Noka ya Boteti
Noka ya Boteti e e etsegeng gape ka (Botlele [1][2] kgotsa Botleli)[3] ke motswedi wa metsi a tlholego mo Botswana. Noka ena e tsaya metsi a yone mo metsweding e e elang go tswa Letamong la Okavango a feta ka noka ya Thamalakane mo Maun.
Thutometsi
[fetola | Fetola Motswedi]E ne e ela ngwaga otlhe o pele ga le gare la dingwaga tsa 1990s,[1] mme go ela gone ga fokotsega le dipaka. Ka paka tsa dipula noka ya Boteti e kgwela metsi a yone mo Makgadikgadi Pan,[1] e tsisa botshelo mo lefelong leo le temo ga mmogo le dipoele mo temong.[4] Ka nako tsa komelelo noka ya Boteti e botlhokwa fela thata ka e nna lefelo la Bokopano jwa diphologolo tsa naga, ka gore matamo a mantsi a bo a sena metsi a mantsi.[5]
Noka ya Boteti e tshela metsi a yone go tswa borwa botlhaba[6] mo nokeng ya Thamalakane kwa Toteng, e bo e ela ntlheng tsa Bokone a feta ka Tlkaseoulo, e feta gape ka Ghautsa Fall, e bo a elela ntlheng ya botlhabatsatsi go feta motse wa Makalamabedi[7], Muekekle le Matima, go tswa foo kwa Kwaraga e bo e leba Borwa e feta motse wa Phukumakaku, Sukwane, Rakops (Jacops) le Xhumo (Khomo).[2] E bo e elela e feta Tamo ya Xau (kana ka ngwaga wa pula e tsene ebo e fete ka letamo la Xau) e bo e leba botlhabatsatsi e feta ka motse wa Mopipi (Madista) e bo e tsena ka Ntwetwe Pan.[2]
Noka ya Boteti e thapologa go tswa Ngamiland go ya kgaolo kgolo ya Boteti ko e dirisiwang go tlatsa tamo ya Mopipi, e e leng botlhokwa thata mo meepong ya diteemane tsa lefelo leo, e leng moepo wa diteemane wa Orapa.[5][8] Go fetolwa ga noka e go tlogetse batho ba ba nnang gaofi nayo ba sena metsi a a phepa, gape ba sala jaanong ba sa kitla ba tshwara ditlhapi, kana go dirisa noka jaaka ene e le tlwaelo.
Bogologo Boteti ene a itsege e le lefelo le legolo le le lemang mmedi, le na le di hekere dile makgolo a masome mabedi ka fa tlase ga temo go fitlhela ngwaga wa 1980.Le fa go ntse jalo, palo le bogolo jwa dingwaga tse di metsi di fokotsegile, mme noka e ne ya tsenngwa mosele kwa tlase ga Rakops go oketsa kelelo go ya kwa Letamong la Mopipi.[9] E ne e elela ngwaga otlhe pele ga bogareng jwa dingwaga tsa bo 1990,[1] morago ga moo go fokotsega ga kelelo go ne ga baka go oma ga paka mo mafelong mangwe a a kwa tlase.
Bona gape
[fetola | Fetola Motswedi]Dikgoge tsa kwa ntle
[fetola | Fetola Motswedi]Dipadi
[fetola | Fetola Motswedi]- 1 2 3 4 Helgren, David M. ( 1984) "Historical Geomorphology and Geoarchaeology in the Southwestern Makgadikgadi Basin, Botswana" Annals of the Association of American Geographers 74(2): pp. 298–307, page 298
- 1 2 3 Johannesburg Sheet 34, Edition 5, TPC, 1970, Series 2201, U.S. Army Map Service
- ↑ "Profile. Okavango" (PDF). UN.
- ↑ Hogan, C. Michael (2008) "Makgadikgadi" at Burnham, A. (editor) The Megalithic Portal
- 1 2 Murphy, Alan; Armstrong, Kate; Firestone, Matthew D.; and Fitzpatrick, Mary (2007) Southern Africa: Join the Safari (4th edition) Lonely Planet, Footscray, Victoria, Australia, page 100, ISBN 978-1-74059-745-6
- ↑ Boteti River (n.d.). In Encyclopædia Britannica online. Retrieved 28 January 2019
- ↑ Windhoek Sheet 33, Edition 4, TPC, 1969, Series 2201, U.S. Army Map Service
- ↑ Breyer, J. I. E. (1983) "Soils in the Lower Boteti Region, Central District, Botswana" National Institute for Development Research and Documentation, University of Botswana, Gaborone, page 32, OCLC 12600164
- ↑ Scudder, T. (1993) The IUCN review of the Southern Okavango Integrated Water Development Project International Union for Conservation of Nature and Natural Resources (IUCN), Gland, Switzerland, page 90, ISBN 2-8317-0114-7
