Palo ya matamo le mabolokelo a metsi mo Botswana

Tse di latelang ke thekegelo ya palo ya matamo le mabolokelo a metsi mo Botswana.

Tiriso ya Metsi

Metsi a a tshedisa. A nosetsa masimo a balemi; a nosetsa dijalo ebile a nosa leruo la batho ba metse-selegae; a naya boitlosobodutu; a tshegetsa go dirwa ga motlakase wa rona, ditoropo tsa rona le metse-setoropo, meepo ya rona, madirelo a rona le ditlhare le diphologolo tse e leng bontlhanngwe jwa boswa jwa rona jwa tlholego.Metsi a a ka ikanngwang, a a siameng go nowa, metsi a go tsamaisa leswe le a go boloka bophepa le metsi a go godisa dijalo a botlhokwa thata go namola khumanego mo Afrika Borweng. Go tlhabololwa ga metse-selegae le go ntshafadiwa ga metse-setoropo ka bobedi go ikaegile ka metsi gore go fitlhelelwe mekgele eo.Boikarabelo jwa konokono jwa Lephata la Merero ya Metsi le Dikgwa ke go tlhomamisa gore metsi a a lekaneng a boleng jo bo space dumelelwang a teng go kgotsofatsa ditlhoko tsa batho le go tshegetsa tlhabololo ya merero ya itsholelo le ya batho.

Tlhaloso

Lefatshe la Botswana le ntse le nosiwa metsi ke makalana a a farologaneng mo dingwageng tse di fetileng. Water Utilities Corporation e ntse e nosa ditoropo le ditoropo dikgolo. Mo godimo ga moo, e ntse e thusa Lephata la Metsi le Dikhansele tsa Dikgaolo ka bokete jwa metsi go abiwa le mafelo a mangwe a lefatshe leno. Maikaelelo a Lenaneo la go Dira Diphetogo mo Mhameng wa Metsi ke go baakanya ditsamaiso tse marara mme ka jalo go nne bonolo go isa metsi kwa bathong. Ke eng se se tlamileng gore go diragadiwe Lenaneo la Diphetogo tsa Mhama wa Metsi? Kanoko ya Lenaneo Legolo la Sechaba la Phatlalatso Metsi la 2005-2006, le ne la re go dirwe diphetogo tse dikgolo mo mhameng wa metsi, mme dingwe tsa tsone e le gore, go kgaoganngwe tsamaiso ya mhama wa metsi le makalana a mangwe a a thusang ka ditirelo. Morago ga dikanoko tse, ba ne ba gakolola gore Water Utilities Corporation e tseye tsamaiso yotlhe ya go nosa lefatshe leno. Go tla a tsewa metse efe la ntlha? Gore go tla a tsewa metse efe lantlha, go tla a laolwa ke mabaka a a farologaneng, mabaka a tshwana le gore ke metse efe e e nang le ditlamelo tse di setseng di siametswe go tsewa mme ke metse efe e ditlamelo tsa yone di sa ntseng di tshwanelwa ke go tlhabololwa seemo pele, jalo le jalo pele ga e tsewa. Metse e e nang le ditlamelo tse di e golaganyang le e mengwe le yone e ka nna ya tsewa ka nako yone eo. Thulaganyo eno e tla a dira gore dikgaolo le dikgaolo-potlana di sobokiwe di nne setlhopha mme di bo di ka tseelwa gongwe fa go ka kgonegang teng. Tsamaiso eno e tsile go goga lobaka lo lo kae? Go ya ka thulaganyo eno, Water Utilities Corporation e tla a tsaya ditsamaiso tsotlhe tsa metsi a a nowang mo Lefatsheng leno le ditirelo tsotlhe tsa metsi a a dirisitsweng mo dingwageng tse tlhano tse di tlang, go simolola ka Motsheganong 2009.

Palo ya matamo

Maina a matamo	Ditoropo tse di gaufi	Kgaolo	Dinoka tse di tselang	Ngwaga wa Kago	Boteng(Megalitre)	Lefelo	Dipadi
Letamo la Bokaa	Bokaa	Kgaolo ya Kgatleng	Noka ya Metsimotlhabe	1990	ko tlase ga 18.5	24°27′08″S 25°59′52″E
Letamo la Gaborone	Gaborone	Kgaolo ya Borwa-Botlhaba	Noka ya Notwane		141,100	24°43′06″S 25°54′27″E
Letamo la Letsibogo	Mmadinare.	Kgaolo ya Legare	Noka ya Motloutse		100,000	21°49′42″S 27°42′47″E
Letamo la Mogobane	Mogobane	Kgaolo ya Borwa-Botlhaba	Noka ya Mogobane			24°58′28″S 25°41′48″E
Letamo la Nnywane	Lobatse	Kgaolo ya Borwa-Botlhaba	Noka ya Nnywane		2,300	25°06′53″S 25°40′57″E
Letamo la Ntimbale	Tantebane	Kgaolo ya Bokone-Botlhaba	Noka ya Tati		26,000	20°52′05″S 27°28′09″E
Letamo la Shashe	Shashe Mooke	Kgaolo ya Bokone-Botlhaba	Noka ya Shashe		85,000	21°20′44″S 27°24′36″E

Bona gape

• Palo ya dinoka tsa Botswana
• Makadiba a Botswana
• Palo ya matamo le mabolokelo a metsi