Maria Luisa Grohs

Maria Luisa Grohs

Grohs with Bayern Munich in 2021
Motshameki wa kgwele ya dinao
Leina ka botlalo	Maria Luisa Grohs
Letsatsi la tsalo	(2001-06-13) 13 June 2001
Lefelo la tsalo	Münster, Germany
Bolele	1.80 m (5 ft 11 in)
Maemo	Goalkeeper
Club information
Current team	Bayern Munich
Number	22
Youth career
2016	1. FC Gievenbeck
2016–2019	VfL Bochum
Tiro ya gagwe*
Dingwaga	Setlhopha	Metsh	(Dinno)
2019–2022	Bayern Munich II	22	(0)
2019–	Bayern Munich	23	(0)
Setlhopha sa setshaba‡
2017	Germany U16	3	(0)
–	Germany U17	9	(0)
2019–2020	Germany U19	6	(0)
*Metshameko ya gagwe le dinno, correct as of 06:19, 7 September 2023 (UTC) ‡ National team caps and goals, correct as of 15:25, 30 October 2022 (UTC)

Maria Luisa "Mala" Grohs (mopeleto wa seJeremane: [ˈgrːos]; yo o tshotsweng ka Seetebosigo a le lesome le boraro ka 2001) ke motshameki wa moJeremane wa kgwele ya dinao e e porofeshionale yo o tshamekang e le motshwaradino wa setlhopha sa Frauen-Bundesliga sa Bayern Munich le setlhopha sa setshaba sa Jeremane.

Tiro ya setlhopha

Bonana

Fa e le mosha, Grohs o ne a tshamekela setlhopha sa mo gae sa 1. FC Gievenbeck.

Ka 2016, Grohs a ya kwa lekalaneng la banana la VfL Bochum, kwa a tshamekileng metshameko e le lesome le bosupa mo B-Juniorinnen-Bundesliga. Kwa bofelong ja setlha sa 2016-17, setlhopha se ne sa fologela kwa tlase kwa B-Juniorinnen-Regionalliga West. Grohs o ne a tshamekela Bochum ditlha tse pedi tse di neng tsa latela.

Porofeshionale

FC Bayern Munich II

Ka setlha sa 2019-20, Grohs a fudugela kwa setlhopheng sa Frauen-Bundesliga sa Bayern Munich. Kwa ntlheng, Grohs o ne a tshamekela setlhopha sa bobedi sa Bayern kwa 2. Frauen-Bundesliga. O ne a dira tshameko ya gagwe ya ntlha ka Phatlwe wa 2019 a le lesome le motso, mo phenyong ya dino tse nne go ele nngwe ya setlhopha sa bobedi sa Eintracht Frankfurt.

FC Bayern Munich

Ka Firikgong wa 2021 a le masome mararo, Grohs a dira tshameko ya gagwe ya ntlha le setlhopha sa ntlha, mo phenyong ya Bayern ya dino tse lesome le borataro go lefela la Walddörfer SV mo DFB-Pokal mo tikologong ya tse di lesome le borataro.

Ka Moranang wa 2021 a le lesome le bosupa a dira tshameko ya gagwe mo Frauen-Bundesliga, mo tatlhegelong ya dino tse tharo go tse pedi kgatlhanong le Hoffeinheim.

Kwa tshimologong ya setlha sa 2022-23, Grohs e ne ya nna motshwaradino wa ntlha wa FC Bayern, a simolola metshameko yotlhe. Ka Phalane a le masome mabedi le bosupa ka 2022, mo motshamekong kgatlhanong le Benfica Lisbon mo legatong laditlhophana la Champions League, motshameko o le mo go maleka a bobedi-bobedi, Grohs a tshwara penaliti ya Benfica, mme metsotsotso moragonyana Georgia Stanway a nosa nno ya phenyo mo phenyong ya dino tse tharo go tse pedi ya FC Bayern.