Mmasekgoa Masire-Mwamba

Mmasekgoa Masire-Mwamba
Ka Ga Ena
Mosetshaba wa	Botswana

Ka ga ene

Mmasekgoa Masire-Mwamba ke motsamaisi wa Botswana le modiredi wa puso wa mafatshefatshe, yo o nang le maitemogelo/boitseanape jo bo kwa godimo ja dingwaga tse di fetang masome a mararo mo go tsa kgwebo, tlhabololo le ditherisano tsa mafatshe tse di farologaneng. Mmasekgoa Masire-Mwamba e ne e le Mothusa Mokwaledi-mogolo wa Commonwealth go tloga ka 2008 go fitlha ka 2014.

Botshelo jwa gagwe le thuto

Mmasekgoa Masire-Mwamba o tshotswe e le Gabaipone Masire ka Mopitlo a supa 1960 kwa motseng wa Kanye, a tsalwa jalo ke Ketumile Quett Joni Masire le Gladys Olebile Masire mme a golela kwa Gaborone kwa a simolotseng sekolo sa gagwe kwa Thornhill Primary School teng. O ne a fiwa leina la Gabaipone go tlotla mmaagwe rre rraagwe e bong Gabaipone. Ka leina le legolo jalo, gantsi motho o fiwa leina le lengwe, ka jalo a bidiwa Mmasekgoa. Leina la Mmasekgoa le ne la feleletsa le bipile leina la gagwe la mmatota ebong Gabaipone.

Morago ga moo o ne a amogelwa kwa Yunibesithing ya Lontone a aloga ka Bachelor of Science electronics and physics. Ka 1990 o ne a aloga ka Masters of Business Administration (MBA) go tswa kwa Yunibesithing ya Pittsburgh. Masire-Mwamba o na le dithuto tse dikgolwane tsa dikirii ya Bachelor of Law (LLB) go tswa kwa University of South Africa (UNISA) le Advanced Management Diploma go tswa kwa IESE Business School, Spain. Ke motlhatlheledi yo o nang setlankana, ka a tlhomile kompone e e ikemetseng e e nayang thutuntsho ya bokgoni jo bo bonolo e e itebagantseng le Boeteledipele le Taolo ya Boto.

Masire-Mwamba e ne e le Moeteledipele wa ntlha wa Motswana kwa Botswana Export Development and Investment Authority (BEDIA), Setheo sa bosetšhaba sa Thotloetso ya Peeletso sa Botswana.

Ka 2009, o amogetswe mo lephateng la semolao ke Mokgatlho o o Tlotlegang wa Middle Temple Inn o o neng wa mo naya Tlotlo ya Bencher

Ka Ngwanatsele 2015, o ne a nna wa bobedi fa morago ga ga Patricia Scotland go tswa kwa Dominica mo tlhophong ya go nna Mokwaledi-Kakaretso wa Mafatshe a Selekane, a latlhegelwa ka ditalama di le masome mabedi le borataro go tse masome mabedi le bone. O abetswe sekgele sa Boditšhabatšhaba sa Basadi mo Boeteledipeleng ke Dr. Long, kwa Phuthegong ya Sepolotiki ya Lontone ka 2018 mme o kile a nna Tautona wa Basadi ba Botswana mo Kgwebong.

Botshelo jwa gagwe

Masire-Mwamba o nyalane le Trevor Mwamba, yo e kileng ya bo e le Moruti wa Botswana le Moduedisi wa Barking, kwa Lontone Botlhaba. O na le bana ba le bararo.

Temogo

O ne a lemogwa jaaka mongwe wa basadi ba le lekgolo ba BBC ba 2013.