Racheal Kundananji

Racheal Kundananji

Kundananji with Zambia in 2023
Motshameki wa kgwele ya dinao
Letsatsi la tsalo	(2000-06-03) 3 June 2000
Lefelo la tsalo	Zambia
Bolele	1.70 m (5 ft 7 in)
Maemo	Forward, midfielder
Club information
Current team	Bay FC
Number	9
Tiro ya gagwe*
Dingwaga	Setlhopha	Metsh	(Dinno)
2018	Indeni Roses	18	(21)
2019–2021	BIIK Kazygurt	10	(8)
2021–2022	Eibar	21	(8)
2022–2024	Madrid CFF	43	(33)
2024–	Bay FC	1	(1)
Setlhopha sa setshaba
2018–	Zambia	18	(10)
*Metshameko ya gagwe le dinno, correct as of 31 March 2024

Racheal Kundananji (yo o tshotsweng ka Seetebosigo a le malatsi a mararo ka 2000) ke motshameki wa kwa Zambia wa kgwele ya dinao e e porofeshionale yo o tshamekwang kwa setlhopheng sa National Women's Soccer League sa Bay FC le sa setshaba sa Zambia.

Tiro ya setlhopha

Indeni Roses, 2018

Kundananji o tshameketse Indeni Roses kwa liking ya Zambia ya Copperbelt Women League. O ne a nosa dino tse masome mabedi le motso mo metshamekong e le lesome le boferabobedi a thusa setlhopha go nna bommampodi ba liki.

BIIK Kazygurt, 2019–2021

Ka 2019 a le dingwaga tse lesome le boferabobedi, Kundananji a saena tumalano ya gagwe e e porofeshionale ya tlha kwa moseja le BIIK Kazygurt kwa Kazakhstan. mme a thusa setlhopha seo go fenya bommampodi ja liki ka tatelano ka 2019 le 2020.

Eibar, 2022

Kundananji a saena le SD Eibar mo liking ya maemo a a kwa godimo ya Spain ya Premiera Iberdrola mo setlheng sa 2021-22. Ka Moranang, a nosa dino tse pedi tsa gagwe tsa ntlha mo liking mo tatlhegelong ya tse tharo go tse pedi kgatlhanong le Tenerife. Kundananji a nosa dino tse di ferangbobedi mo iponagatsong tse masome mabedi le motso tsa setlhopha se.

Madrid CFF, 2022–2024

Ka Phatlwe wa 2022, Kundananji a saena le Madrid CFF. Ka Ngwanatsele a nosa dino tse pedi kgatlhanong le Real Sociedad. Kundananji o ne a bidiwa motshameki wa kgwedi ya Moranang 2023 wa Madrid morago ga go nosa dino tse tharo kgatlhanong le Alhama CF, nno kgatlhanong le Valencia CF, le dino tse pedi mo tsuololong ya FC Barcelona ya dino tse pedi go e le nngwe. Ka Motsheganong wa 2023, a nosa dino tse pedi kgatlhanong le Deportivo Alavés Gloriosas go kuka Madrid go isa kwa phenyong ya dino tse tlhano go e le nngwe. Kundananji o ne a nosa dino tse masome mabedi le botlhane mo setlheng seo ebile a bewa mo maemong a bobedi mo liking a le fa morago ga ga Alba Redondo fela ka tse masome mabedi le bosupa.

Bay FC, 2024–

Ka Tlhakole a le lesome le boraro ka 2024, go ne ga begiwa fa Kundananji a saenne le Bay FC mo tuelong ya £625,000, e e leng rekote ya lefatshe mo kgweleng ya bomme. Tumalano e e fela ka 2027 ka kgonagalo ya go oketse ka ngwaga o mongwe. Kundananji o dirile tshameko ya gagwe ya ntlha ya Bay FC a tsena mo motshamekong ka motsotso wa masome marataro le bobedi ka Mopitlo a le masome mararo ka 2024, mo motshamekong wa Bay FC wa ntlha mo gae kgatlhanong le Houston Dash. O ne a nosa nno ya gagwe ya ntlha ya setlhopha se mo motshamekong o ne oo, a lekalekanya dinomo motsotsong wa masome a ferabongwe le boraro o ba ileng ba o latlhegelwa. E ne ya nna moZambia wa ntlha go tshameka motshameko wa NWSL ga mmogo le wa ntlha go nosa nno ya NWSL.