Sam Kerr (Scottish footballer)

Sam Kerr

Motshameki wa kgwele ya dinao
Leina ka botlalo	Samantha Mary Kerr
Letsatsi la tsalo	(1999-04-17) 17 April 1999
Lefelo la tsalo	Falkirk, Scotland
Maemo	Midfielder
Club information
Current team	Bayern Munich
Number	26
Youth career
2012–2014	Falkirk Girls
2014–2015	Central Girls
Tiro ya gagwe*
Dingwaga	Setlhopha	Metsh	(Dinno)
2015	Central Girls
2016–2020	Glasgow City
2021–2023	Rangers	28+	(6+)
2023–	Bayern Munich	6	(0)
Setlhopha sa setshaba‡
2014	Scotland U16	2	(0)
2015–2016	Scotland U17	9	(0)
2016–2018	Scotland U19	8	(3)
2020–	Scotland	20	(1)
*Metshameko ya gagwe le dinno, correct as of 03:08, 19 February 2024 (UTC) ‡ National team caps and goals, correct as of 03:46, 19 February 2024 (UTC)

Samantha Mary Kerr (yo o tshotsweng ka Moranang a le lesome le bosupa ka 1999) ke motshameki wa kgwele ya dinao wa moScottish yo o tshamekang kwa Bayern Munich le kwa setlhopheng sa setshaba sa Scotland a tshameka fa gare. Pele o tshamekile kwa Central Girls, Glasgow City le Rangers.

Tiro ya setlhopha

Kerr o tshameketse Central Girls (e pele e neng e le Falkirk FC Girls) go tswa a le dingwaga tse lesome le bobedi go ema ka tse lesome le borataro. ka Motsheganong wa 2015, o ne a kapotena Graeme High School go fenya Scottish School Girls Cup.

Glasgow City

Ka Firikgong wa 2016, a le dingwaga tse lesome le borataro, Kerr a saenela Glasgow City. Ka go saeniwa ga gagwe, mokatisi mogolo wa Glasgow City Scott Booth o ne a re, Sam Kerr ke motshameki yo monyennyane yo o nang le dinonofo tse di kgetlhegileng...Re itumeletse gore o kgetlhile go ta Glasgow City go tsweledisa go godisa talente ya gagwe fa a ntse a tlhatloga go ya kwa tirong e e ntle mo motshamekong. Ka Mopitlo wa 2016, a thusa setlhopha go fenya Glasgow Girls go fetela kwa seka-makgaolakgang a Scottish Women's Premier League Cup. Kerr e ne e le leloko la setlhopha sa Glasgow City se se neng sa fenya SWPL mo ngwageng wa bo lesome ka tatlelano kwa bofelong ja setlha sa 2016; se e ne e le lantlha mo ditsong tsa kgwele ya dinao ya Scotland setlhopha sepe se segolo se kgona se (ga gona setlhopha sa borre se se kgonneng go kgobokanya tse di fetang boferabongwe ka tatlelano). O ne gape a tsaya karolo mo diphenyong tsa bommampodi tsa, 2017, 2018 le 2019- setlha sa 2020 se ne sa sutlhiwa kwa Scotland ka ntata ya segajaja sa COVID-19 – abo a tshameka UEFA Women's Champions League, a goroga kwa di quarter-finaleng tsa kgaisano eo ka 2019–20.

Rangers

Ka Sedimonthole wa 2020, Kerr a fudugela kwa Rangers mo tumalanong ya pele e e neng e dumalane kgwedi tse thataro pele ga foo (motshameki ka ene Kirsty Howat le ene o ne a dira phetogo e e tshwanang). Ka setlha sa 2021–22, a nosa nno ya ntlha e nosiwa ke setlhopha sa bomme kwa Ibrox Stadium mo phenyong kgatlhanong le Aberdeen, mme o ne a bidiwa kwa setlhopheng sa ngwaga sa PFA Scotland jaaka Rangers e ne e fenya bosimega ja SPWL e le lantlha.

Bayern Munich

Kerr a saena tumalano ya ngwaga tse tharo le Bayern Munich ka Motsheganong a le masome mararo ka 2023.