Phuthego ya BDP
Phuthego ya BDP | |
|---|---|
| Leader | Mokgwetsi Masisi |
| Headquarters | Gaborone |
| Ideology | Conservative |
| Political position | Right-wing |
| Parliament of Botswana | Tempolete:Infobox political party/seats |
Phuthego ya Botswana Democratic Party (BDP) ke phathi ee busang mo Botswana. Modulasetilo wa yone ke rre Daniel Kwelagobe.
BDP e thailwe ke rre Seretse Khama, yo o akgolelwang go kgolo ya itsholelo le sepolotiki sa Botswana. Phathi e e thaetswe mo magaeng a setswana, ebile ka dinako dingwe e ne e tle e bidiwe "phathi ya kgosing"(go tewa Seretse Khama). Mo ditlhophong tsa bofelo, phathi e e ne e gapile masome a matlhano le boraro mo lekgolong(53.26%) a ditlhopho tse di tlwaelesegileng le ditilo dile masome amane(45) mo go tse masome a matlhano le bosupa(57). Ntlhopheng wa phathi ya Tomokoraga Ian Khama ke ene tautona wa Botswana gompieno.
Ditso
[fetola | Fetola Motswedi]Ka ngwaga wa 1961 ,Seretse Khama o thaile phathi e. Pele ga boipuso bo tsewa ka ngwaga wa 1966, e ne e bidiwa kana e itsege ka leina la Bechuanaland Democratic Party. E rile ka kgwedi ya Phalane e tlohla malatsi a le masome a mararo ka 1966,dikeletso tsa ga khama tsa go ipusa tsa atlega. Mo ditlhophong tsa ntlha tsa botlhe ka ngwaga wa 1965,phathi ya gapa ditilo tse di masome a mabedi le borobabobedi mo go tse masome a mararo le bongwe. Khama a nna tautona wa Botswana.
E ntse e le yone phathi e e itsegeng mo ditlhophong tsotlhe go simolola nako e boipuso bo neng bo tswewa. ka fa tlase ga boeteedipele jwa Phathi ya tomokoraga ,tlhabolo ya tsa tsa itsholelo e godile fela thata. Botswana o atlegile ka maemo aa kwa godimo mo ditlhabololong le puso ya batho ka batho.
Rre Festus Mogae o dirile ele ene tautona wa lefatshe go tloga ngwga wa 1998 go fitlha 2008. O ne a abelwa tlotla ya Grand Cross of the Legion d'honneur ke Tautona wa French rre Nicolas Sarkozy ka kgwedi ya mopitlo e le masome a mabedi ka go nna "sekai mo bogoging" le go dira Botswana " seelo" sa puso ya batho ka batho le go busa ka tshiamo. Rre Mogae o ile a gapa Ibrahim Prize ka 2008 ele katlego mo boeteledipeleng jwa Africa
Rre Ian Khama, ngwana wa ga tautona wa pele rre Seretse Khama, o tseneletse phathi e pele ga ditlhopho tsa 1999. Mo bogompienong phathi e faraferwe ke makgamu ebile ba ela dilo tlhoko bare fa botho/maitseo asa gatelelwe,phathi e e tla thubega. lekgamu lengwe(le le ipitsang Barata-Phathi) le eteletswe pele ke rre Ponatshego Kedikilwe, le mokwaledi mogolo wa pele rre Daniel Kwelagobe,fa lekgamu le lengwe (le le ipitsang The A Team) le eteletswe pele ke matona ;rre Jacob Nkate le Mompati Merafhe. Lekgamu le lengwe la A team le ne le eteletswe pele lantlha ke Tautona rre Festus Mogae le mothusi wa gagwe rre Ian Khama. Bobeding jwa bone ba ikgoetse ko ntle ga makgamu a le fa ntswa ba ntse ele maloko a 'The A Team"
E rile kgedi ya Moranang e tlhola letsatsi ka 2008,rre Ian Khama a tlahtlogela mo maemong a botautona ele tautona wa bone wa lefatshe la Botswana, ka go rialo a tlogela bodulasetilo jwa BDP Phatlha ya bodulasetilo e ne jaanong ya tsewa ke modiri yo o boikanyego le yo o berekileng ka lobaka Daniel Kwelagobe.Mo ikanisong ya gagwe, rre Ian Khama o nankotse tebelopele ya setshaba ya 2016.
Mo bosheng Phathi e kgaogane,Barata Phathi ya itlhamela Botswana Movement for Democracy,jaanong a-team le maloko a mangwe a Barata Phathi a setse kwa Tomokoraga,se se tla morago ga go palelwa ke go buisanya magareng gta makgamu ka rre K Masire(tautona wa pele).
Mabutswapele a phathi
[fetola | Fetola Motswedi]- Gaositwe K.T. Chiepe
- Ponatshego Kedikilwe
- Sir Seretse Khama
- Sir Quett Masire
- Festus Mogae
- Ian Khama
- Daniel Kwelagobe
Ba kopa gore maikano a bone a rekisiwe
[fetola | Fetola Motswedi]Baemela ditlhopo ba phathi ya Botswna Democratic Party (BDP) mo kgaolong ya Kweneng Borwa Botlhaba ba gakolotswe gore ba tshwanetse ba tlotla, go reetsa le go rata batlhophi ba bone.Mopalamente wa Tati botlhaba, Rre Samson Guma o buile se kwa phutegong ya phatlalatsa ee ne e tshwaretswe kwa motseng wa Metsimotlhabe.Rre Guma a re tiro ya boeteledipele ke go buelela batho, ka jalo bontlhopheng ba tshwanetse ba ipotsa gore ba ya go direlang Batswana morago ga ditlhopo.A re ba tshwanetse go rekisa maitlamo a Domkrag, a supa gore maitlamo a phathi eo ga se go bua ka diphathi tsa kganetso mme ke go supa se e leng gore ba tlaa se dira morago ga ba sena go tlhophiwa.Mopalamente Guma a re bontlhopeng ba tshwanetse go tlhaloganya dikgwetlho tsa Batswana mme e re morago ba sena go tlhophiwa ba bone gore ba ka fedisa mathata a go nna jalo jang.O ne a ba gakolola gape gore Batswana ba batla ditiro tsa boeteledipele, ka jalo ba tshwanetse go nna tlhaga mo ditirong tsa bone fa ba ka tlhophiwa jaaka makhanserala kgotsa mapalamente.Rre Guma supile gore puso e na le dikgwetlho tse di ntsi fela thata mme fa dikgwetlho tse di sa fedisiwe ke boeteledipele ga go na mosola gore boeteledipele bo tlhophiwe, ke gone ka moo go leng botlhokwa gore boeteledipele e nne batho ba ba tlaa kgonang go buelela Batswana.O tsweletse ka gore Batswana ba batla ditiro mo go bontlhopeng e bile ba batla batho ba ba ka kgonang go fetola matshelo a bone.O ile a raya batlhopi a re puso ga e ke elekelediwa ke ka mong ba tshwaentseng go tlhopa Domkrag ka ntlha ya gore eitseng tsamaiso ya puso ya batho ka batho, a supa gore phathi e ga ya tsaya tsamaiso ya puso ya batho ka batho kwa mafatsheng a sele ba e sere mo ngwaong ya lefatshe leno mo dilo di tshwanang le dikgotla.
Rre Guma o supile fa BDP e le phathi ee nang le ditso ebile e nale boitseanape jwa go busa ka puso ya batho ka batho , a ba gakolola gore ba ye go tlhopa phathi ee nang le mananeo a a itsegeng.Mopalamente wa kgaolo ya Okavango, Rre Vister Moruti e ne go gakolotse batho ba Metsimotlhabe gore ba seka ba dira phoso ya go tlhopa diphathi tsa kganetso a re fa ele gore ba batla ditlhabololo ba tshwanetse ba tlhopa phathi ya Domkrag.Rre Moruit a re phathi ya BDP e kgona go diragatsa di tsolofetso tsa yone ebile a supa fa ba dira ditsolofetso tse di kgonagalang ebile di tshepiwa, gape a re Domkrag e tshwere gotlhe , lorato , ditlhabololo le tebelopele.Mme Lesego Motsumi yo eleleng mopalamente wa kgaolo ya Borwa botlhaba borwa ene o rile phathi e e kgathala thata ka Batswana le matshelo a bone , ka jalo a re fa ele gore BDP ke yone ee busang batho ga ba tshwanela go tlhopa diphathi tsa kganetso ka gore diphathi tsa kganetso ga dina mananeo.O ne a kopa batho ba kgaolo e go tlhopa mokhaserala wa Domkrag ga mmogo le mopalamente wa phathi eo gore batle ba kgone go dirisana mmogo ba lebile mananeo aa tshwanang.