Malome Vector

Bokang Moleli yo o tumileng ka tsa mmino le go tuma ka leina la Vector Malome , o bonwe ka ngwaga wa 04 Phukwe 1992 kwa Lesotho kwa Maseru, mme a golela kwa Maseru, Roma le Manonyane. o simolotse kopelo ya gagwe ka dingwaga di le 14 ka ngwaga wa 2004, jaaka motsaya karolo mo ditlhopheng tsa sekolo tsa mmino mo dikgaisanong tsa go tlhagisa bokgoni le neo.Malome Vector e ne e le seopedi se se itsagaleng thata e bile a dira tiro ya bo opedi ka botswapelo le bonatla mo e leng gore o feleditse a dirile seabe se se bonalang ka mmino wa gage mo nageng ya Aforika Borwa.

O simolotse go atolosa bokgoni jwa gage jwa kopelo ka ngwaga wa 2020 fa a ne a fudugela mo Aforika Borwa, go ikopanya le go dira tshaeno, kgotsa ditumalano le ba Ambitiouz Entertainment. Malome Vector o simolotse go tlhagisa pina ya pele mo Aforika Borwa ka 8 Motsheganong 2020, mmogo le duo Blaq Diamond le Dj Miss Pru. O amogetse mpho kgaisano ka 2021 kwa All Music wards. Mme Malome Vector a tswelela go dira tiro ya gagwe ya bo opedi mo Aforika Borwa, e bile o fentse thata dikabelo tsa dikgaisano tsa mmino. O dirile tiro e tswileng diatla thata mo Aforika Borwa jaaka re ne fitlhela batho ba le bantsi ba rata mmino wa gage. Malome Vector o tlotse botshelo bono morago ga go tsenang mo kotsing ya sejanaga ka 24 Phatwe 2024 fa a ne a le mo leetong goya kwa Lesotho.