Onalenna Baloyi
| Personal information | |
|---|---|
| Nationality |  Botswana |
| Born | 6 May 1984 Mahalapye, Botswana |
| Height | 1.80 m (5 ft 11 in) |
| Weight | 62 kg (137 lb) |
| Sport | |
| Sport | Athletics |
| Event(s) | Middle distance running |
Onalenna Oabona Baloyi o tshotswe ka Motsheganong a tlhola malatsi a le marataro ka ngwaga wa 1984 mo Mahalapye. Rre Onalenna Oabona
Baloyi ke motabogi mo Botswana yo o tabogang lebelo la dimithara di le makgolo a le boferabobedi.[1]
Tiro
[fetola | Fetola Motswedi]Moleto wa ntlha o o botlhokwa o a neng a o tseneletse wa mafatshe o ne a le wa Bommampodi ba mafatshefatshe ba batabogi 2005 kwa Helsinki,Finland. O tabogile mo lebelong la dimithara tsa makgolo a le boferabobedi a bo a fetsa ka maemo a bosupa mo bathong ba ba neng ba le borobabobedi a bo a sa fetelele ko pele.[2]Ngwaga o o latelang o tseneletse kwa metshameko ya Commonwealth ka ngwaga wa 2006 tse di neng tshwareletswe kwa Melbourne, Australia. O tseneletse mo dimithara tsa makgolo a le boferabobedi e bile o feletse a tsaya maemo a boraro a bo a felela a fetelela ko pele.[3]Ko dikgaisanong tsa bofelelo o ne a siana ka metsotso e lesome ko morago a felela a tsere maemo a borobabobedi.[4] Baloyi o ne a emetse Botswana ko diolimpiki tsa selemo tsa 2008 kwa Beijing,kwa a neng a gaisana mo lebelong la banna la dimitara di le 800. O ne a taboga mo kgaisanong ya bobedi kgatlhanong le baatlelete ba bangwe ba le barataro, go akaretsa le Abubaker Kaki wa Sudan, yo o neng a tlhagelela e le mmamoratwa yo o bokete le yo o ka nnang mofenyi wa metlele e e kwa godimo mo kgaisanong eno. O ne a wetsa lobelo lono mo maemong a bone ka dikarolo tse nnè tsa bolesome tsa motsotswana (0.40) morago ga Dmitriy Bogdanov wa kwa Russia, ka nako ya 1:47.89. Baloyi, le fa go ntse jalo, o ne a palelwa ke go tsena mo makgaolakgannyeng, ka a ne a nna mo maemong a masome a mararo le borobedi ka kakaretso, mme o ne a le kwa tlase ga mafelo a mabedi a a tlamang mo tikologong e e latelang.[5]
Go tsenya diokobatsi
[fetola | Fetola Motswedi]Ka ngwaga wa 2010 Baloyi o ne a emisiwa dingwaga di le pedi ke IAAF ka ntlha ya go dirisa diokobatsi tse di tokafatsang motshamwko, fa a ntse a katisiwa kwa Jeremane o ne a ya kwa rakhemisi go ya go nwa seno sa gagwe se se tlwaelegileng se se nayang maatla mme di ne di rekisitswe mme a newa se sengwe se se neng se na le diokobatsi tse di thibetsweng.[6]Morago ga dingwaga di le tlhano kwa nageng Baloyi o ne a lalediwa ke Komiti ya Bosetšhaba ya Diolimpiki ya Botswana go nna mo phaneleng ya dithutano tsa go lwantsha tiriso ya diokobatsi mme o sa ntse a solofela go boela kwa diatleletiking.[7]
Metswedi
[fetola | Fetola Motswedi]- ↑ Evans, Hilary; Gjerde, Arild; Heijmans, Jeroen; Mallon, Bill; et al. "Onalenna Baloyi". Olympics at Sports-Reference.com. Sports Reference LLC. Archived from the original on 18 April 2020
- ↑ 800m heat results". iaaf.org. Retrieved 12 November 2016.
- ↑ M2006 800m heat 2 round 1". m2006.thecgf.com. Archived from the original on 12 November 2016. Retrieved 12 November 2016.
- ↑ M2006 800m Final result". m2006.thecgf.com. Archived from the original on 12 November 2016. Retrieved 12 November 2016
- ↑ Men's 800m Round 1 – Heat 4". NBC Olympics. Archived from the original on 21 August 2012. Retrieved 15 January 2013
- ↑ BNOC take the blame". mmegi.bw. 8 September 2010. Retrieved 12 November 2016
- ↑ Baloyi resurfaces with intention to educate". sundaystandard.info. Archived from the original on 13 November 2016. Retrieved 12 November 2016
Tse di kwa ntle
[fetola | Fetola Motswedi]- Onalenna Baloyi kwa World Athletics
- Onalenna Baloyi kwa Olympics.com
- Onalenna Baloyi kwa Olympedia
- Onalenna Baloyi kwa the Commonwealth Games Federation (archived)