Jump to content

Busi Mhlongo

Go tswa ko Wikipedia
Busi Mhlongo
Leina la MatsaloBusisiwe Victoria Mhlongo
Tsalo(1947-10-28)28 Diphalane 1947
Inanda, South Africa
Leso15 Seetebosigo 2010(2010-06-15) (aged 62)
Durban, South Africa
MefotaMbaqanga, soul, smooth jazz, soft rock
DitiroSinger-songwriter, record producer
Dingwaga tsa a le mo boopeding1960–2010
LabelsHouse of Memory, MELT2000, Stern Music, Sheer Sound, Chissa Records

Victoria Busisiwe Mhlongo ( 28 Phalane 1947 - 15 Seetebosigo 2010 ) o o neng a itsege ka leina la Busi Mhlongo e ne e le seopedi, sebini, le motlhami o a belegweng ko Inanda, kwa Natala, mo Afrika Borwa.

Bophelo jwa Busi[fetola | Fetola Motswedi]

Busi o ne a tshwantshanya mefuta ya mmino e mentsi jaaka mbaqanga, maskandi, marabi, le mmino wa setso wa seZulu; a di tlhakanya le mmino wa segompieno jaaka jêzê, funk, punk le mminô wa rôkô, difela, rap, opera, mminô o o tlhôlêgang kwa Intia Bophirima wa moribô o o boteng, le mmino wa gotswa bokoneng jwa Afrika; a dira mmino o mo ntšha o o itumedisang. mmino wa gagwe o ne wa kgatlha lefatshe ka bophara, mme o ne o tshwere molaetsa oo maatla. O ne a simolla go dirisa Vickie jaaka leina la gagwe ka di 1960's pele a le fetolela go Busi Mhlongo. Busi o ne a le ngaka ya setso e tlhomamisitsweng, mme seo se ne se nale karolo mo mminong wa gagwe. Ka di 1970's, Busi o ne a fudugela kwa London, a dira mmino le baopedi ba bangwe ba ba kobilweng mo Afrika Borwa.jaaka Dudu Phukwana le Julia Bahula. Ka di 1980's, o ne a setse a opetse lefatshe ka bophara le baopedi ba bangwe jaaka Salif Keita. Mo tshimollogong ya di 1990, Busi o ne a simolla go ntsha mmino wa gagwe a le mong, rekorto ya gagwe ya ntlha a e taya Barbentu ka 1993, mme ka 1998 ntsha rekorto ya bobedi e teilweng Urban Zulu . Urban Zulu e ne ya ratiwa mo mafelong a farologaneng mo lefatsheng ka bophara, ebile e feditse dikgwedi mo mmepe wa Billboard wa mmino. O tswelletse pele a ntsha di rekorto tse dintsi jaaka Freedom (2003) le Amakholwa pele ga loso la gagwe ka Seetebosigo 2010 ka ntlha ya kankere ya matswele.

Ditiro le mmino wa gagwe[fetola | Fetola Motswedi]

Busi o simollotse go bina le di khwaere le mekgatlho e farologaneng a santse a tsena sekolo. Mmino wa gawe wa utlwa ke mongwe yo o batlang dikitso o a dirang ko Galo Music, mme a fudugela kwa Gauteng, mme koo a ntsha pina e e bidiwang My Boy Lollipop ka 1963. Busi o ne a dira a le nosi, le mekgatlho e e farologaneng ya mmino wa jêzê, le metshameko ya mmino. Busi o dirile le diopedi tse di farologaneng jaaka Hugh Masekela, Dr Phillip Tabane, Mabe Thobejane, le ba bangwe. Ka ngwaga wa 2000, Busi o ne a neiwa ditlotla tse tharo ko FNB South African Music Awards tsa seopedi sa basadi se se gaisang, mmino wa segompieno o o gaisang le rekorto ya pop e gaisang.[1]

Metswedi[fetola | Fetola Motswedi]

  1. "Busisiwe Very Mhlongo".