Motse wa Mabesekwa

From Wikipedia
Jump to: navigation, search

Template:Orphan

Motse wa Mabesekwa is located in Botswana
Location of Mabesekwa

Mabesekwa ke motse o o mo kgaolong ya legare mo Botswana. Motse wa Mabesekwa o sekgele sa dikhilomitara tse masome a marataro go tsweng bophirima jwa toropo ya Francistown, e bile o na le sekolo se se potlana. Mo palo batho ya ngwaga wa 2001 dipalo tsa motse wa Mabesekwe di ne dile makgolo a borobabobedi masome a borobabobedi le borataro.[1]

Ba dikitsiso le kgaso ba intsha maswe naleng ka go abela monni wa Mabesekwa[baakanya | edit source]

E rile Tshipi ba maphata a kgaso le dikitsiso ba kgaolo ya Francistown ba abela lolwapa longwe kwa Mabesekwa dijo, dikobo le diaparo. Dilwana tseo, tse di akaretsang dijo tsa madi a a fetang P1 400, materase a le mabedi, dikobo tse pedi le diaparo, di lopile madi a a fetang P5 000. Fa a rolela boora-Oabile dimpho tseo, mogolwane wa lephata la kgaso, Rre Phenyo Butale o ne a tlhalosa fa dithoto tseo di rekilwe ka madi a a neng a kolekwa ke badiri fa e sale ngwaga o simologa.

A re badiri ba ne ba dumalana go oketsa madi ao gape morago ga go bona letlhoko la lolwapa loo, a tlatsa ka gore thuto e ba lekang go e tsenya mo Batswaneng ke ya gore motho mongwe le mongwe fa a leng teng, go sa kgathalesege gore o itsholetse go le kae o ka thusa mong ka ene ka Setswana se re bana ba motho ba kgaogana tlhogwana ya ntsi. O rotloeditse banni ba Mabesekwa go thusana go lwantsha lehuma, a re fa ba tshwaragane ba ka tswa ka maano a go itshetsa mme ba inoge mo lehumeng. Fa a tswa la gagwe, Rre Oabile Phaphela o ne a lebogela Modimo go bo a rometse badirela puso go mo tla matshidiso, a re dimpho tseo di tlaa ba thusa thata ka ba itlhoka.

Dibui tse dingwe, ebong molemisi wa Mabesekwa, Mme Gaontebale Class le mothusa modulasetilo wa komiti ya ditlhabololo, Rre Gibson Basiami ba ne ba akgola maiteko a maphata a kgaso le dikitsiso ba re e le ruri go sego letsogo le le abang go na le le le amogelang. Lolwapa loora Oabile lo na le mosadimogolo le monnamogolo ba ba setseng ka bana ba bana ba supa ba masiela ba ba sa kgoneng go amogela dithuso tsa puso ka go bolelwa ba se na ditlankana tsa matsalo le fa e le tsa loso tsa batsadi ba bone.

Dikgoge tsa kwa ntle[baakanya | edit source]

Botswana

Dipadi tse dingwe[baakanya | edit source]

  1. "Distribution of population by sex by villages and their associated localities: 2001 population and housing census". Archived from the original on 2007-11-24. http://web.archive.org/web/20071124145416/http://www.cso.gov.bw/html/census/dist54.html. Retrieved 2008-01-06. 

Coordinates: 21°18′31″S 26°52′39″E / 21.30861°S 26.87750°E / -21.30861; 26.87750