Choppies

 

Choppies Enterprises Limited ke morekisi wa marekisetso a magolo a Botswana yo o nang le ntlokgolo kwa Gaborone, Botswana . Morekisi o kwa tshimologong o ne a rekisa fela dithoto tse di itebagantseng le dijo (tse di botshelo bokhutshwane le tse di botshelo boleele) le dithoto tse dingwe tsa baji-bareki tse di rekwang ka bonako. Ka ngwaga wa 2024, Choppies e ne e na le marekisetso a le lekgolo, masome a marataro le bongwe mo mafatsheng a le mane.

Choppies e ne ya nna le setlamo se se kwadisitsweng mo Lenaneong la Dithoto la Botswana ka kgwedi ya Herikgong e tlhola masome a mabedi le borataro, ka ngwaga wa 2012, mme ke karolo ya Seabe ya Dikomponi tsa Selegae ya BSE e e nang le tlhwatlhwa e e ka nnang dibilione di le dikete tse pedi le makgolo a mane tsa dipula go tloga ka Sedimonthole a tlhola masome a mabedi, ka ngwaga wa 2012.

Ditso

Choppies e simolodisitswe ka ngwaga wa 1986 ka marekisetso motso o le mongwe, Wayside Supermarket (Proprietary) Limited, kwa Lobatse ke ba lelwapa la ga Chopdat. Marekisetso a bobedi a ne a bulwa ka ngwaga wa 1993.

Ka ngwaga wa1999, komponi eno e ne e na le marekisetso a le mabedi fela. Fa e sale ka nako eo, e ne ya gola go nna moanelwa mogolo mo lekalaneng la dithoto tsa baji le bareki tse di rekwang ka bonako (FMCG) mo Botswana. Setlhopha sa botsamaisi se akaretsa maloko a a simolotseng Rre Farouk Ismail, Mothusa modulasetulo wa ka nako eno, le Rre Ramachandaran Ottapathu, moeteledipele wa nako ya gompieno. Bobedi jo ke batsholadiabe ba bagolo, mongwe le mongwe wa bone o tshwere masome a mararo le metso e mene mo lekgolong (34.2%) ya diabe tsa komponi. Ka ngwaga wa 2003, setlhopha seno se ne sa kopanya ditiro tsa sone ka fa tlase ga sebopego se le sengwe, ka gonne pele se ne se dira ka fa tlase ga maina a a farologaneng a a ka hirisiwang.

Ka ntlha ya kgolo ya yona e e kwa godimo fa e sale ka ngwaga wa 1999, go ne go na le lethoko le le golang la gore Choppies e kwadisiwe mo phapadisanyong ya setšhaba ya diabe. Setlhopha sa botsamaisi se ne sa dumalana, mme komponi e ne ya kwadisiwa mo lenaneong la Botswana Stock Exchange ka Herikgong a le masome a mabedi le borataro ka ngwaga wa 2012. Grant Thornton o ne a tlhomiwa go okamela tsamaiso ya thekiso ya ntlha ya diabe phatlalatsa, e e neng ya bona diabe di le dibilione di le sekete le makgolo a mabedi tse di neng di kwadisitswe ka BWP 1.15 seabe sengwe le sengwe, mme masome a mabedi le botlhano mo lekgolong a ne e neetswe phatlalatsa. IPO e ne e le kgolo go gaisa mo ditsong tsa phapadisanyo, e kokoanya dimilione di le makgolo a mararo le masome a matlhano a dipula ka IPO le go bewa go ikemela ka nosi, mme e ne ya kwadisiwa go feta selekanyo ka go fitlha go makgolo a mane mo lekgolong.

Ka ngwaga 2008, Choppies e ne ya bula marekisetso a yone a ntlha kwa Zeerust, Aforika Borwa, e le se se neng se tshwaya go atologela ga yone kwa kgaolong ya Bokone Bophirima. Madirelo a go phatlalatsa dithoto a ile a thongwa ko Aforika Borwa ko Rustenburg ka kgwedi ya Lwetse ka ngwaga wa 2012 go direla marekisetso a Aforika Borwa. Ka ngwaga wa 2014, setlhopha se ne sa tlhoma lefelo la sone la ntlha la go anamisa dithoto kwa Zimbabwe. Komponi e weditse go kwadisiwa ga yone ga bobedi mo Phapadisanong ya Diabe ya Johannesburg ka kgwedi ya Motsheganong e tlhola masome a mabedi le metso e supa ka ngwaga wa 2015. Kwa bokhutlong jwa ngwaga wa 2015 ditiro tsa Zambia di ne tsa simolola mme mo tshimologong ya ngwaga 2016 go ne ga bonwa go rekwa ga setlhopha sa Jwayelani kwa Durban, Aforika Borwa. Go rekwa ga setlhopha sa Ulkwala ke Kenya le gone go ne ga dirwa mo tshimologong ya ngwaga wa 2016. Jaaka karolo ya thulaganyo ya kgolo ya paka e telele setlhopha seno se ne sa bula marekisetso a sone la ntlha kwa Tanzania le kwa Mozambique ka ngwaga wa 2017.

Ka ngwaga wa 2020, Choppies e ne ya tswala marekisetso a yone kwa Aforika Borwa, Mozambique, Kenya le Tanzania.

Ka ngwaga wa 2024, Choppies e ne e na le marekisetso a le lekgolo, masome a marataro le bongwe mo mafatsheng a le mane.

Ditiro

Phatalatso le tlamelo

Mafelo a phatalatso dithoto a Choppies a dira jaaka motswedi o o botlhokwa wa marekisetso a Choppies. Dithoto tse di kwa godimo tse di makgolo a mabedi tsa komponi eno di isiwa ka bontsi kwa mafelong a go anamisiwang mo go one mme morago ga moo di bo di anamisiwa go tswa foo go ya kwa marekisetsong. Dithoto tse dingwe di tswa mo madirelong go yamarekisetsong. Choppies e tsamaisa mafelo a mabedi a go anamisa dithoto mo Botswana; e nngwe kwa Commerce Park kwa Gaborone, mme e nngwe e le kwa Lobatse. Setsha se se sesha sa 10 000m ²

Welldone (E e nang le Mong) Limited, e leng komponi e e nang le Setlhopha sa Choppies ka botlalo, ke komponi ya dithulaganyo e e tshegetsang ditiro tsa letsatsi le letsatsi tsa mabenkele.

Kgalo

Choppies e okile go kgalwa ke setshaba mo nakong e e fetileng ka ntlha ya pharologanyo ya dituelo. Babereki ba tshwana le ba ba duedisang le ba ba phuthelang ba ne ba bolela fa ba amogela madi a a kwa tlase ga dipula tse di makgolo a ferabongwe ka kgwedi, fa baeteledipele jaaka moeteledipele le Mothusa Modulasetilo bane ba amogela madi a a fetang di milone di le masome mararo a di pula ka ngwaga. Seno se gogile tshakgalo ka gonne komponi eno e na le dipoelo tse dintsi thata mo ditsong mme ga e duele badiri ba ba nang le bokgoni jo bo kwa tlase ka selekanyo se ba tsayang se siametse maiteko a bone.

Bona gape

• Sefalana
• Dijo tsa Sekwere
• Kgwebo ya lebenkele (morekisi)
• Ditšheke (ketane ya mabenkele a magolo)
• Lenaane la diketane tsa marekisetso a magolo mo Botswana

• Webosaete ya Semmuso
• Tshedimosetso ya Mmaraka wa Bloomberg