa sekgele sa 100 m mo maemong ape fela a Dikgaisano tsa Lefatshe. Ke mmampodi wa Aforika wa 200 m 2022, a nna mofenyi yo mmotlana go gaisa botlhe wa sekgele seo mo ditsong tsa dikgaisano. O thubile 300 m go gaisa botlhe mo lefatsheng, a taboga nako ya metsotswana e le 30.69 ka kgwedi ya Tlhakole a le lesome le bosupa,ka ngwaga wa dikete tse ped le masome a mabedi le bone (2024) kwa bogodimong jwa Pretoria, Aforika Borwa.

Mo ngwageng o o latelang, kwa 2022 World Athletics U20 Championships kwa Cali, o ne a roba rekoto ya lefatshe ya U20 mo motshamekong wa dimetara di le lekgolo (100). Gape ke mmampodi wa Afrika wa dimetara di le makgolo a mabedi (200(, morago ga go fenya dikgaisano tsa ngwaga wa dikete tse pedi le masome a mabedi le bobedi (2022 African Athletics Senior championships kwa Saint Pierre, Mauritius. O ne a fenya gauta malatsi a le matlhano fela, morago ga a digela dingwaga dile lesome le boferabongwe. Sekgele se, se mo dira ene mmotlana go gaisa botlhe, yo o gapileng dietsele tsa gauta mo ditsong tsa kgaisano tse.

Tebogo o tshwere rekoto ya lefatshe ya U20 mo lebelong la 100 m fa e sale kakgwedi ya Moranang ka ngwaga wa dikete tse pedi le masome a mabedi le bobedi (2022). E ne e le monna wa ntlha go tswa kwa Botswana go thuba sekgala sa metsotswana e le lesome.

Tiro

Tebogo o ne a bona maitemogelo a gagwe a ntlha a boditšhabatšhaba a le dingwaga di le lesome le bosupa kwa Dikgaisanong tsa Lefatshe Lotlhe tsa Mabelo tsa ngwaga wa dikete tse pedi le masome a mabedi le bongwe (2021) tse di neng di tshwerwe ka Motsheganong kwa Chorzów, kwa Poland. Ka kgwedi ya Phatwe, o ne a gaisana kwa World Under-20 Championships kwa Nairobi, Kenya, a fenya dimitara di le 100 mme a nna wa bobedi mo dimitara di le 200.

Erile ka Kgwedi ya Tlhakole a le lesome le borobabongwe ka ngwaga wa dikete tse pedi le masome a mabedi le bobedi (2022), Tebogo o ne a fenya seetsele sa lebelo la dimethara di le lekgolo (100 m), la dikgaisano tsa Botswana Athletic Association championship mo nakong ya metsotso e le lesome le metsotswana e le boferabobedi (10.08 seconds). O ne a tokafatsa maduo a mo kgweding tse pedi, a a isa ko nakong ya metsotso e le borabobongwe le metsotswana e masome a boferabongwe le bosupa (9.96 seconds), ko lebelong la Gaborone International meet, a dira rekoto e ntsha ya under 20 world record. Ka kgwedi ya Phukwi e le lesome le botlhano ka ngwaga wa dikete tse pedi le masome a mabedi le bobedi (2022) , o ne a tswelela a tokafatsa maduo ko lebelong la World athletic championships a a neng a tshwaretswe ko Eugene, Oregon. O ne a taboga mo nakong ya metsotso e le boferabongwe le metsotswana e ferabongwe le bone (9.94 seconds). Kgwedi e e latelang, o ne a tokafatsa maduo a gagwe gape, a taboga mo nakong ya masome a boferabongwe le metsotswana e masome a ferabongwe le bongwe (9.91 seconds), mo lebelong la 100m la dikgaisano tsa World Athletics U20 Championships kwa Cali, Colombia. Morago ga mabelo a, o ne a ipelela phenyo e, a itshwantshanya le motshwari wa direkoto tsa 100 m le 200 m tsa lefatshe Usain Bolt.

Ka kgwedi ya Phatwe e le boferabobedi ka ngwaga wa dikete tse pedi le masome a mabedi le bone (2024), Tebogo o ne a fenya makgaolakgang a 200 m kwa Diolimpiking tsa Paris, mme a bona seetsele sa ntlha sa gauta sa Botswana ka nako ya 19.46s. Phenyo ya gagwe e ne ya dira gore go itsisiwe letsatsi la boikhutso kwa Botswana go keteka tiro ya gagwe e e boitshegang ka thapama ya kgwedi ya Phatwe e le boferabongwe. Puso ya Botswana le yone e ne ya mo abela matlo a mabedi go mo leboga ka phenyo ya gagwe.

Ka kgwedi ya Lwetse ka ngwaga wa dikete tse pedi le masome a mabedi le bone (2024), Tebogo o ne a nna mofenyi wa ntlha wa monna wa Kabo ya Naledi e e Tlhatlogang ya ga Jesse Owens e e sa tswang go tlhongwa kwa Wanda Diamond League Final in Brussel. 19.80 ya motshamiki yo wa dingwaga di le masome mabedi le motso e ne e le tiragatso e e gaisang ya makgaolakgang e e dirilweng ke motabogi wa monna wa dingwaga di le masome mabedi le boraro kgotsa kwa tlase, le fa a ne a sa fenya makgaolakgang.

Ka kgwedi ya Phalane ka ngwgaa wa dikete tse pedi le masome a mabedi le bone (2024), ka ntlha ya phitlhelelo ya gagwe e e sa tlwaelesegang jaaka mmampodi wa Diolimpiki tsa Botswana, Tebogo o ne a amogela seetsele sa Mokgatlho wa Dikomiti tsa Bosetšhaba tsa Diolimpiki (ANOC) ya motabogi yo o gaisang wa monna wa Paris 2024.

Ka kgwedi ya Sedimonthole ka ngwgaa wa dikete tse pedi le masome a mabedi le bone (2024), Tebogo o ne a bidiwa Motabogi wa Monna wa Ngwaga wa World Athletics. Mo go yone tiragalo eo, Tebogo o ne a bidiwa mofenyi wa Motabogi wa Ngwaga wa Monna wa Lebala a le kwa pele ga mofenyi wa seetsele sa gauta wa Norway wa dimetara di le 5000 e bong Jakob Ingebrigtsen.

Ka kgwedi ya Moranang ka ngwgaa wa dikete tse pedi le masome a mabedi le botlhano (2025), mmampodi wa Diolimpiki Tebogo o ne a tlhomiwa go nna moemedi wa Letsatsi la Mabelo la Bana la ngwaga wa dikete tse pedi le masome a mabedi le botlhano (2025) ke World Athletics.

Kwa 2025 World Athletics Championships, tse di neng di tshwaretswe kwa Tokyo, Japane, Tebogo o ne a kgaolwa mo makgaolakgannyeng a dimitara di le lekgolo (100), morago ga go simolola ka tsela e e sa siamang.

Kwa dikgaisanong tsa Lefatshe tsa Athletics tsa ngwaga wa dikete tse pedi le masome a mabedi le botlhano (2025), tse di neng di tshwaretswe kwa Tokyo, Japane, Tebogo o ne a kgaolwa mo kgaisanong ya bofelo ya dimetara di le lekgolo (100), morago ga go simolola ka phoso. O ne a ikwadisetsa kgaisano ya makgaolakgang ya dimetara di le 200,kwa a fentseng mo maemong a bone morago ga Noah Lyles, Kenneth Bednarek, le Bryan Levell.Ka kgwedi ya Lwetse e le masome a mabedi le bongwe ka ngwaga wa dikete tse pedi le masome a mabedi le botlhano (2025), o ne a thusa Botswana go fenya 4 × 400 m relay ka nako ya 2:57.76.Setlhopha se ne se na le Tebogo, Collen Kebinatshipi, Bayapo Ndori, le Lee Eppie.

Ka kgwedi ya Motsheganong ka ngwaga wa dikete tse pedi le masome a mabedi le borataro (2026), Tebogo o ne a taboga legato la bobedi la kgaisano ya 4 × 400 m kwa 2026 World Athletics Relays kwa Gaborone, Botswana, fa pele ga bareetsi ba kwa gae. Setlhopha se ne sa dira nako ya bofelo ya 2:54.47, e e neng e le rekoto ya kgaisano e bile e le ya boraro e e neng e le bonako go gaisa mo kgaisanong eo ka nako eo.

Diphitlhelelo

Tsa gagwe tse di gaisang

Sekgele	Nako (s)	Phefo	Lefelo	Letsatsi	Dinopolo
100 meters	9.86	+1.0 m/s	Paris, France	August 4, 2024	NR
200 meters	19.46		Paris, France	August 8, 2024	NR, AR
300 meters	30.69		Pretoria, South Africa	February 17, 2024	WB
400 meters	44.29		Pretoria, South Africa	March 18, 2024
Youth and junior achievements
100 meters	9.91	+0.8 m/s	Cali, Colombia	August 2, 2022	World under-20 record
200 meters	19.96	-1.0 m/s	Cali, Colombia	August 4, 2022	AU20R

Dikgaisanyo tsa boditshabatshaba

A emetse  Botswana

Ngwaga	Kgaisano	Lefelo	Maemo	Tiragalo	Nako	Dinopolo
2021	World Relays	Chorzów, Poland	13th (h)	4 × 100 m relay	39.55	SB
	World U20 Championships	Nairobi, Kenya	1st	100 m	10.19
			2nd	200 m	20.38
2022	African Championships	Saint Pierre, Mauritius	1st	200 m	20.26
			– (f)	4 × 100 m relay	DQ
	World Championships	Eugene, OR, United States	16th (sf)	100 m	10.17	(h: WU20R NR )
	World U20 Championships	Cali, Colombia	1st	100 m	9.91	CR WU20R NR
			2nd	200 m	19.96	CR
2023	World Championships	Budapest, Hungary	2nd	100 m	9.88	NR
			3rd	200 m	19.81
2024	World Relays	Nassau, Bahamas	1st	4 × 400 m relay	2:59.11
	Olympic Games	Paris, France	6th	100 m	9.86	NR
			1st	200 m	19.46	AR
			2nd	4 × 400 m relay	2:54.53	AR
2025	World Championships	Tokyo, Japan	—	100 m	DQ	False start
			4th	200 m	19.65
			1st	4 × 400 m	2:57.76

Diphenyo tsa gagwe tsa Circuit le bommampodi

• Diamond League
  • 2023: Lausanne Athletissima (200 m)
  • 2024: Monaco Herculis (200 m), Lausanne Athletissima (200 m), Kamila Skolimowska Memorial (200 m), Rome Golden Gala (100 m), Zürich Weltklasse (200 m)
  • 2025: Doha Diamond League (200 m), Prefontaine Classic (200 m)

• World Athletics Continental Tour
  • 2023: Botswana Golden Grand Prix (200 m)
  • 2024: Grand Prix Lombardia Brescia (200 m)
  • 2025: Botswana Golden Grand Prix (200 m)

Letsile Tebogo (Botswana Athlete) Under 20.

Rekote ya Sechaba

• 100 metres: 9.91 (+0.8 m/s) ( Cali, 3 August 2022)

Ditshedimosetso tse dingwe

• Lenaane la direkote tsa Botswana tsa mabelo