Tshepo Motlhabankwe
| Motshameki wa kgwele ya dinao | |||
|---|---|---|---|
| Leina ka botlalo | Tshepo Motlhabankwe | ||
| Letsatsi la tsalo | 17 March 1980 | ||
| Lefelo la tsalo | Digawana | ||
| Bolele | 1.75 m (5 ft 9 in) | ||
| Maemo | Right wing-back, right-back | ||
| Club information | |||
Current team | Township Rollers | ||
| Number | 8 | ||
| Tiro ya gagwe* | |||
| Dingwaga | Setlhopha | Metsh | (Dinno) |
| 2003–2005 | Extension Gunners | 58 | (4) |
| 2005–2006 | Lobtrans Gunners | 28 | (2) |
| 2006–2008 | Centre Chiefs | 72 | (9) |
| 2008–2012 | Maritzburg United | 135 | (19) |
| 2012–2013 | Heracles Almelo | 0 | (0) |
| 2013–2014 | BMC Lobatse | ||
| 2015– | Centre Chiefs | ||
| Setlhopha sa setshaba‡ | |||
| 2003–2013 | Botswana[1] | 75 | (2) |
|
*Metshameko ya gagwe le dinno, correct as of 29 August 2009 ‡ National team caps and goals, correct as of 2 February 2017 | |||
Tshepo Motlhabankwe (a tshotswe Mopitlo a le lesome le bosupa ka 1980) ke motshameki wa kgwele ya dinao wa pele wa Motswana yo o tshamekileng mo ditlhopheng tse di farologaneng tsa liki e e kwa godimo ya kgwele ya dinao mo Botswana tse di akaretsang Mochudi Center Chiefs le Township Rollers ga mmogo le ditlhopha tse di mo liking e kwa godimo ya kgwele ya dinao kwa Aforika Borwa.[2] Mme gape ke motshameki wa pele wa setlhopha sa setshaba sa Botswana, a nositse dinno tse pedi magareng ga motshameko wa gagwe wa ntlha ka 2003 le ka 2013 fa a tlogela go tshameka.
Tiro
[fetola | Fetola Motswedi]Motlhabankwe o tswa kwa motsaneng wa Digawana, dikhilomithara di se kae fela go tswa mo toropong ya Lobatse. Le fa ntswa ele mongwe wa ba go ipelwang ka bone mo mererong ya kgwele ya dinao mo Botswana, Motlhabankwe gaise a tshameke kgwele ya dinao gotswa bonnyenyaneng jwa gagwe, mme o ne a le mo go tsa mabelo gape a tshameka table tennis.[3] Mme ene ya re ka ngwaga wa 1997 a fetola lewa mme a tshameka bolo ya ko leroleng morago ga gore rraagwe a mo kope go nna motshameki wa setlhopha se sesha se a neng a se tlhamile sa DACARA FC. Morago ga go tshameka dingwaganyana ko leroleng, Motlhabankwe one a tshameka motshameko wa gagwe wa ntlha mo legeng ya ntlha (First Division) le setlhopha sa Kanye Southern Pirates.[4]
Ene e le mogo one motshameko o wa Southern Pirates moo a ileng a kgatlha leitlho la setlhopha sa bakaloba ba Botswana Premier league sa Extension Gunners, seo a tseneng mo tumalanong le sone ka ngwaga wa 2000 mme moragonyana a bilediwa kwa setlhopheng sa Botswana sa setshaba sa kgwele ya dinao. Motlhabankwe mo o tshamekile motshameko wa gagwe wa ntlha le setlhopha sa setshaba mo phenyong ya dinno tse nne kgatlhanong le ele nngwe ya Lesotho mme abo ele fa jaaka a iponetse madulo mo setlhopheng sa setshaba. Motlhabankwe o ile a tshwaragana le setlhopha se sengwe sa mo legeng ee kwa godimo sa Mochudi Centre Chiefs ka ngwaga wa 2007, koo a ileng a bona katlego morago ga go fenya bommampudi jwa liki makgetho a le mararo le sejana sa FA. O ile gape ya nna mongwe wa setlhopha se mokatisi Stanley Tshoswane a neng a se itlhophetse se se neng se tlwaelesegile ka leina la ‘Botswana Dream Team’ sa go iponela phatlha le go tshameka metshameko ya sejana sa Aforika sa 2012. O ile a kgaogana le setlhopha sa Chiefs ka ngwaga wa 2013 mme a tshamekela setlhopha sa Gilport Lions seo se neng se bidiwa BMC ka nako eo mme ba kgaosetsana dipapadisanyo ka ngwaga wa 2015.
Morago ga go fela ga tumalano ya gagwe le Gilport Lions, Motlhabankwe one a seka a ntshafatsa tumalano le setlhopha se mme a itlhophela go tshwaragana le setlhopha sa Township Rollers e le motshameki yo o ikemetseng mme a gapa bosimega jwa liki makgetho a le mane kago tlhomagana le sejana sa Mascom sa ditlhopha tse di ferangbobedi tse di itlhomileng kwa pele mo liking. E ne gape ya nna karolo ya setlhopha sa go dira ditso seo se neng sa iponela phatlha mo legatong la mantshano mo metshamekong ya kgwele ya dinao ya bommampudi jwa mafatshe a Aforika ka ngwaga wa 2018. E ne yare ko motsubong wa setlha sa lega ya 2018-2019, Motlhabankwe a supa go ithola marapo mo go tsa merero ya kgwele ya dinao jalo go tsweledisa ditiro tse dingwe tsa botshelo.[5][6]
Ditlotla/Dikgele
[fetola | Fetola Motswedi]Ditlhopha
Mochudi Center Chiefs
Township Rollers
Tlotla ale Nosi
Metswedi
[fetola | Fetola Motswedi]- ↑ Tshepo Motlhabankwe - International Appearances - RSSSF
- ↑ "Redirecting..." www.bdlive.co.za. Retrieved 17 Phalane 2025.
{{cite web}}: Empty citation (help): Cite uses generic title (help) - ↑ Talk of the town | TheVoiceBW". www.thevoicebw.com. Archived from the original on 27 April 2O24
- ↑ Motlhabankwe enjoys his second childhood as he epitomizes the Age is just a number idiom". 27 April 2024.
- ↑ Reference. "Famous Soccer Players from Botswana". Ranker. Retrieved 17 Phalane 2025.
- ↑ Admin (17 July 2020). "Motlhabankwe Mulls Complete Retirement from Football". The Botswana Gazette. Retrieved 17 Phalane 2025.
- ↑ https://www.mmegi.bw/index.phpaid=71458&dir=2017/september/05https://www.mmegi.bw/index.phpaid=71458&dir=2017/september/05
Magokaganyi aa kwa Ntle
[fetola | Fetola Motswedi]- Tshepo Motlhabankwe at National -Football -Teams.com