Botlhatlogo

From Wikipedia
Jump to navigation Jump to search
Botlhatlogo is located in Botswana
Location of Botlhatlogo

Botlhatlogo ke motsana yo mo kgaolong ya bokone bophirima jwa Botswana. O kwa borwa, gobapa le makgobokgobo a Okavango le Ngami, gape o na le sekolo se se botlana. Mo palo bathong ya ngwaga wa 2001 dipalo di ne dile makgolo a mane le masome a marataro le bosupa.[1]

[baakanya | edit source]

Baagi ba Botlhatlogo le Toteng ba supile lekgotla la kabo ditsha la Tawana ka monwana ba re le aba dipolasi mo lefatsheng la morafe kwa ntle gago rerisanya nabo.Ba ikuetse mo mopalamenteng wa bone, Rre Taolo Habano gore metse ya bone e dikilogilwe ke dipolasi tse disha tse di tsere mafudiso a morafe. Mongwe wa baagi ba Botlhatlogo, Rre Gositwang Phiritswana o tlhalositse fa ba sa tlhole ba kgona go rua sentle ka mafudiso a bone a tserwe ke bo radipolase le mororo bane ba itse fa lefatshe ele la morafe otlhe."Ke kopa lo sekaseke dipolase tse, fa dikgomo tsa rona di tsene mo teng re tshaba go a go di tsaa ka ke polasi ya mong,ga bua Rre Phiritswana".

Rre Amerika Sebetwane wa Toteng ene a kopile mopalamente wa kgaolo go ba kopela tona yo o lebaganeng go tla go ba tlhalosetsa gore tota gatwe ba tshele jang.Rre Sebetwane o tlhalositse fa go ka bo go le molemo fa dipolase tseo di kabo di kgaogangwa mme tsa abelwa merafe ya metse eo ka go tserwe mafudiso a bone.Mongwe wa bagodi ba motse wa Botlhatlogo, Rre Jospeph Melere a re ene o gakgamadiwa ke gore ere ntswa metse ya bone e dikilogilwe ke dipolase tsa Haina Veld le moepo o mosha wa kopore, lekgotla la kabo ditsha le santse le aba sekidi se se setseng sa lefatshe.Mme fa bana ba Botlhatlogo bare ba kopa lefatshe ba tewa gotwe ga leyo, ga bua Rre Melere.A re o swabisiwa ke fa lephata la kabo ditsha la Tawana le berekisanyang le bone ka teng ka le palelwa ke go rerisanya nabo fa le tsaya ditswetso.Bangwe baagi ba metse eo, ba ile ba supa batlhokomedi ba lefatshe ka monwana bare ba lekunutu le lekgotla la kabo ditsha le bo radipolasi bao, mme ba re ba belaela fa go katswa go dirisiwa maretshwa mangwe go amoga morafe lefatshe.Fa a tswa la gagwe, mopalamente Rre Habano o kaile fa mathata a batho ba metse eo a bakwa ke gore gaba tsee tsia dikomiti tsa metse ya bone tsa ditlhabololo. O kaile fa morafe o rwele maikarabelo a go bona gore lefatshe le abiwa jang ka ba na le boemedi jo eleng maloko le batlhokomedi ba lefatshe ba ba berekisanyang le lephata la kabo ditsha babo ba supe fa ele ruri lefatshe le ka abiwa.Rre Habano o ile a gatelela mafoko a gagwe ka gore, baemedi ba lefatshe ke bana ba lona, ba tlhotshwa ke lona.Mopalamente Rre Habano one a le mo loetong la go buisanya le batlhophi ba kgaolo ya gagwe ya Ngami ka tsa palamente ee fetileng le go tsaya megolopo

Dikgoge tsa kwa ntle[baakanya | edit source]

Botswana/Batlhatlogo


Dipadi tse dingwe.[baakanya | edit source]

  1. "Distribution of population by sex by villages and their associated localities: 2001 population and housing census". Archived from the original on 2007-11-24. http://web.archive.org/web/20071124145529/http://www.cso.gov.bw/html/census/dist70_71_72_73.html. Retrieved 2007-12-09. 

Coordinates: 20°35′42″S 22°42′12″E / 20.59500°S 22.70333°E / -20.59500; 22.70333