Mokgweetsi Masisi

Go tswa ko Wikipedia
Jump to navigation Jump to search
Mokgweetsi Masisi
Illegal Wildlife Trade Conference London 2018 (45245990491) (cropped).jpg
5th Tautona wa Botswana
Assumed office
1 April 2018
Vice PresidentSlumber Tsogwane
Pele Ga GagweIan Khama
Modulasetilô wa Botswana Democratic Party
In office
1 April 2017 – 4 April 2018
Pele Ga GagweIan Khama
Morago Ga GagweSlumber Tsogwane
8th Vice President of Botswana
In office
12 November 2014 – 1 April 2018
PresidentIan Khama
Pele Ga GagwePonatshego Kedikilwe
Morago Ga GagweSlumber Tsogwane
Member of Parliament for
Moshupa / Manyana
In office
2009 – 1 April 2018
PresidentIan Khama
Pele Ga GagweMaitlhoko Mooka
Morago Ga GagweKarabo Gare
Ka Ga Ena
O tsetsweMokgweetsi Eric Keabetswe Masisi
(1961-07-21) 21 July 1961 (age 61)
Moshupa, Bechuanaland Tempolete:Country data United Kingdom (now Botswana)
Mosetshaba waMotswana
MokgatlhoBotswana Democratic Party
Mo/BakapeloNeo Masisi
BanaAtsile Masisi
BatsadiEdison Setlhomo K. Masisi (father, deceased)
Precious Masego Masisi (mother)
BonnoState House
Alma materFlorida State University
TiroTeacher[1]

Mokgweetsi Eric Keabetswe Masisi (o tshotswe ka di 21 Phukwi 1961) ke tautona wa botlhano wa lefatshe la Botswana go simolola ka di 1 Moranang 2018. O setse a kile a dira e le tona wa tsa thuto ka ngwaga wa 2014, mme a dira gape e le tona wa tsa bodiredi mo ofising ya ga tautona le tsa merafe go simolola ka ngwaga wa 2011 go fitlha ka ngwaga wa 2014. O ne a tlhophiwa lantlha go ya palamêntêng ka ngwaga wa 2009.

Botshelô[fetola | Fetola Motswedi]

Rre Mokgweetsi Masisi ke morwa wa ga Edson Masisi(1923-2003), yo o neng e le leloko la palamêntê kwa Moshupa. Rre Masisi o goletse mo torôpôkgôlô Gaborone, a tsena sekolo see see botlana kwa Thornhill Primary School mme a ya go tsweledisa see segolwane kwa Maru A Pula School. Kwa sekolong o ne a tsenelela dikgaisano tsa kgwele ya dinao le thênêsê, mme kwa bofelong a felela a kgatlhêgela tsa kgatô. Ka ngwaga wa 1984 o ne a akgolelwa kêtêlêlo pele ya gagwe ya tlhamô ya mo Gaborone ya Cry the Beloved Country, mme a galaletswa ke Alan Paton ka tiragatsô ya gagwe. Fa go tswêlêtswêle ka ngwaga wa 1980 o ne a nna moanêlwamogolo wa go dira le metshamekô, mme gape a nna karolô ya di filimi tsa South Africa B-Movies.

Tirô[fetola | Fetola Motswedi]

Ka ngwaga wa 1980 Rre Masisi o ne a nna morutabana wa dithuto tsa social studies dingwaga di le mmalwa morago fa a sena go aloga kwa Yunibesithi ya Botswana ka ngwaga wa 1984 mo go tsa Sekgowa le Ditsô. Mme a tswelela ka go ya go ruta kwa sekolong se se golwane sa Mmanaana ka ngwaga wa 1984 mo motsaneng wa Moshupa pele fa a simolola le Yunibesithi ya Botswana ka ngwaga wa 1987 e le moitseanape wa tsa kgolô ya dithutô tsa sekolo. Ka ngwaga wa 1989 o ne a ya kwa Florida State University go ithutela bonkge jwa digerata tsa Thutô, mme morago a thapiwa ke UNICEF mo Botswana.

Rre Masisi o ne a seka a bona tlhôphô ya Botswana Democratic Party (BDP) go emela kgaolô ya botlhophi mo Moshupa ka di ditlhopho tsa ngwaga wa 2004. Le fa go ntse jalo, o ne a tsaya tlhôphô ya BDP pele ga ditlhôphô tsa ngwaga wa 2009 mme a fenya setilô. Mme ka bofefo o ne a tlhôphiwa go nna mothusa tona wa tsa bodiredi kwa ofising ya ga tautona le bodiredi jwa tsa merafe ka Phalane 2009. Moragonyana ga ngwaga e le mothusa tona wa tsa bodiredi jwa ofisi ya ga tautona le tsa merafe ka Ferikgong 2011. Rre Masisi o ne a nna tona wa thutô le tlhabololô ya tsa boitseanape a tshwareletse ka Moranang 2014; o ne a tlhôphiwa gape mo setilông sa palamêntê ka Phalane 2014, mme a thapiwa go nna tona wa thutô le tlhabololô ya tsa boitseanape ka Phalane 28, 2014.

Rre Masisi o ne a thapiwa ke moetêlêdipele Ian Khama go nna mothusa tautona wa Botswana ka Ngwanaatsele 2014 fa a santse a tshwareletse e le tona wa tsa Thutô. Ka Moranang, 2018 o ne a ikanisiwa go nna tautona wa lefatshe la Botswana wa botlhano, yo mo bigompienong a direlang e le tautona wa lefatshe la Botswana.

Phitlhêlêlô[fetola | Fetola Motswedi]

Tautona wa pele Rre Khama o ne a thapa Rre Masisi go nna tonakgolo wa Yunibesithi ya Botswana ka Phukwi 2017. Tlhôphô e, e ne e ikaegile ka karolô ya bosupa ya molao motheo[2] wa Yunibesithi ya Botswana ya ngwaga wa 2008, e ne ele ya sebaka sa dingwaga tse tlhano[3].

Metswedi[fetola | Fetola Motswedi]

  1. "Republic of Botswana - Government portal". www.gov.bw. Retrieved 2017-10-10.
  2. http://www.gov.bw/globalassets/moe/acts/chapter-5701-university-of-botswana.pdf
  3. https://www.ub.bwnewsdet/nid/4290/Vice-President-Masisi-appointed-UB-Chancellor/