Ponatshego Kedikilwe

Ponatshego Kedikilwe
7th Vice President of Botswana
In office 31 July 2012 – 12 November 2014
President	Ian Khama
Pele Ga Gagwe	Mompati Merafhe
Morago Ga Gagwe	Mokgweetsi Masisi
Minister of Finance
In office 1998–1999
Pele Ga Gagwe	Festus Mogae
Morago Ga Gagwe	Baledzi Gaolathe
Minister of Minerals, Energy, and Water Resources of Botswana
In office January 2007 – ?
President	Festus Mogae, Ian Khama
Ka Ga Ena
O tsetswe	(1938-07-07) July 7, 1938 Bechuanaland Protectorate, now (Botswana)

Ponatshego Honorius Kefaeng Kedikilwe ke lepolotiki mo Botswana, o a kileng a nna mothusa tautona go tswa ka ngwaga wa dikete tse pedi le lesome le bobedi (2012) go tsena ka ngwaga wa dikete tse pedi le lesome le bone (2014). O tshotswe ka kgwedi ya Phukwi e le malatsi a supa ka ngwaga wa sekete, makgolo a robabongwe le masome a mararo le borobabobedi (1938). Ke leloko la phathi e e neng e busang ya Botswana Democratic Party (BDP), o kile a bereka gape e le tona wa meepo, kgotleetso le metsi go tswa ka ngwaga wa dikete tse pedi le bosupa (2007).

Tiro

Rre Kedikilwe o ne a tlhongwa jaaka Mothusa Motsamaisi yo o simolotseng Botswana Open University (BOU) e pele e neng e le Botswana College of Open and Distance Learning (BOCODOL) ka ngwaga wa dikete tse pedi le lesome le borobabobedi (2018). Gape e ne e le leloko la boto ya Sefalana Holdings, a ba kopanela ka ngwaga wa dikete tse pedi le lesome le bone (2014), moragonyana a nna modulasetilo wa boto. O rotse tiro mo maemong ao ka ngwaga wa dikete tse pedi le masome a mabedi (2020).

Tiro ya sepolotiki

Kedikilwe o tsene dikolo tse di latelang; Kikuyu College of social studies, University of East Africa, Nairobi go tswa ka ngwaga wa sekete, makgolo a robabongwe le masome a marataro le boraro (1963) go tsena ka ngwaga wa sekete, makgolo a robabongwe le masome a marataro le bone (1964), University of Rochester kwa New York go tswa ka ngwaga wa sekete, makgolo a robabongwe le masome a marataro le bone (1964 )go tsena ngwaga wa sekete, makgolo a robabongwe le masome a marataro le botlhano (1965), University of Connecticut go tswa ka ngwaga wa sekete, makgolo a robabongwe le masome a marataro le botlhano (1965) go tsena ngwaga wa sekete, makgolo a robabongwe le masome a marataro le borobabobedi (1968), Maxwell School of Citizenship and Public Affairs le Syracuse University.

O ne a tlhophiwa e le lantlha ka ngwaga wa sekete, makgolo a robabongwe le masome a robabobedi le bone (1984) go nna mopalamente wa Mmadinare, a nna tona wa tsa madi go tswa ka ngwaga wa sekete , makgolo a robabongwe le masome a robabongwe le borobabobedi (1998) go tsena ka ngwaga wa sekete , makgolo a robabongwe le masome a robabongwe le borobabongwe (1999).

Kedikilwe o berekile e le modulasetilo wa BDP go fitlhelela ka ngwaga wa dikete tse pedi le boraro (2003). Tautona Ian Khama o ne a gaisa Kedikilwe fa a ne a tlhophiwa go nna modulasetilo wa Botswana Democratic Party kwa bokopanong jwa sepolotiki jo bo neng bo tshwerwe ka ngwaga wa dikete tse pedi le boraro (2003),ka kgwedi ya Phukwi a le masome a mabedi le bobedi. Khama o ne a bona ditalama di le makgolo a matlhano lesome le bobedi, fa Kedikilwe ene a ne a bona di le makgolo a mabedi lesome le borobabongwe. Khama o ne a engwe nokeng ke Tautona wa pele Festus Mogae, mme phenyo ya gagwe ya bo ele botlhokwa thata ka e ne e tlhagolela Khama tsela gore a tlhatlhame Mogae go nna tautona ya lefatshe.

Kedikilwe o ne a tlhomiwa go nna tona wa tsa meepo, kgotletso le metsi ka Ferikgong ngwaga wa dikete tse pedi le bosupa (2007).

Mothusa tautona Mompati Merafhe o ne a ithola marapo ka bogodi ka ngwaga wa dikete tse pedi le lesome le bobedi (2012), ka kgwedi ya Phukwi a le malatsi a le masome a mararo le motso. Tautona Ian Khama a tlhopha Kedikilwe go nna mothusa tautona ka Phatwe a tlhola gangwe ka ngwaga wa dikete tse pedi le lesome le bobedi (2012), mme mapalamente a le masome a mararo le borobabobedi a dumalana le mogopolo o ka go tlhopha, fa ba le lesome le motso ba ne ba seka ba tlhopha. Kedikilwe o ne a tlhomiwa mo setilong ka lone letsatsi leo. Puso e ne ya tlhalosa fa Kedikilwe a tla tswelela a ntse a le tona ya meepo, kgotletso le metsi. Morago ga ditlhopho tsa ngwaga wa dikete tse pedi le lesome le bone (2014) tsa sechaba, Khama o ne a tlhopha Mokgweetsi Masisi go nna mothusa tautona ka kgwedi ya Ngwanatsele e le lesome le bobedi.

Diofisi tsa sepolotiki
Yo o fetileng pele Mompati Merafhe	Mothusa tautona wa Botswana 2012 - 2014	A tlhatlhamiwa ke Mokgweetsi Masisi

Rre Ponatshego Kedikilwe