Zindzi Mandela

Her Excellency Zindzi Mandela-Hlongwane
Ambassador to the Kingdom of Denmark from South Africa
In office 2015 – 13 July 2020
President	Jacob Zuma Cyril Ramaphosa
Morago Ga Gagwe	Graça Machel (step-mother)
Stand-in First Lady of South Africa
In office 1996–1998 Serving with Zenani Mandela-Dlamini (sister)
President	Nelson Mandela (father)
Ka Ga Ena
O tsetswe	Zindziswa Nobutho Mandela (1960-12-23)23 Sedimonthole 1960 Soweto, Union of South Africa
O Tlhokafetse	13 Phukwi 2020(2020-07-13) (aged 59) Johannesburg, South Africa
Polokelo	Fourways Memorial Park Cemetery
Mosetshaba wa	South African
Mo/Bakapelo	Zwelibanzi Hlongwane ​ ​ (divorced)​ Molapo Motlhajwa ​ (m. 2013)​
Bana	4, including Zoleka
Batsadi	Nelson Mandela Winnie Madikizela-Mandela
Ba lolapa	Zenani Mandela-Dlamini (sister) Thembekile Mandela (half-brother) Makgatho Mandela (half-brother) Makaziwe Mandela (half-sister)
Alma mater	University of Cape Town

Zindziswa "Zinzi" Mandela o tshotswe ka ngwaga wa 1960, Sedimonthole a le malatsi a le masome mabedi le boraro, a tlhokafala ka ngwaga wa 2020, Phukwi a le malatsi a le lesome le boraro. O ne a itsege gape ka leina la Zindzi Mandela-Hlongwane. E ne e le moemedi wa mafatshe wa mo Aforika Borwa gape ele mmoki, e le ngwana wa balwela ditshwanelo le mapolotiki a kwa Aforika Borwa; Winnie Madikizela-Mandela le Nelson Mandela. Zindzi e ne e le ene ngwana o monnye ebile e le mosetsana wa boraro mo baneng ba ga Nelson Mandela, ba akaretsa mogolowe Zenani Mandela.

O berekile e le moemedi wa Aforika Borwa kwa lefatsheng la Denmark go fitlhelela a tlhokafala ka ngwaga wa 2020, o ne a lebanwe ke go ya go nna moemedi kwa Liberia. O berekile gape a tshwareletse maemo a mme o o kwa godimo ka ngwaga wa 1996 go tsena 1998.

Kgobokanyo ya maboko a gagwe e e bidiwang Black As I Am, e gatisitswe ka ngwaga wa 1978, dinepe di tserwe ke Peter Magubane.

Botshelo jwa gagwe a sale monnye

Zinzi Mandela le Zenani Mandela

Zindzi Mandela o tshotswe ka ngwaga wa 1960, Sedimonthole a le malatsi a le masome a mabedi le boraro kwa Soweto, ke Nelson le Winnie Mandela. Ngwaga ya matsalo a gagwe ke ngwaga e phathi ya sepolotiki ya African National Congress (ANC) e neng e simolola sesole. Batsadi ba gagwe ba ne ba batliwa ke puso. Zindzi o ne a le dikgwedi di le lesome le boferabobedi fa rragwe a romelwa kwa kgolegelong. Mo bosheng jwa gagwe, o ne a tlogelwa mo tlhokomelong ya ga mogolowe Zenani Mandela, fa mmagwe a ne a le mo kgolegelong dikgwedi.

Tsa tiro

Ka ngwaga wa 1977, fa mmaagwe a ne a kobelwa kwa Orange River State, Zindzi o ne a ya go nna le ene koo. Zindzi o ne a seka a kgona go fetsa sekolo go fitlhelela a romelwa kwa Swaziland kwa janong go bidiwang Eswatini. Moragonyana mmagwe o ne a letlelelwa go boela kwa Soweto. Rragwe Zindzi o ne a gololwa ka ngwaga wa 1985 ke tautona wa nako eo P.W Botha. Phetolo ya ga rragwe e ne ya seka yya kgona go isiwa ke ope wa batsadi ba gagwe, ka jalo Zindzi o ne a tlhophiwa go bala phetolo ya gagwe, e a neng a gana, kwa bokopanong jwa ngwaga wa 1985, Tlhakole a le malatsi a le lesome.

Maboko a gagwe a gatisitswe ka ngwaga wa 1978 mo bukeng ya Black As I Am, e na le dinepe tse di tserweng ke Peter Magubane, a tlhageletse gape mo dikgatisong di akaretsa Somehow We Survive: An anthology of South African Writing, e e tlhabolotsweng ke Sterling Plumpp ka ngwaga wa 1982, le mo Daughters of Africa: International Anthology of Words and writings by Women of African Descent e e tlhabolotsweng ke Margaret Busby ka ngwaga wa 1992. Zindzi o ithutetso molao kwa University of Cape Town, kwa a alogileng ka BA ka ngwaga wa 1985.

O kile a emela mosadi wa ntlha o o botlhokwa mo Aforika Borwa go tswa ka ngwaga wa 1996 go tsena 1998, ka dinako tsa batsadi ba gagwe ba tlhalana, rragwe a nyala mosadi o mongwe Graca Machel.

Kemedi kwa mafatsheng a mangwe

Zindzi o ne a tlhomiwa moemedi wa lefatshe la Aforika Borwa kwa Denmark ka ngwaga wa 2015. O gorogile lantlha kwa Denmark ka Seetebosigo ngwaga wa 2015. Ka Seetebosigo 2019, fa a ntse a le moemedi kwa Denmark, akhaonte ya ga Mandela ya Twitter e ne ya romela metseletsele ya di "tweet" tse di neng di dirisa mafoko a a bogale. Mandela-Hlongwane mo kgweding e e fetileng o ne a supile lorato lwa gagwe le tlotlo mo go moeteledipele wa Economic Freedom Fighters (EFF) Julius Malema.

Botshelo jwa gagwe le loso

Zindi o nyetswe gabedi, o ne a na le bana ba le bane le monna wa gagwe wa ntlha: morweetsana Zoleka o o tshotsweng ka ngwaga wa 1980 a tlhokafala ka ngwaga wa 2023, le basimane Zondwa wa 1985, Bambatha wa 1989 le Zwelabo wa 1992. Monna wa gagwe wa ntlha e ne e le Zwelibanzi Hlongwane. O ne a nyala monna wa gagwe wa bobedi ebong Molapo Motlhajwa, o neng e le leloko la South African National Defence Force ka Mopitlo ngwaga wa 2013.

Mandela-Hlongwane go bolelwa fa a ne a dumalane go rulaganya motshameko wa mabole gareng ga Floyd Mayweather le Manny Pacquiao ka matsalo a ga rragwe ka ngwaga wa 2011. Motshameko o ne wa seka wa diragala, mme morotloetsi Duane Moody o ne a pega kgetsi e a neng a atlega mo go yone, kwa kgotlatshekelong ya US gore Zindzi a mo duele di milione tsa di dolara di le nne le bosupa. Go ne go solofetswe gore Mandela- Hlongwane o tla a tsenya kopo ya ikuelo.

Zindzi o tlhokafetse ka ngwaga wa 2020, Phukwi a le lesome le boraro a le dingwaga di le masome a matlhano le boferabongwe kwa sepateleng kwa Johannesburg. Go ne ga bolelwa gore o ne a tshwerwe ka bolwetsi jwa COVID-19 ka phitlho ya gagwe. O ne a fitlhiwa go bapa le mmagwe, Winnie Madikizela-Mandela kwa Fourways Memorial Park ka Phukwi a le lesome le bosupa, letsatsi pele ga matsalo a ga rragwe, Nelson Mandela a bo lekgolo le bobedi.