Sasa Klaas

Sasa Klaas
Leina la Matsalo	Sarona Motlhagodi
Tsalo	(1993-05-17)17 Motsheganong 1993
Letso	Gaborone, Botswana
Leso	5 Mopitlwe 2021(2021-03-05) (aged 27) Xumabee Game Ranch, Botswana
Mefota	Dance House Pop
Ditiro	Singer Writer Artist
Didirisiwa	Vocals
Dingwaga tsa a le mo boopeding	2010–2021

Sarona Motlhagodi (17 Motsheganong 1993 – 5 Mopitlo 2021), yo a neng a tumile ka leina la Sasa Klaas, e ne e le moopedi, mokwadi wa dipina, ga mmogo le motshwarakgang wa thelebišene wa Motswana.O tshotswe ka 17 Motsheganong 1993 mo Botswana, a tla a godisiwa ka boesi jwa gagwe ke mmaagwe,Anna Mokgethi, yo e leng lepolotiki la Motswana. E ne e le modiragatsi wa popotla, mo gape a neng a bonwa e le "Kgosigadi ya Hip Hop" mo Botswana. O tumile thata ka pina ya gagwe ya Mma Mongwato. O ne a kile a nna le botsalano le Bakang "Baxon" Moitoi.

Tiro ya gagwe

Moopedi yo, yo o neng a tumile thata ka leina la Sasa Klaas kana Mma Mongwato e ne e moopedi wa mmino wa rap e bile e le mokwadi wa dipina.. E ne e le moopedi yo o itsegeng thata ka tiro ya gagwe e ntle mo mererong ya mmino wa hip-hop. Tiro ya ga Sasa Klaas ya mmino le moopelo e simolotse ka A Ke Mo Khande a dirisana mmogo le Thato 'Scar' Matlhabaphiri. E rile mo nakong e khutshwane fela morago ga moo, o ne a nna mogasi wa thulaganyo ya The Foundation: Next Level go tloga ka 2011 go fitlha ka ngwaga 2012 mo e.tv Botswana. Pina ya gagwe ya ntlha a le nosi, Hadsan, e ne ya gatisiwa ya ba ya gololwa.

Dingwe tsa dipina tsa ga Sasa Klaas

• Mma Mongwato
• H.A.D.S.A.N
• Playing with Myself
• You
• The Best Things
• Vapors
• Bafaba ba style
• Mosoroto

Loso

O tlhokafetse ka 5 Mopitlo 2021 mo maitseboeng. Sasa o ne a na le dingwaga di le masome a mabedi le bosupa fa a tlhokafala mo kotsing yasefofane sa tlhootomo sa R44 kwa Xumabee Game Ranch (gaufi le Sojwe).