Ponatshego Kedikilwe

Ponatshego Kedikilwe
7th Vice President of Botswana
In office 31 July 2012 – 12 November 2014
President	Ian Khama
Pele Ga Gagwe	Mompati Merafhe
Morago Ga Gagwe	Mokgweetsi Masisi
Minister of Finance
In office 1998–1999
Pele Ga Gagwe	Festus Mogae
Morago Ga Gagwe	Baledzi Gaolathe
Minister of Minerals, Energy, and Water Resources of Botswana
In office January 2007 – ?
President	Festus Mogae, Ian Khama
Ka Ga Ena
O tsetswe	(1938-07-07) July 7, 1938 Bechuanaland Protectorate, now (Botswana)

Ponatshego Honorius Kefaeng Kedikilwe ke lepolotiki mo Botswana, o a kileng a nna mothusa tautona go tswa ka ngwaga wa 2012 go tsena ka wa 2014. O tshotswe ka kgwedi ya Phukwi e le malatsi a supa ka ngwaga wa 1938. Ke leloko la phathi e e neng e busang ya Botswana Democratic Party (BDP), o kile a bereka gape e le tona wa meepo, kgotleetso le metsi go tswa ka ngwaga wa 2007.

Tiro

Rre Kedikilwe o ne a tlhongwa jaaka Mothusa Motsamaisi yo o simolotseng Botswana Open University (BOU) e pele e neng e le Botswana College of Open and Distance Learning (BOCODOL) ka 2018. Gape e ne e le leloko la boto ya Sefalana Holdings, a ba kopanela ka 2014, moragonyana a nna modulasetilo wa boto. O rotse tiro mo maemong ao ka 2020.

Tiro ya sepolotiki

Kedikilwe o tsene dikolo tse di latelang; Kikuyu College of social studies, University of East Africa, Nairobi go tswa ka 1963 go tsena ka 1964, University of Rochester kwa New York go tswa ka 1964 go tsena 1965, University of Connecticut go tswa ka 1965 go tsena 1968, Maxwell School of Citizenship and Public Affairs le Syracuse University.

O ne a tlhophiwa e le lantlha ka ngwaga wa 1984 go nna mopalamente wa Mmadinare, a nna tona wa tsa madi go tswa ka 1998 go tsena ka 1999.

Kedikilwe o berekile e le modulasetilo wa BDP go fitlhelela ka ngwaga wa 2003. Tautona Ian Khama o ne a gaisa Kedikilwe fa a ne a tlhophiwa go nna modulasetilo wa Botswana Democratic Party kwa bokopanong jwa sepolotiki jo bo neng bo tshwerwe ka ngwaga a 2003, Phukwi a le masome a mabedi le bobedi. Khama o ne a bona ditalama di le makgolo a matlhano lesome le bobedi, fa Kedikilwe ene a ne a bona di le makgolo a mabedi lesome le borobabongwe. Khama o ne a engwe nokeng ke Tautona wa pele Festus Mogae, mme phenyo ya gagwe ya bo ele botlhokwa thata ka e ne e tlhagolela Khama tsela gore a tlhatlhame Mogae go nna tautona ya lefatshe.

Kedikilwe o ne a tlhomiwa go nna tona wa tsa meepo, kgotletso le metsi ka Firikgong ngwaga wa 2007.

Mothusa tautona Mompati Merafhe o ne a ithola marapo ka bogodi ka ngwaga wa 2012, Phukwi a le malatsi a le masome a mararo le motso. Tautona Ian Khama a tlhopha Kedikilwe go nna mothusa tautona ka Phatwe a tlhola gangwe ka ngwaga wa 2012, mme mapalamente a le masome a mararo le borobabobedi a dumalana le mogopolo o ka go tlhopha, fa ba le lesome le motso ba ne ba seka ba tlhopha. Kedikilwe o ne a tlhomiwa mo setilong ka lone letsatsi leo. Puso e ne ya tlhalosa fa Kedikilwe a tla tswelela a ntse a le tona ya meepo, kgotletso le metsi. Morago ga ditlhopho tsa 2014 tsa sechaba, Khama o ne a tlhopha Mokgweetsi Masisi go nna mothusa tautona ka kgwedi ya Ngwanatsele e le lesome le bobedi.

Diofisi tsa sepolotiki
Yo o fetileng pele Mompati Merafhe	Mothusa tautona wa Botswana 2012 - 2014	A tlhatlhamiwa ke Mokgweetsi Masisi

Rre Ponatshego Kedikilwe