Slumber Tsogwane

Slumber Tsogwane
Tsogwane in 2018
9th Vice-President of Botswana
President	Mokgweetsi Masisi
Morago Ga Gagwe	Ndaba Gaolathe

Slumber Tsogwane o tshotswe ka kgwedi ya Lwetse e tlhola masome a mabedi le bongwe ka ngwaga wa sekete,makgolo a robabongwe le masome a marataro.E ne e le mothusa tautona wa lefatshe la Botswana le mopalamente wa kgaolo ya Boteti bophirima. Ke mongwe wa batho ba ba nang le sebaka se seleele a le mopalamenteng ya lesome le bobedi ya Botswana. o tsene mo pusong ka kgwedi ya Moranang e tlhola malatsi a le mane ka ngwaga wa dikete tse pedi le lesome le borobabobedi , morago ga Rre Mokgwetsi Masisi a tsena mo pusong. Ke leloko la Botswana Democratic Party.

Tshimologo ya botshelo le dithutego

Slumber Tsogwane o nale digarata mo go tsa Humanities tse a di tsereng ka ngwaga wa sekete,makgolo a robabongwe le masome a robabobedi le botlhano go tswa kwa University of Botswana. O nale digarata tsa masetase mo go dithutong tsa thabololo.

Tsa mmereko

Rre Tsogwane o tseneletse polotiki a tswa mo bodireleng setshaba ko a neng a le mo laphateng la tsa thuto e le mothusa mogokgo. Ka ngwaga wa sekete,makgolo a robabongwe le masome a robabongwe le bosupa o ne a ikwadisetsa maemo a bokwaledi mo Botswana Democratic Party mme ka go tlhoka lesego a se fenye. O ne a fenya dithopho kgatlhanong le rre Gabofele Masusu mo kgaolong ya Boteti a bo a fenya ditlhopho ka ngwaga wa sekete,makgolo a robabongwe le masome a robabongwe le borobabongwe.Tsogwane o ne a tlhophiwa mo kabineteng ka ngwaga wa dikete tse pedi le bobedi, ke Festus Mogae a nna Mothusa Tona ya Ditšhelete le Thulaganyo ya Tlhabololo ka fa tlase ga Baledzi Gaolathe. O ne a ntshiwa mo Kabineteng morago ga ditlhopho tsa ngwaga wa dikete tse pedi le bone, a tsenela backbench. Ka ngwaga wa dikete tse pedi le lesome le bone, morago ga go nna mo setheong sa Boteti Bophirima, o ne a tlhophiwa go nna Tona ya Puso ya Selegae le Tlhabololo ya Metsemagae ke Ian Khama. Tsogwane ke leloko la Botswana Democratic Party mme gape ke leloko la Palamente ya Boteti West Constituency. O kile a nna Tona ya Puso Selegae le Tlhabololo ya Metsemagae ya Botswana go tloga ka kgwedi ya Ngwanatsele,ngwaga wa dikete tse pedi le lesome le bone go fitlha ka kgwedi ya Mopitlwe ,ngwaga wa dikete tse pedi le lesome le borobabobedi. Tsogwane o ne a tsaya marapo ka kgwedi ya Moranang e tlhola gane,ngwaga wa dikete tse pedi le lesome le borobabobedi jaaka Mothusa Tautona wa Botswana a tlhatlhama Mokgweetsi Masisi. 7]

Ke moithuti wa sekolo se segolwane sa Mmadikolo sa Botswana. O ne a neela puo ya go bula kwa Kopanong ya Afrika ya ba ba ka fa tlase ga dingwaga di le masome a mararo ka ngwaga wa dikete tse pedi le masome a mabedi le bone.[1] 9]

Bona gape

• Mokgweetsi Masisi
• Ian Khama