Motse wa Tsetseng

From Wikipedia
Jump to navigation Jump to search
Tsetseng
Tsetseng is located in Botswana
Tsetseng
Location in Botswana
Coordinates: 23°31′25″S 23°2′31″E / 23.52361°S 23.04194°E / -23.52361; 23.04194
Country Flag of Botswana.svg Botswana
District Kweneng District
Population (2001)
 • Total 395

Tsetseng ke motse yo mo kgaolong ya Kweneng e e mo Botswana. Motse o, o mo Sekakeng sa Kalahari, gotsweng sekgale sa dikhilomethara tse masome mane gotsweng bokone botlhaba jwa motse wa Kang. Mo palong bathong ya ngwaga wa 2001 dipalo di ne dile makgolo a mararo le masome a borobabongwe le botlhano.

Motse o tlhaelelwa ke ditlamelo[baakanya | edit source]

Modulasetilo wa komiti ya ditlhabololo kwa Tsetseng, Mme Direemeng Kgolo, a re motse wa bone o beilwe ka fa mosing mo o ka reng one ga o amiwe ke Tebelopele ya 2016.O ne a ikuela mo mopalamenteng wa kgaolo ya Letlhakeng Bophirima, Rre Filbert Nagafela, fa a ba etetse bosheng.Mme Kgolo a re kgaolo ya bone e e leng ya bofelo mo Kweneng, e tlhaelelwa ke didirisiwa tse dintsi. A re ga go na megala ya ditlhaeletsanyo, a tlatsa ka gore seo se ba paledisa go tshwaragana le Batswana ka bophara.O ne a bo a ikuela gore mopalamente a ba thuse gore megala ya Mascom le Orange e kgone go tshwara ka go nne ga go na sepe gotlhelele se se ba gokaganyang le ba masika le ditsala ntlheng e nngwe ya lefatshe leno.A re lenyora le ba apesitse kobo ka letshoba mo motseng wa bone, a re ga go sepe fela se se lolameng. A re metsi mo motseng ga a ise a ke a nne teng ke ka moo a reng ga a bone fa ba amiwa ke Tebelopele ya 2016 ka ba saletse kwa morago mo go sengwe le sengwe, a tlatsa ka gore ntleng ga metsi ga go na botsogo jo bo itekanetseng.

A re selelo se sengwe ke motlakase ka o seyo mo motseng, a re ka jalo ba tlolwa ke ditlamelo. E rile a araba selelo sa motse, Rre Nagafela a re o tlaa ikopanya le ba ba maleba go tsibogela motse ka tse di tshwanetseng gore le bone ba akole didirisiwa tse di farologanyeng.Mme Kgolo a re go le gantsi puso e ba solofetsa dilo dingwe mme e nne moriti o tsididi go diragatsa ditsholofetso tsa yone.O bile a ngongorega ka mananeo mangwe a puso a a tsenngwang mo namola leuba a re puso e tshwanetse e nne boammaaruri.O ne a ikuela gape ka tsela ya Letlhakeng/Tsetseng, a re ga e a siamela matshelo a bone.A re ba eletsa fa le bone ba ka nna le tsela e e botoka e e ka ba thusang go goroga kwa mafelong a tshwana le Letlhakeng kwa ba bonang ditsompelo teng.Kgosi ya Tsetseng, Rre Matausu Gaothuse, a re ba farafarilwe ke borukutlhi mme ka jalo o kopela motse lepodisi la maemo a magolwane go ba thusa.Rre Nagafela a re go maleba gore motse o fiwe kgotsa o nne le ditlamelo tse di tshwanetseng.

Dikgoge tsa kwa ntle[baakanya | edit source]

Botswana

Dipadi tse dingwe.[baakanya | edit source]


Template:Kweneng District Coordinates: 23°31′25″S 23°2′31″E / 23.52361°S 23.04194°E / -23.52361; 23.04194